1 Spos mi save toktok long evri lanwij blong man mo enjel. Be mi nogat lav, Mi olsem wan bel we inogat samting insaed mo oli stap kilim blong mekem nois nomo. 2 Spos we mi save gud fasin blong God we oli stret mo oli tru, bae man i no save kasem mo mi stap talemaot, mo biliv blong mi tu i naf blong save muvumaot ol bigfala hil. Be mi nogat lav, mi mi nating nomo. 3 Spos we mi givimaot evri samting blong mi long pua man, mo mi givim bodi blong mi blong oli bonem tu, be mi nogat lav. Mi no winim wan samting nomo. 4 Lav hemi longfala tingting mo i kaen. Lav i no tingting nogud long narafala man mo gat ol hae tingting 5 O strong toktok. Tu hemi no selfis. Hemi no spolem narafala man, o haedem ol tingting we i no stret. 6 Hemi no harem gud long ol rabis fasin. Be i stap harem gud nomo long ol stret fasin we oli tru. 7 Lav hemi no save givap, hemi kavremap evri samting, long biliv from ol samting, mo wet from ol samting, mo i go tru long evri samting. 8 Lav i nogat en blong hem. Lav i no save finis, bambae ol toktok we ol man blong God bifo i talem i kam tru, mo i pas i go, ol langwij bambae i finis, bambae ol tingting bae oli lus. 9 From we yumi save se i gat taem blong ol samting, mo yumi stap talemaot se i gat taem iet. 10 Be taem we stret taem i kam, ol samting we yumi talem we i no stap kam tru mo i lus. 11 Long taem ia we mi wan smol pikinini iet, mi toktok olsem wan smol pikinini, mi tingting olsem wan pikinini, mi ansa bak long ol man olsem wan pikinini. Taem we mi kam wan bigfala man, mi lego fasin blong ol pikinini. 12 Naoia i olsem we yumi lukluk yumi long wan mira we i no klia, be yumi mas luk yumi fes tu fes. Naoia mi mi save smol, be bakeken bae mi save Kraes fulwan bae i semak nomo olsem we Kraes i save mi fulwan. 13 Be bakeken olgeta tri ia oli stap: feit, hop, mo lav. Be bigfala samting long trifala ia hemi lav.