¹ Fes samting,we mi wantem talem i olsem,mi askem strong long yufala blong yufala i prea long God from ol man,mo yufala i askem God blong givhan long olgeta,mo i givim olgeta samting we oli nidim mo talem tankyu from olgeta, ² mo yufala i mas prea from ol king mo olgeta lida.From fasin ya bae yumi gat pis mo yumi stap gud mo yumi hona long God mo yumi rispektem hem. ³ Hemi gud tumas taem yumi mekem olsem mo paoa God we yumi stap sevem hemi glad hem. ⁴ God ya,hemi wantem sevem evri man mo i wantem evriman i save trutok blong hem. ⁵ From i gat wan God nomo,mo i gat wan man nomo we i save joenem wan man wetem God,man ya hemi Jisas Kraes. ⁶ Hemi letem hem ided blong pemaot sin blong yumi blong yumi kam ol fri man,blong pruvum long raet taem se God i wantem sevem ol man blong hem.Long taem we God nomo i jusumaot. ⁷ Mo from samting ya God i jusum mi olsem wan aposol blong mi talemaot gud nius ya-mi mi talem tru,mi no stap talem kiaman toktok-mo mi wan tija we mi stap talemaot gud nius long olgeta Gentiles long fasin blong bilif we i tru. ⁸ From samting ya, mi wantem evriwan long evriples blong oli prea mo leftemap han blong olgeta we bae oli no kros mo raorao. ⁹ Mo long sem fasin ya, ol woman oli mas werem ol klos we i stret nomo, i no blong pulum ae blong ol man, mo oli no mas tanem hea blong olgeta long ol stael we i flas tumas mo putum gol mo pel long hem, mo oli no mas werem ol clos we praes blong olgeta i sas tumas blong ol man oli laekem olgeta. ¹⁰ Be olgeta oli mas mekem ol gudfala wok, kfrom hemia hemi stret fasin blong ol woman we oli stap talem se oli wosipim God. ¹¹ Wan woman i mas stap kwaet taem hemi stap lan mo hemi mas putum hem i stap taon long wan man. ¹² Mi mi no givim raet long wan woman blong i tij mo i bos long wan man,be bae stap kwaet nomo. ¹³ From God i mekem Adam fastaem,mo bihaen God i mekem Iv. ¹⁴ Be setan hemi no kiaman long Adam,be hemi kiaman long Iv nao hemi brekem loa blong God. ¹⁵ Be God bae sevem ol woman long ol sin blong olgeta tru long wok blong olgeta blong karem ol pikinini, spos oli gohed blong gat strong feit,mo oli gohed blong gat stret tingting.