¹ A sa lako mai edua vei iratou a agilosi e le vitu sa taura a bilo e vitu, ka keirau veitalanoa ka kaya vei au Lako mai ki ei; au na vakaraitakina vei iko a ona burisitaki a yalewa kai sa dautagane vakalevu sa jiko ena baji ni wai levu, ² Ko koya era sa veidrivaji kaya ko ira a tui, kei vuravura, ka ra sa vakamatenitaki ko ira kai vuravura ena waini ni ona dautagane." ³ Sa qai kauta a yaloqu ko koya ki na lekutu; ia kau a raica edua a yalewa sa vodo jiko ena dua a manumanu kulakula, ka sa vuqa a yacana sa vosavakacacatakina kina a Kalou, ka sa vitu a uluna ka jini a ana i leu. ⁴ Ka sa vakaisulu a yalewa kaiyei enai sulu lokaloka kei nai sulu kulakula, sa vakaiukuuku ena koula kei na vatu dredre talega, kei na mata-ni-civa, ka sa taura e ligana e dua a bilo koula sa Sinai ena ona ca kei na ona dukadukali ni ona dautagane. ⁵ Ka sa volai ena yadrena a yacana vakaiyei, sa tawa kilai ko papiloni na ka levu, a Jinadra a dautagane kei na veimeca vasisila kei vurnurit. ⁶ Ia ka'u a raica a yalewa sa mateni ena odra dra a tamata yalodododonu kei na odra dra a tamata era sa mate ena vuku i Jisu ia ni ka'u a raica, ka'u a kurabui vakalevu kina. ⁷ Ka sa kaya vei au a agilosi ko sa kurabui ena vuku ni cava? Au na kaya vei iko a kenai balebale vuni ni yalewa kai, kei na manumanu sa vodo kina kokoya, o koya sa vitu a uluna ka jini ona i leu. ⁸ A manumanu ko a raica sa bula mai mada, ka sa qai sega tale; ia ena lako cake mai bulubulu e tawa vakabotona, ena qai lako ki na rusa. Ia era sa kurabui kina ko ira sa jiko e vuravura, koira sa tawa volai a yacadra ena i vola ni bula mai nai vakatekivu kei vuravura, ni ra raica a manumanu sa bula mai mada ka sa sega tale, ka sa na jiko tale. ⁹ Kaiei a loma sa tu kina a vuku. A uluna e vitu a ulu-ni-vanua e vitu, sa jiko kina a yakwa kaiyei. ¹⁰ Ia sa lewe vitu a tui. E le lima sa bale, e dua sa jiko, edua tale sa bera ni lako mai, ia ni sa lako mai kokoya ena jiko vakadede vakalailai. ¹¹ Ia a manumanu sa bula e liu, ka sa qai sega tale, ko koya kai ai kawalu, ka sa dua vei ira a lewe vitu ko koya, ka sa lako kina rusa. ¹² Ia ai leu e jini ko a raica eratou sa le jjini a tui, ka ratou sa sega ga ni vakamatani tu e daidai, karatou sa kaukauwa kei koya a manumanu, me vaka a tui, ena dua ga a aua. ¹³ Ko iratou kaiei eratou sa lomavata, ia odratou kaukauwa vei koya a manumanu. ¹⁴ Ko iratou kaiei eratou na veivala kei na Lami, ia sa na rawai iratou a Lami. Ni sa Turaga vei ira a turaga ko koya, kei na odra Tui a tui. Ia ena gumatua taiega ko ira sa kacivi, ka djigitaki, ka lomadjina. ¹⁵ Ka sa kaya vei au kokoya, na veiwai ko a raica, sa jiko kina a yalewa dautagane, kaiqori a veivanua kei na mataqali e vuqa, kei na veimatanitu, kei na duivosavosa. ¹⁶ Ia ai leu e jini ko a raica, kei na manumanu, eartou na cata a yalewa dautagane, ka ratou na kitakini ko koya me biu ka me luvawale; ia eratou na konia a lewena, ka udrevi ko koya sara ena bukawaqa. ¹⁷ Ni sa vakavulica a yalodratou a Kalou me ratou vakayacora aona lewa, me ratou lomavata, meratou solia a odratou matanitu kina manumanu me vakayacori mada a vosa ni Kalou. ¹⁸ Ia a yalewa ko a raica, na koro levu moi, sa lewa vei ira a tui kei vuravura.