¹ Sa oji a qou rai au sa qai raica dua a katuba sa dola tu mai lomalagi. Ai malai ni domo kau a rogoca ni vosa mai vei au e vaka a domo ni davui, ka sa kaya, "Lako cake mai, au na qai vakaraitakina vei iko a meca e na yaco ni oji a meca taucoko iei". ² Sa qai curumi au a yalotabu, ka'u sa qai raica a i jikok=jiko vakaturaga mai lomalagi, kei na dua e sa duri jiko kina. ³ A ona ka duri jiko kina sa vaka ai rairai ni vatu jasipa kei na satuiusal. Sa qai dua tu a drodrolagi wavokita ai jikojiko vakaturaga. A A drodrolagi sa vaka ai rairai ni emeralita. ⁴ E ruasagavulu ka va (24) tale ai jikojiko e ra wavokita tui ai jikojiko vakaturaga ka ra duri jiko kina a qase ina i jikojiko mai ei, e ra vakaisulu vulavula, ka sa vakaisa toka a uludra ina i sala koula. ⁵ Mai nai jikojiko vakaturaga, e ra sa tatajibijibi tu kina a livaliva, ka lutu tu a ona kurukuru, ka qai rorogo tu mai kina e dua e vosa jiko. E vitu talega ai tutu ni cina e ra sa qawa tu ina mata ni jikojiko vakaturaga, ka sa ko ira sara ga a yalo ni Kalou kara sa i cina tu. ⁶ Ina mata ni jikojiko vakaturaga sa tu kina e dua a wasa ikoilo, e vaka a Karisitala. In na loma donu ni jikojiko vakaturaga ka wavokita a jikojiko e ratou lewe va a ka bula, ka sa matadratou taucoko ga a yagodrafou, me tekivu mai mada ka lako ki muri. ⁷ Ai mai ni ka bula e vaka a laione, ai karua ni ka bula, e vaka a palumakau, ai katolu ni ka bula, sa vaka a mata ni tamata, kei na ona ika va, sa vaka a mata ni ikeli vakatabana. ⁸ Ai ke va ni ka bula, e ono a tabana ka ra sa vakamatana taucoko tu ma cake me yaco ki ra. A siga kei na bogi e ra sa tawa cogu ni kaya, "E dodonu, e dodonu, e dodonu ko Jiova a Kalou ni lewe vuqa, ko koya ka bula ma mada, ka bula jiko i loma ka na bula talega mai muri." ⁹ E na vigauna taucoko ga, ko iratou a ka bula eratou sa dau laveta ka vakarokorokotakina ka vakavinavinakatakina a ona ka sa dau jiko ina i jikojiko vakaturaga, ¹⁰ ko ira a lewe ruasagavulu ka va a qase, era sa bale sobu ga i matai ona ka sa duri jiko i na i jikojiko vakaturaga ka dau vakarokorokotakina ni sa bula tu ga me tawa mudu. ¹¹ "Me vakarokorokotaki jiko ga kemunu a weimami turaga ka weimami Kalou, me omuni jiko ya a lagilagi koi na dokai kei na kaukauwa, ni kemuni sa bulia a veimeca taucoko ga, ina vukuvunu ka ra bula kina a meca kemunu a bulia."