¹ Ol slev oli mas hona gud long ol masta blong olgeta. Oli mas mekem olsem blo ba ino kat tok agens lo tabu hae God mo tabu tok blo hem. ² Slev ² we masta blem hemi wan biliva, slev i mas rispetem hem from tufala oli brata. Nao bae tufala oli mas stap helpem gud tufala. From olgeta we oli kat tingting olsem oli olsem ol biliva mo God i glad lo olgeta. Yu mas tijim mo witnessem tru tok lo ol man. ³ sapos we wan man e stap tijim ol kiaman tijing we e go agens lo trutok blo masta jisas kraes wetem ol Godly teaching. ⁴ Hemi wan flas man mo ino sem save wan samting nating thinking blo hem e stap olbaut lo ol toti fasin mo hemi laekem tumas fasin blo mekem tok agens lo narafa, traehad (hadwok) talem tok we e hedem filing blo narafala, mo ol rabish tingting mo kiaman fasin. ⁵ Nao fasin blo mekem kiaman toktok long tu man we i save spolem gud tingting. Oli lusum tru tok we oli ting se hemi wok blong save faenem mani lo hem. ⁶ Nao blong liv long wan klin mo tabu laef, hem i mo gud. ⁷ From yumi no karem eni samting wetem yumi i kam long wol ya, mo bae yumi ko bak neket. ⁸ Be oltaem yumi mas klad long kakai mo klos we yumi stap kat. ⁹ Nao ol fasin blong mekem man i rij i save mekem hem i foldaon long fet blong hem mo i fas lo trap. I foldaon lo ol fasin nogud we i save kilim man i ded long kranke mo toti we bodi blong man i wantem tumas blo i mekem we i kavsaetem man lo fet blo hem i folem rod we i en blem e ded nomo. ¹⁰ From lav blong mani hemi olsem rus blo everi fasin. Sam man oli laekem oli nomo folem prapa biliv we i stap mo putum olgeta long wan ples blo stap harem nogud oltaem. ¹¹ Be yu olsem man blo God, yu mas ronwe lo ol samting ia, trae had blo kat wan tabu laef we i klin, mas kat lav, mas kat strong tingting blo save mekem mo stap hambol oltaem. ¹² Mas faetem gudfala faet blo fet. Holem taet ol fasin we bae i mekem yu kat laef we nokat en blong hem we hae i singaot yu from. ¹³ Mi stap talem ol tok ya lo yu lo fes blo God we i kivim laef mo everi samting lo ol fes blong Jisas Masta blo yumi we i no fraet lo fes blo Pontias Paelot mo mekem gudfala wok blo witnes, ¹⁴ blo kipim koman we ino nokat toti mo bleim lem kasem taem we yumi luk Masta blo yumi Jisas Kraes ikam. ¹⁵ Hae God bae i rivilim kambak blo Masta Jisas lo raet taem blo hem nomo papa hae God we yumi mas talem tankiu lo hem nomo mo king we i rulum wol mo stap olgeta taem. ¹⁶ Mo from we yumi no save luk hem from hem i tabu mo istap lo telaet we ino kat tudak lem. Ino kat man i save luk hem nating o i save diskraebem hem. Yumi mas presem hem mo kivim hona lo hem olwe nomo. Amen ¹⁷ Mo yu mas talem lo olgeta we oli rij blo oli no mas wari be oli mas putum hop blo olgeta long hae God from hem i mekem yumi kat evri samting we yumi yumi stap injoiem. ¹⁸ Talem lo olgeta blo oli mas mekem gudfala fasin blo save rij lo gudfala fasin we i save helpem olgeta, blong mekem se oli save serem samting long stret fasin we oli wiling blong mekem wetem klad had. ¹⁹ Fasin olsem bae i save mekem nara man bae i save stanap strong lo stamba biliv blem lo tru tok oltaem mo holem ril laef. ²⁰ Timoti, yu mas protektem wanem we yu lanem. Yu mas leko ol kiaman toktok, emti toktok mo ol raorao we tingting blo yumi i laekem tumas we yumi stap singaotem ol waes tok. ²¹ Sam man oli talem aot ol samting ia be afta oli nomo holem fet mekem se oli ko long wei tumas. Bae Glad had blong God i stap wetem yu.