¹ yu no mas tok strong lo wan bigman, be singaotem hem olsem papa. Singaotem ol yangfala boi olsem brata, ² ol olfala woman olsem mama mo ol yangfala gel olsem sista wetem wan hat we e klin gud. ³ yu mas hona lo ol apu woman.ol prapa olfala woman. ⁴ Nao sapos olfala woman ia e gat ol pikinini wetem ol apu blo hem, olgeta oli mas mekem wok blo olgeta blo soem hona blo olgeta lo haos fastaem. ⁵ Be sapos wan apu woman we emi stap em wan we e nogat man blo lukaotem em, Em e putum tingting blo em e stap strong oltaem lo Hae God, mo e neva stop blo prea mo askm help lo Hae God evri dei mo naet, ⁶ be olfala woman we e laekem tumas ol fasin we bodi blo blo yumi e wantm emi stap folem rod blo lus finis nomata we emi laef yet e stap. ⁷ Yu mas kivim tok ya lo olketa, blo bae inogat wan e save mekem fasin nogud. ⁸ Be sapos we wan apu woman e gat ol pikinini wetem ol apu oli stap, olgeta oli mas mekem wok blo olketa fastaem blo lukaotem m, mo blo blo soem hona blo olgeta lo haos. Be sapos we olgeta oli no mekem pat blo olgeta blo lukaotem hem fastaem, e minim se olgeta oli no folem tru biliv we e stap. ⁹ Nao yu no mas singaotem wido lo wan apu woman we yia blo hem ino ova lo 60 yia mo e mas gat wan man nomo. ¹⁰ Hemi mas wan woman we e stap mekem ol stret fasin oltaem, we e lukaotgud lo ol pikinini blo hem, welkamem ol strenja lo haos, wasem leg blo ol tapu man blo Hae God,helpem olgeta we oli stap harem nogud blo oli harem gud bakeken, mo e stap komitim hem fulwan blo mekem wok blo God. ¹¹ Be yufala ino mas singaotem wido lo yangfala woman we man blo hem e ded. from taem we bodi blo hem e wantem tumas blo mekem ol fasin we e akens lo jisas kraes, hemi wantem mared. ¹² Lo semak fasin olsem oli puttum olgeta lo rod blo ded from oli no wantem folem fesfala biliv we e stap finis. ¹³ Mo semtaem oli lanem tu blo les, mo stap folem ol haos blo mekem wanem we bodi blo olgeta e laekem tumas blo mekem. Oli no les nomo, be oli laekem tu blo talem ol toktok we e akens lo trutok mo oli usum ol bodi blo olgeta lo fasin we ino stret mo talem ol toktok we ino blo talem. ¹⁴ From fasin ya me wantem ol yangfala wido blo oli mas mared mo gat pikikini, mo lukaotem ol pikinini blo hem blo nomas givim janis lo devel. ¹⁵ E gat samfala we oli tanem bak blo olgeta lo trutok mo stap folem devel. ¹⁶ Be sapos eni biliva e gat wido lo haos blo hem, letem hemi helpem hem fastaem blo no givim wok lo joys, mo fasin olsem hemi prapa we e helpem ol stret wido. ¹⁷ Tok ya me stap givim e ko lo ol Elda we God e hona gud lo olgeta, olgeta we oli spesel lo wok blo trutok mo blo tijim tu lo ol man. ¹⁸ From tok blo God e talem se, "Yufala ino mas mekem wan man buluk we oli no katem hem e sek taem emi stap bisi blo kakae grass". ¹⁹ Yu no mas mekem toktok akens lo wan elder, emi moa gud sapos we yu mekem toktok wetem hem we e gat tu o tri witnes oli stap. ²⁰ Yu mas tok strong lo man we e stap mekem sin blo ol narafala we oli stap ba oli fraet. ²¹ Me stap givim tok ya e kam lo yu,lo fes blo God, mo jisas kraes mo ol enjel blo hem, blo mekem evri samting we me stap talem lo yu blo yu mekem wetem wan tingting we e stap taon gud. ²² Yu no mas sakem han blo yu lo naraman.Mo yuu no mas folem naraman blo mekem fasin nogud.Yu mas stap lo wan laef we e klin gud oltaem. ²³ Yu no mas dring wota nomo. Be yu mas dring smol waen blo helpem kakae lo bodi mo blo helpem karemaot sik lo bodi. ²⁴ Sin blo samfala man e kamaot klia nomo we evriman e luk, mo oli stap wet finis lo jajmen. Be e gat sam sin we oli stap kam bihaen. ²⁵ Lo sem fasin, e gat sam gudfala wok we yumi save luk lo klia ples we ino save haed.