¹ Me ko volavola talega ki na i talatala ni soqosoqo lewe ni lotu mai Efeso: Sa kaya a meca i ei a ona ka taura a kalokalo e vitu i na ligana i matau ka sa lako tu i na odra maliwa ai tutu ni cina koula e vitu. ² "Au sa kila a omu i valavala, a omu drakai, kei na i valavala ni omu vosota, ni ko sa tawa vosoji ira rawa era cala, ko sa dau vakatovolei ira talega e ra sa dau kaya ni ra sa i apositolo ia ka sega, ka ko sa kila kina ni ra sa tamata daidai. ³ La, ko sa yalo vinaka ga ka vosota a drakai ina vukuqus ka ko na ta vakacauoca. ⁴ La, e so a meca ko sa ca tale kina baleta ni ko sa tawa loloma. ⁵ Vakananuma a meca ko sa leqa kina. Veivutuni ka valata ga a meca ko a valata tu i mada. Kevaka e sega, au na lako yani vei ike ka kauta laivi a omu i tutu ni cina mai na ona i tutu. ⁶ Sa tu vei iko kai ei i ko sa dau ninivakini ira a i lawalawa i Nikola, kau sa dau cata talega. ⁷ A ona sa vakadaligana me rogoca a meca sa kaya a yalotabu vei ira a i soqosoqo lewe ni lotu. Ko ira era sa gugumatua, au na solia kina vei ira me ra kana mai na vunikacu ni bula, ko koya ka sa jiko mai na parataisi ni Kalou. ⁸ Volavola talega ki nai talatala ni soqosoqo lotu mai Simurina: A vosa i ona ka mada ki muri talega, ko koya ka mate ka qai tucake tale: ⁹ Au sa kila a omudou drakai kei na omudou dravudravua, ia ko sa vutuniyau. Au sa kilai ira e ra sa dau vosa vakacaca ka ra kaya ni ra Jiu ia, e sega. E ra sa i vavakoso ga i Setani. ¹⁰ Kakau ni rerevakina a meca ko vakarau sotava. Raica! A tevoro sa vakarau tu me na vesuka e so veikamudou ka vakatovolea, ka ko na rarawa tu me jini a siga. Aumatua me yacova a mate au na qai solia vei kemudou ai sala ni bula. ¹¹ A ona sa vakadaligana, me rogoca a meca e kaya a yalotabu kimi soqosoqo lowe ni lotu. A ona sa gumatua sara, e na tawa ca e na i karua ni mate."' ¹² "Volavola talega kina i soqosoqo lewe ni lotu mai Perikamo: 'Au sa kila a vanua ko vakajikojiko kina, ka sa iiko taleya kina a i jikojiko vakaturaga i Setani. La me ko taura matua jiko a yacaqu. Au sa kila ni ko tawa cakitaki a omu vakabauji au ina siga sa vakadjinadjina takim au kina ko Anitipasa a tamata djina ko koya kemudou sa vakamaten e na i jikijikio i Setani. ^{13 14} Sa jiko vei au e so a meca ca me baleji iko: E jiko vei iko e so era taura matua a i vakavuvuli i Pelami, ko koya ka vakavulici Pelaki me biuta a veivakacacani i na matadra a luvei Isireli me rawa ni ra kania kina a kakana sa vakacubori vei ira a vei matakau me ra dau yalewa talega. ¹⁵ E tautavata tale ga voi ira, erasa taura matua jiko ai vakavuvuli i Nikola. ¹⁶ Veivutuni mada, kevaka e sega, au na lako vakatotolo yani vei iko ka valu kei ira i nai sele i wau ni gusuqu. ¹⁷ Ko koya sa vakadaligana me rogoca a cava e kaya a yalotabu vei ira ai soqosoqo lewe ni lotu, ki vei ko kaya sa gumatua, au na solia e so a mana vuni, au na solia a vatu vula sa volai tu kina a yaca vou e tawa dua k kila a ona ga sa taura."' ¹⁸ Mo volavola talega vei ira ai soqosoqo lewe ni lotu mai Caetaiva: 'Kai ei a vosa ni lave ni Kalou, ko koya sa vaka a yameyame ni buka a matana kei na yavara sa parasa makumakualliliva. ¹⁹ " Au sa kila a omu cakacaka: a omu loloma kei na vakabauta kei na veiqavavi kei na dauvosota vakadede. Au sa kila ni meca ko sa valatn jiko e levu cake mai na meca ko a valata mai mada. ²⁰ Sa vica a meca ko sa cala kina: Ko sa vosoji Jesipeli ko koya sa kaya ni sa paropita. A ona i vakavuvuli sa vukici ira a tamata mera dau yalewo ka kania a kokona sa dau vakacabori kina matakan. ²¹ Au sa solia jiko a gauna me veivutuni kina, ia sa tawa via veivutunitakina a ona dau tagane. ²² Raica, au na biuji ko koya ki na dua ai mocemoce ni baca kei ira e ra sa dauyalewa vata kei ko koya ina rarawa levu, kevaka era sa tawa vei vutunitakina rawa a odra i valavala. ²³ Au na vakamatoi ira na luvedra, ia era na kila kina a veisoqosoqo lewe ni lotu ni'u sa dau djikeva a nanuma kei na uto ni tamata. Au na solia vei kemunu yadudua me vaka ai sau ni omunu i valavala. ²⁴ Kivei kemunu taucoko mai Caetaiva, ki vei kemunu taucoko sa tawa vakabauta ai vakavuvuli kaiei ko ira era sa tawa kila a meca lelevu me baleji Setani--au sa kaya vei iko, 'Au sa na tawa biuta tale veikemudou e so nai colacola bibi.' ²⁵ A vaimeca sa tu veikemudou, dou tana matua me yarova a qou lako yani. ²⁶ La ko koya sa gumatua sara ka vakabauta a qou cakacaka me yacova ai vakataojioji, au na solia kina vei ko koya me lewa a veimatanitu. ²⁷ E na lewai ira ko koya e na ona i jitoko kaukamea, ka na vorolakini ira me vaka a bilo mai vei ira a dautuli bilo me matalalai sara. ²⁸ Me vaka sa solia vei au ko tamaqu au na solia talega kina a kalokalo i vola siga. ²⁹ La ko ira sa vakadaligana me ra rogoca sara a meca sa kaya a yalotabu vei ira ai soqosoqo lewe ni lotu.'"