¹ Hemia wan tok we i talem olsem, sipos wan man we i wantem kam Dikon o bisop long jej, bambae hem i mekem wan gudfala wok. ² Man olsem i mas wan man we ino kat kiaman long hem, mo man olsem i mas kat wan woman nomo blong hem. Mo fasin blong hem i gud mo hem i save gud fasin blong save Tij. ³ Be man we i stap faet mo i stap drong i no save tekem work ia. Mo man we i mekem wok ia i mas wan man we i kwaet mo hem i wan man blong pis, mo hem i wan man we ino stap wantem mani. ⁴ Man olsem i mas kat gudfala famile blong hem, mo ol pikinini blong hem oli mas harem gud toktok blong hem mo oli mas rispectem hem. ⁵ Be sipos man olsem ino lukaotem gud famile blong hem, bambae hem i no save lukaot gud Jej blong God ⁶ Man we hemi wan biliva, be hemi ting se hemi gud bitim narafal man, God bambae i jajem hem olsem hemi jajem devel. ⁷ Hemi mas wan man we ol man aotsaed oli talem se yes hemi wan gudfala man mo ol toktok blong hem i tru nomo, long fasin olsem, lukaot bambae hemi save foldaon long trap blong devel. ⁸ Long sem fasin, man we hemi wan dikon hemi mas wan man we hemi gud mo toktok blong hem i mas tru oltaem. Man we i stap drink mo hemi wan man blong mani, hemi bambae i no save mekem wok ia. ⁹ Yufala mas bilif strong long ol ting we God i talem long yumi, mo long sem taem, yufala mas save samting we i stret, mo yufala i mas mekem. ¹⁰ Long fasin olsem, mas traem olgeta fastaem sapos fasin mo bilif blong olgeta i strong long God, bambae oli putumap olgeta. ¹¹ Long sem wei, woman blong olgeta i mas kat respek long hem. Nogud hemi wan woman we i tokbaot narafala man, mo hemi wan woman blong drink. Hemi mas wan woman blong we yumi save trastem hem. ¹² Man we hemi wan dikon i mas kat wan gudfala woman blong hem. Mo tufala i mas manejem gud pikinini mo famle blong olgeta. ¹³ Olgeta we oli respek mo oli mekem gud long wok blong olgeta, long fasin we, oli stanap strong mo tingting blong olgeta i strong blong bilif long Jisas Kraes. ¹⁴ Mi stap raetem letta ia i kam long yu, ino longtaem bambae mi kam luk yu. ¹⁵ Be sapos mi longtaem, mi stap raetem letta i kam long yu blong talemaot hao yumi mas mekem stret fasin ol famle blong God, from hemi church blong God, from everi tijing we hemi mekem hemi witnes se yes hemi tru. ¹⁶ Yumi evriwan e akri lo tingting se, valiu blo trutok e bigwan tumas. "Hemi kam man mo spirit tu, ol enjel oli luk hem, ol profet oli talemaot nem blo evri ples mo ol man oli biliv strong lo hem raon lo wol, nao emi kobak antap lo glori".