¹ Mtasi m'baha akati, "mburi ii ni ya idi"? ² Sitefano akati, "Vandughu na vavava vangu, nisikijeni mi: Mrungu mwenye ngazo emfumiie vava wetu Abrahamu hala eho mesopotamia, esinatua Haruni,' ³ Akamti,' vuka ghati ya Isanga lako na ndughu jako na utonge he Isanga nenekuvonyesha'. ⁴ Niho akavuka he Isanga la ukaldayo akatua Harani, kufuma aho, vavee ekinafwe , Murungu akamuete he Isanga ili, vetue iki. ⁵ Temuingie chochose sa urithi wakwe, hesena handu neri hakuvika kughu. Mira Abrahamu eahidiwe neri asanaketa mwana iti eneingwa Isanga sa miliki yakwe na lukolo lwakwe. ⁶ Murungu etetie naye huvu, ikuti lukolo lwakwe vekitua he Isanga la vugheni, iti venye va aho venevagharusha vazoro vavo na kuvarisha vwasi muda wa miaka maghana mane. ⁷ Na Murungu akati, Ninevalaha Isanga elo lenevaosha vazoro, na baada ya haho venefuma na kunitasia hantu aha. ⁸ Na kumuinga abrahamu kiaghano cha kitavani ,Niho Abrahamu akaoka vava wakwe Isaka akamtavana msi wa mnane; Isaka akaoka vava wakwe Yakobo, na Yakobo akaoka vava vakaka vetu ikumi na veri. ⁹ Vakaka vetu vakamsikia luiso Yusufu vakamtagha he isanga la msri, na Mrungu eho hamwe haye, ¹⁰ Na akamkija he vwasi vwakwe, na akamuinga kukundika na kuketa kiugho ha Farao ,Mfumwa wa Misri. Farao akamuosha aoke mratetia wanga ya Misri na wanga ya nyumba yakwe yose. ¹¹ Niho hakaketa nzota mbaha na vwasi vubaha Isanga la Misri na kanani , na vava vetu teveketie kijo. ¹² Mira Yakobo ekinasikie hena nafaka misri, akavatuma vava vetu ka kuvoka. ¹³ Na ndambo ya keri Yusufu akakuvonyesha he vandughu vakwe, Familia yakwe Yusufu kamanyika he Farao. ¹⁴ Yusufu akavatuma vandughu vakwe kutonga kumvwira Yakobo vava wavo aze Misri, hamwe na vandughu vakwe, jumla ya vandu vose ni makumi mfungate. na vasano. ¹⁵ Niho Yakobo akasea Misri, kangi akafwa ye hamwe na vava vetu. ¹⁶ Vakaghuhwa noko Shekemu vakajikwa he mbuji eyo Abrahamu eizorire kwa vipande va fedha kufuma he vana va Hamori uko shekem. ¹⁷ Igheri la kila kiravo echo Murungu e mravie Abrahamu ekinazengelele, vantu vekioka vaongejika uko Misri, ¹⁸ Kigheri icho akafumia Mfumwa ungi wanga ya Misri, ntume asimanyinje kuhusu Yusufu. ¹⁹ Uo ntume ungi akavaisha vantu vetu na akavaketa vivi vava vetu, na kutagha vana vavo vadori iti vasiishi. ²⁰ He igheri ilo Musa akamoghwa ; akaoka wedi mozya ya Mrungu akarerwa mieji mitatu he nyumba ya vava wakwe. ²¹ Wakati ekinataghwe, m'bona wakwe Farao akamughuha akamuehija sa mwanawe. ²² Musa akachejwa viugho yose vya Misri; akaoka na nguju he viteto na vihiro. ²³ Mira baada ya kukolosha miaka makumi manne, kikamzia he ngoro yakwe kuvarereha vandughu vakwe vana va Israel. ²⁴ Ekina mvone mwiisrael ekiketiwa uvivi, Musa akamkania akamchwia sire eye ekimketia chesive kwa kum'bigha Mmisri: ²⁵ Ekidunganya iti vandughu vakwe venetwarija Murungu evakija kwa mkono wakwe mira tevetwarije. ²⁶ Msi weratere akatonga ha vakumwe ya vaisraeli vekitikana ; akaghesha kuvakunanya , ekiti,'Vomeni unywi ni ndughu; haiki mweherana unywi kwa unywi? ²⁷ Mira ula umketie mghenji wakwe chesive akamshukuma hae, ekiti, Niani akuosha m'baha mlaho wetu? ²⁸ We uenda kunikoma ,sa vandu wemkomie Mmisiri ighuo?" ²⁹ Musa akaaha e kinasikie huvo; akaoka mgheni he Isanga la Midiani, akaoka vava wa vana veri. ³⁰ Baada ya miaka makumi mane kuvecha , malaika akakmfumia he nyika ya ntuvi sinai, he mwali wa moto ndeni ya Izungo. ³¹ Eho Musa ekiuvona moto, akamaka na kustaajabu kala akivona na ekinagheshe kusogeiya iti arerehe, izi la Mfumwa likamzia lekiti, ³² Mi ni Murungu wa vava vako, Mrungu wa Abrahamu, ne Isaka , ne Yakobo'. Musa akazingiza asi asiidime kurereha . ³³ Mfumwa akamti, 'ng'ola viratu vyako , hantu weimuke ni hantu hezerire. ³⁴ Navona mavwasi a vantu vangu veho Misri; nesikie kuvaa kwavo , nami nasea ; ikinzo , nnekutuma we Misri.' ³⁵ Uu Musa eye vemsuye, eho vekinatete, niani akuosha kuoka m'baha na mretanya wetu?_eokie niye eye Mrungu amtumie aoke m'baha na mkomboli. Murungu akamtuma kwa mkono wa malaika eye emfumiie Musa he Izungo. ³⁶ Musa evarongoje kufuma Misri baada ya kuketa vimako na maluvengo he Misri na he bahari ya sham, na uko nyika he kipindi cha miaka makumi mane. ³⁷ Ni Musa uu niye evavwirire vantu va Israel iti, Murungu enevavushija mroti kufuma aha he vandughu venu, mroti sa mi'. ³⁸ Uo ni mntu eye ekiho he ruvungano nyika na malaika eye etetie naye he ntuvi sinai .Uu niye mntu eye eho na vava vetu , uu ni mntu eye eingiwe kiteto vya ngalamo atuinge uswi. ³⁹ Uo ni mntu eye vava wetu emsuie kumsikija ; vekimshukuma hae, na he ngoro javo vakagharukia Misri. ⁴⁰ He kipindi icho vakamti Haruni.' Tuharehie mirungu yeneturongorira .Uo Musa , eye ekiturongora kufuma he Isanga la Misri, tetumanyije echo chemfumie.' ⁴¹ Huvyo vakahareha ndama he misi iyo vakang'ola sadaka huvo he iyo sanamu na kizihirwa kwa ila ndima ya mikono yava. ⁴² Mira Murungu akavagharusha na kuvainga vatase nyota ja uko anga, sa vundu yeanikiwe he kitabu chakwe mroti,' Mwening'olie mi ndogolo ja vanyama mwe vachinjije nyika kwa miaka makumi mane nyumba ya Israeli? ⁴³ Mwakunda hema ya kukichania ya moleki na nyota ya Mrungu refani na picha mweharehe na kuvatasa vo.' ⁴⁴ Vava vetu veho ihema ya kukichanyia na vuonwa nyika, sa Murungu eazere ekinatete ne Musa, iti aiharehe kwa vuonwa vwa ula evonie. ⁴⁵ Ili ni Ihema elo vava wetu, he misi yavo ,vakaetwe he Isanga ne Yoshua. Li yefumie vekinaingie hemiliki ya vaisanga elo Murungu evakinyinye mozya ya vava vetu, ii chekiokie huvu mhaka misi yakwe Daudi, ⁴⁶ Eye epatie kibali he meso a Mrungu, ' na kuomba emuendie ha kuikaa kwa Murungu wa Yakobo. ⁴⁷ Mira Selemani emjengie nyumba ya Murungu. ⁴⁸ Mira huvo ula eho wanga teikaa he nyumba jejengiwe namikono; ii ni sa mroti evoetie. ⁴⁹ Uko wanga ni kichumbi changu cha kifumwa, na si ii ni handu hakuvika maghu angu. Ni nyumba ya ani mwenenijengia? akati mfumwa : kana ni hio hantu hangu ha kuhema? ⁵⁰ Si mkono wangu wehirire ivi vintu vyose?' ⁵¹ Unywi vantu venye singo nguji mwesitavanwe ngoro na masikio,misi yose mumkinda m'peho wedi,' mketa sa vava venyu veketie. ⁵² Ni mroti uhi he varoti eye vava venyu vesimuweriwerishe? vevakomie varoti vose vefumie kabla ya kuza kwa mmwe mwenye singirizia ; na iki mwaoka varenge na vakomi vakwe, ⁵³ Unywi vantu mweghughie miyomogwa ila mweazerwe ne malaika mira temuigurushe." ⁵⁴ Kangi vajumbe va baraza vekinasikie mburi iyo vakasha ngoro yavo, vakamkereresia majegho stephano. ⁵⁵ Mira ye ekiizua m'beho wedi , akarereha uko wanga kwa makini akavona ngazo ya Murungu ,' na kumvona Yesu eimuke mkono wa kume wa MUrungu. ⁵⁶ Sitefano akati, "Rereha navona wanga yejuvuke , na mwana wa Adamu aemuke mkono wa kuume wa Murungu." ⁵⁷ Mira vajumbe va baraza vakalonza izi la wanga na kujiva masikio avo, vakamjingiia kwa hamwe, ⁵⁸ Vakamtagha nze ya muzi na kumbigha mabwe: na vaonwa vakang'ola suke javo na na kuvika si hafuhi he maghu a m'bwange eitangwa sauli. ⁵⁹ eho vekim'bigha mabwe stefano , ekiendelea kumtanga Mfumwa ekiti, " Mfumwa Yesu ghuha ngoro yangu,". ⁶⁰ Akadunguta na kuitanga kwa izi ibaha , "Mfumwa , usivatarire mabanu aa."Ekinatete huvo akachwa ngoro.