¹ volavola talega veira ai liuliu ni lotu mai Sariti: Sa kaya a vosa i ona ka taura jiko a yalotabu ni Kalou e vitu kei na kalokalo e vitu. ² Yadra mada ka vakakaukauwatakina a veimeca sa vo ni sa voleka jiko ni mate, baleta ni'u sa tawa raica me vinaka vakaoji a omu cakacaka ina mata ni Kalou. ³ Nanuma vinaka sara iko a meca ko sa taura ka rogoca. Muri vakavinaka sara, ka veivutani. Keraka ko na tawa yadra mai, au na lako yani me vaka a tamata dau driva, ka ko na tawa kila a aua au na lako yani kina vei iko. ⁴ Ia, sa jiko vei iko eso a yaca mai sariti e ra tawa qeleqelewa a odra i sulu, e ra sa muri au, ka vakaisulu vulavuvula, ni ra sa tamata yaga. ⁵ Ko koya ga e na vakatusa a yaca i na matai tamaqu koi matadra talega a agilosi. ⁶ Ia ko ira era sa vakadaliga, me ra rogoca a meca sa kaya a yalotabu vei ira ai soqosoqo lewe ni lotu. ⁷ Volavola talega vei ira ai liuliu ni lotu mai Filatelifia: A vosa i ona ka sa yalosavasava, ka dina, sa jilco vei ko koya a ki i torita ko koya sa dolava ka tawa rawa tale ai dua e sogota, ko koya sa sogota ka tawa rawa tale ni dua me doauva. ⁸ Au sa kila a omudou cakacaka, au sa biuta i matamu e dua a katuba sa dola tu ka tawa rawa tale ni dua mena sogota. Au kila ni jiko vakalaitai vei ika a kaukauwa, ka ko sa rawata me ko muria a qou vosa ka tawa cakotakina a yacaqu. ^{9 11} Raica, kau na lawai ira era sa curu ki nai soqosoqo i Setani, ko ira e ra kaya ni ra sa Jiu ia e sega, e ra sa daidai, au na kaya me ra lako ka cuva sobu e matamu ki yavanau ka ra na kila niu sa lomani iko. ¹⁰ Me vaka ni ko sa waka bauta a qou i vunau ka dau vosota, au na dau marorou iko talega mai na gauna ni veivakatovolei ka na yaco mai ki vuravura me vakatovolei ira a e ra sa jiko i vuravura. Sa volaka a qou lesu tale mai. Tatakuri no ki na cava e sa tu vei iko me kakua ni dua e kauta laivi a omu i sala vakaturaga. ¹² Ko koya sa gugumatua, au na losia me duru ni vale ni qou Kalou. E na tawa lako laivi tale mai kina, kau na vola vei ko koya a yaca ni qou Kalou, a yaca ni koro ni qou Kalou (ko Jeruisalemi vou, ka na lako sobu mai lomalagi mai vua a Kalou), kei na yaca qu vou. ¹³ Ia ko koya sa vaka daligana, me rogoca a meca sa leaya a yalotabu vei ira ai soqosoqo lewe ni lotu. ¹⁴ Volavola tale ga vei ira a lewe ni lotu ma i Leotisea: A vosa ni vaka emeni, a vosa dodonu ka i vakadjnadjina buta, a dauni lewa ni veika buli taucoko sara. ¹⁵ Au sa kila a omu caka ka ko sa tawa batabata se katakata. Au a djiva mada ga me ko batabata se katakata! ¹⁶ Me vaka ni ko sa katakata vakalailai ga, ko sa tawa katakata se batabata, kau na luarakini iko mai na gusuqu. ¹⁷ Ni ko sa kaya, "Au sa vutuniyau", ka sa levu tu a meca sa tu vei au ka sa tawa dua meca au dravudravua kina. Ko sa tawa kila jiko ni ko iko ga a ka lomani, ka vakaloloma, ka dravudravua ka mataboko, ko telefua: ¹⁸ Vakarorogo kina qou i vakaro: volia yani vei au akoula sa vakatovolei oji ina buka waqa me ko na qai vutuniyau kina, kei nai sulusulu vulavula vinaka me ko na vakaisula kina me kakua ni ko na rairai madua ena omu telefua, ke i nai dagi me dagi kina a matamu me ko rai rawa. ¹⁹ Au sa vunauci ira ka vakavulici ira au sa io mana. Sa dodonu kina mo kio gugamatua ka veivutani. ²⁰ Raicam au sa tu i matani katuba ka tukituki. Kevaka e dua sa rogoca a domaq ka dolava a katuba, au na curu kina ona vale ka kana vata kei kokoya, ka na kana vota talega ga kei au ko koya. ²¹ A ona ga e na gugumatua, e na duri vata kei au ina qou i jikojiko vakaturaga, e na tautauvata ga kei au niu sa gugumatua kau na duri vata kei tamaqu ina ona i jikojiko vakaturaga. ²² Ta, ko ira era sa vakadaligana me ra rogoca sara a meca sa kaya a yalo tabu e baleji ira a i soqosoqo lewe ni lotu.