¹ Ia au qai raica e dua tani tale ai vakatakilakila mai lomalagi, a meca levu e veivakarideu baki, e lewe vitu a agilose sa tara e vitu a mate ca a onai otioti sara; ni sa vakasotari sava vei ira a borisi ni Kalou. ² Ia au a qai raka tale edua a meca e vaka a wasa iloilo e veiairunaki vata tu kei na buka wanai ia ko ira era guta a manumanu, kei na ona natakau, kei na wiliwili ni yacana, era sa tu ina loma ni wasa iloilo, ka ra sa tara a veiapi ni Kalou. ³ Era sa meketakina a meke i Mosese ai talatala ni Kalou, kei na meke ni Lami, ka ra kaya. A meca levu ka veivakidrouataki a omuni cakacaka, a Turaga a Kalou kaukauwa; sa dodonu ka jina veiauna taucoko. ⁴ Ko cei me tawa rerevakini kemunu, a Turaga, ka vakarokorokotakina a yacamunu? Ni ko konunu ga a yalosavasava: ko ira taucoko a Veivaneia era na lako mai kara na mai cuva e matamunu; ni sa vakaraitaki mai a omunu cakacaka dodonu. ⁵ Ia sa oji kau sa vakaraica, ka qai raiay sa tadola tu a vale ni Jikina tabu ni veiyalayalaji mai lomalagi: ⁶ Ia ko iratou a agilose le vitu e ratou lako mai na Valenilotu, eratou sa tara a vitua mate ca, ka ratou vakaisulu na lineni savasava qai vulavula, ka sa vesu a savesavedratou ina wa koula. ⁷ Ka sa dua vei iratou a meca laila e le va ka solia vei iratou a agilose e le vitu sa sinai na borisi ni Kalou, ko koya ka bwa tu ka tawa mudu. ⁸ Ka sa sinai a Valenilotu ena Kulou mai nai ukuuku ni Kalou, mai na ona Kaukanua tolega; ka sa segabou a tamata sa curu rawa kina Valenilotu, ena vakayacori mada i mada a mate ca e vitu sa taura ko iratou a agilosi e vitui.