1 Yufala i mas traehad blong lavem ol nara man from ol spiritual gift, long ol taem we yufala i stap talemaot tok blong God. 2 From man we i toktok long difren langwij we spirit i givim long hem, hemi no toktok long ol man be hem i toktok long God. Blong i nogat man i save wanem we hem i stap talem. 3 Be man we i stap talemaot tok blong God oli talem long ol man blong mekem olgeta i stap strong blong mekem olgeta blong oli no fraet, mo blong mekem olgeta oli harem gud. 4 Man we i toktok long difren langwij istap mekem redi laef blong hem, blong man we istap talem aot tok blong God hem i stap helpem evri man long jej blong stanap strong long biliv blong olgeta. 5 Mi wis se yufala evriwan i toktok long difren langwij be iven to long hemia, mi wis se bambae yu talemaot wanem we bae i hapen. Man we i stap talemaot samting we bae i hapen iet hemi gud moa long wan we i stap toktok long difren langwij (Spos eni wan i save explenem long ol nara langwij blong bae jej i save wanem we oli stap talem). 6 Be naoia ol brata, spos mi kam long yufala we mi stap toktok long langwij blong yufala, olsem wanem nao bae mi helpem yufala? Bae mi no save mekem, spos nomo we bae mi talemaot long yufala wanem we i stap haed iet, blong helpem yufala i save wanem we yufala i no save, o blong talemaot sam long ol toktok we yufala ino stap harem, o blong tijim yufala long ol samting we yufala i no save. 7 Long sem fasin ia, ol instramen we i no gat laef lem be oli mekem saon-iolsem flut o harp-spos we olgeta instramen ia oli no givim gudfala saon, bae olsem wanem nao be man i save se hemia hemi saon blong flut o harp we i stap plei? 8 From spos trampet bae i plei wetem wan saon we i no stret, bae olsem wanem nao bae man i save se hemi taem blong redi from faet? 9 Hemi semak nomo olsem olgeta we oli stap toktok long nara langwij. Spos toktok blong yu i komplit be ino klia, hao nao bae man i save kasem wanem we yu stap talem? Yu stap toktok i go long heia nomo. 10 I gat fulap difren langwij long wol ia, mo i gat ol mining blong hem we man i save kasem. 11 Be spos we mi no save mining blong langwij ia, bae mi mi olsem man nara ples mo man ia tu i olsem man nara ples long mi. 12 I stap long yu nomo. Olsem we yu stap wantem mekem ol wok we spirit i wantem, yu mas lukaotem adfaes long jej blong yu save kasem moa. 13 Naoia wan we i toktok long difren langwij ia, hemi sud prea blong mekem se hemi save harem save wanem we oli stap talem, mo bae hem i mas talem long narafala langwij bakeken. 14 Spos we mi prae long difren langwij, spirit blong mi i stap prea, be tingting blong mi i no stap long prea. 15 Bambae mi mekem wanem? Bae mi prea wetem spirit blong mi, mo wetem tingting blong mi. I semak spos mi sing wetem spirit blong mi mo wetem tingting blong mi. 16 Spos we, yu stap presem God wetem spirit blong yu wan, bae hao nao ol aotsaeda bae oli talem ''Amen'' taem we yu stap talem tankiu we hem i no save wanem we yu stap talem? 17 Long yufala ol man korin yufala imas givim tankiu blong yufala i bigwan i naf, be naraman ia hemi no strong nomo blong stanap hem wan. 18 Mi talem tankiu long God from we mi toktok long ol difren langwij i moa long yufala. 19 Be long jej bae mi talem faef toktok wetem save blong mi blong mekem se mi save tijim ol narafala wan, mo long ten taosen wod long ol nara langwij. 20 Ol brata, yufala i no tingting olsem ol pikinini. Be, taem yufala i stap tinkbaot ol rabis samting, yufala i sud tingting olsem ol smol pikinini. Blong yufala i gat bigfala save blong mekem se yufala i save kasem gud olsem ol bigfala man. 21 Long loa oli bin raetem se, ''Tru long ol man blong narafala langwij, mo tru long maot blong olgeta bae mi toktok long ol man blong mi. Be bae oli no harem save mi,'' 22 Spos wan man i toktok long nara langwij, we i no blong hem hemi wan saen i go long man we i no biliv ,be i no man we i biliv. Be profesi hemi wan saen blong ol biliva be i no blong ol man we oli no biliv. 23 Spos, evri biliva oli kam tugeta mo oli toktok long ol nara langwij we God i allawem, mo man we oli no biliv be oli harem olgeta bae oli talem se tru ol man ia oli lusum hed? 24 Be spos we yufala evriwan i stap talemaot tok blong God mo olgeta we oli no biliv o wan aotsaeda bae i kam insaed, bambae hem i save harem save se hemi no wan stret man tru long wanem we oli stap talem. Bae hem i save karem jajmen long evri samting we oli stap talem. 25 Olgeta sikret long hat blem bae i kamaot long taem ia. Olsem wan risal blong hem, bambae hemi kam bifo long fes blong God blong i wosipim God. Hem bae i save talemaot se God i stap wetem yu oltaem. 26 Naoia bae yumi mekem wanem bakeken, ol brata? Taem yufala i kam tugeta, wan wan long yufala i gat ol sing blong pres, wan tijing, wan visen, wan langwij, o blong talemaot wanem we oli stap talem. Yufala i mekem evri samting we yufala i save mekem blong inkarejem yufala from yufala nao i jej blong Kraes. 27 Spos eni man we i wantem toktok long narafala langwij, i nomo nid blong gat tu o tri man bakeken, olgeta oli sut toktok wan bae wan, mo wan man i mas talemaot wanem we oli stap talem. 28 Be spos i nogat man blong talemaot wanem we oli stap talem, letem olgeta oli stap kwaet long jej. Mo letem oli toktok long olgeta wan wan mo long God hem wan. 29 Letem tu o tri profet i toktok, mo letem ol narafala wan oli lisen mo blong oli save kasem wanem we ol profet oli stap talem. 30 Be spos we i gat wan man we God i stap toktok long hem o i stap luk visen we hemi stap lisen insaed long miting, letem ol biliva oli stap kwaet mo oli lisen long mesej blong hem blong oli save kasem gud. 31 Blong wan wan long yufala i save talemaot tok blong God mo bae i save mekem wok blong God tu. Be olgeta oli mas mekem olgeta nomo, blong mekem se ol bilifa oli save gat karej blong lavem God. 32 Olgeta we oli stap talem aot tok blong God, olgeta oli save hao blong oli kontrolem spirit blong olgeta olsem we oli stap mekem. 33 From God hemi no God blong fasfas long ol man, be hemi God we i gat pis oltaem. Hemia hemi ol rul blong evri jej blong ol pipol blong God. 34 Ol woman oli sud stap kwaet taem we oli stap insaed long jej. From olgeta oli nogat raet blong toktok. Olgeta oli sud obei o stap anta long wan man oltaem, i olsem we loa tu i talem. 35 Spos we i gat wan samting we olgeta oli wantem tumas blong oli save, letem olgeta oli askem long ol man blong olgeta long haos. From hemi no stret blong wan woman i toktok insaed long jej. 36 Yu ting se tok blong God i kam long yu olsem wanem? Hemi yu wan nomo we tok blong God i kasem yu? 37 Spos we eni man i tink se hem bae i olsem ol profet o man we hemi save God, hemi sud talemaot se ol samting we mi raetem i kam long yu, hemi ol oda blong God. 38 Be spos eni man i no luksave, letem hem blong i no luk save. 39 Mo bakeken, ol brata, yufala i wantem tumas blong talem aot tok blong God, mo yufala i no mas blokem ol narafala man blong oli toktok long langwij we God i givim long olgeta. 40 Be letem evri samting i finis gud mo istap long oda blem.