¹ Niho misi ila itaro la Varateri lekiongejika. hakateka madungunyiko a Vayuda va Kigiriki he Vaebrania kila vache vava vefwiie ni vome, veivawa he kutumikiwa kila msi ² Vala ikumi na veri vakaitanga luvungano lwa Varateri vakati, " Tekiiziho uswi twekishigha kiteto cha Murungu na Kuhirira kijo. ³ Heicho, vandughu ,saghurani, vantu mfungate he unywi vena nguma yedi , veizuwe ni Mpeho wedi, vena kiugho nesa tuvavike he iyo ndima. ⁴ Na uswi tuzike ikaa he kuomba na kuhirira icho kitelongwa." ⁵ Iyo mburi ikaizihija luvungano lwaose. Vakamsaghura Stefano, mntu eizue mwitikijo na Mpeho wedi , ne Filipo ne Prokoro, ne Nikanori ne Timoni, Parmena ne Nikolao egharukie kiyuda wa Antiokia. ⁶ Evo venavikie mozya he ntume vekinaombe vakavavikia mikono. ⁷ Kiteto cha Murungu kikagisha hantu hose, na itaro la Varateri likazikaneha haiwa uko Yerusalemu ; hata vatasi vajinki vakaghurisha uo mwitikijo. ⁸ Stefano, naye ekiizua mbonea na mzinya , ekironga vimako na maluvengo mabaha he vantu. ⁹ Mira hakavuka vantu kumwe va Sinagogi yeitangwa ya vekombolwe , na ya Vakirene na ya vaaleksandria na ya vala vefuma kilikia na Asia , vakaka nana ne Stefano. ¹⁰ Mira teveidime kuvota kiugho chakwe na ula Mpeho eteta heye. ¹¹ Niho vakasembeka vantu vetie, " Twemsikie uu ekiteta viteto vya kumfalaja Musa na Mrungu." ¹² Vakasoseja vantu, vaghosi, na vaandiki, na vakamjinkia vakamgura , vakamtonja he chila. ¹³ Vakavika vaonwa vamongo veti, "uu mntu teshigha kuteta viteto vya kuberesha aha hantu hezerirera myomongwa. ¹⁴ Ambu twemsikie ekiti uo Yesu wa Nazareti , ene kondo aha hantu na kugharusha viziomo tweinkiwe ni Mose." ¹⁵ Vantu vose he chila vakamtunkulila meso vakavona uusho vwakwe vweikee sa vwa malaika.