¹ Ia kau a rogoca e dua a domo levu mai na vale ni lotu, sa kaya vei iratou a agilosi ele vitu, Dou lako ka sovara yani a bilo e vitu ni ka ni burisi ni Kalou ki vuravura. ² Ka sa lako a onai matai, ka sa sovara a ona bilo ki vuravura ka sa tauvi ira a tamata a vidikoso ca e rarawa sara, ko ira ka sa tu kina ai vakatakilakila ni manumanu, kei ira sa vakarokoroko kina ona matakau. ³ Ia ai Karua ni agilosi sa sovara a ona bilo ki na wasawasa, ka sa vuki kina me vaka a dra ni tamata mate, ia sa mate a meca taucoko ga e bula voli ena wasawasa. ⁴ Ia ai katolu ni agilosi sa sovara a ona bilo kina veiuciwai kei na veivurevure-ni-wai; ka ra sa vuki fina me dra. ⁵ Ia ka'u a rogoca a agilosi ni vei wai ni sa kaya, oi kemunu a yalododonu, ko ni sa bula edaidai, ko ni a bula mai made, ko ni sa yalo savasava, ni kemunu sa lewa vakaiyei. ⁶ Ni ra sa vakadavea a dra ni tamata yalo savasava kei na dia ni Parofita ko ira eyei, ko ni sa qai solia vei ira a dra me ra unuma; sa dodonu me vakakina vei ira. ⁷ Ia sa dua tani tale ka'u a rogoca mai nai cabocabo-ni-soro, sa kaya, E vaka ga iyei a Turaga a Kaiou kaukauwa, sa djina ka dodonu aona lewa. ⁸ Ia ai kava ni agilosi sa sovara a ona bilo ena mata-ni-siga; ka sa solia vei kokoya me vakamaqesa taki ira a tamata ena bukawaqa. ⁹ Ka ra sa qesa a tamata ni sa katakata vakalevu, ka ra sa vosa vakacacatakina a kalou, ko koya sa lewa rawa a vei mate ca kaiyei: ka ra vuta ni veivutuni mera vakar okoroko takini kokoya. ¹⁰ Ia ai kalima ni agilosi sa sorana a ona bilo ki nai jikojiko ni manumanu ka sa butobuto aona matanitu; ka ra sa kajia a yamedra ena vuku ni rarawa. ¹¹ Ka rosa vakacacatakina a kalou ni lomalagi ena vuku ni odra rarawa kei na odra vidikoso, ka ra sa vuta ni veivutunitakina a odrai valavala. ¹² Ia ai kaono ni agilosi sa sovara aona bilo kina uciwai levu ko Uferetisi. Ka sa dji kina a wai, me caramaki a odra sala a tui mai na tui-cake. ¹³ Ia ka'u a raica e le tolu a yalo velavela eratou sa vaka a boto, eratou, sa lako mai na gusu ni gata levu, mai na gusuna takga a manumanu mai na gusuna takga a parofita daidai. ¹⁴ Ni ratou sa yalo ni jimoni ko iratou, eratou sa kitakina a cakacaka mana, ka ratou sa lako yani vei ira a tui ni veivanua kei vuravura taucoko, me vakasoqoni ira vata ki nai valu ni siga djina moi ni kalou kaukauwa. ¹⁵ ("Raica,! au sa lako mai me vaka a daudriva! Sa kalougata ko koya sa vakatawa, ka sa taura jiko a onai sulu, de lako voli ka luvawale, ia ka ra raica ona luvawak."). ¹⁶ Ka ratou sa vakasoqoni ira vato ena vanua a yacana ena vosa vaka Iperiu ko Amaketone. ¹⁷ Ia ai kavitu ni agilosi sa sovara a ono bilo ena macawa; ka sa rogo mai na domolevu, mai na vale-ni-lotu mai lomalagi, mai nai jikojiko-vaka-Turaga, ka sa kaya, sa vala oji. ¹⁸ Ka so rogo a domo ni vosa kei na kurukuru, ka jibi a liva; ka sa tavuki vakalevu a vanua, sa tawa vakavina mai nai vakatekivu ni odra jiko e vuravura a tamata, ka me tavuki vakaukauwa, ka vakalevu vakakina. ¹⁹ Ka sa tawase vakajiki tolu a koro levu, ia sa bale a veikoro ena veivanua; ka sa mai vakananumi ko Papiloni a koro levu ena mata ni Kalou, me soli kina a bilo ni waini ni ona yalokatakata. ²⁰ Ka sa tuba laivi yani a vei yanuyanu taucokoga--ia a veiulu-ni-vanua sa tawa laubo. ²¹ Ka sa lutuki ira a tamata a lagicerata levu mai lomalagi a ona bibi e dua a taledi. Ka ra sa vosavakacacatakina a Kalou ko ira a tamata ena vuku ni mate ca ni lagi-cevata; ni sa ka-levu sara a mate ca kaiei.