¹ Ni sa oji na veika iei, kau a boka e dua tani tale na agilosi sa lako sobu mei lomalagi, sa vakaitamera a ona kaukauwa, ka sa rarama no vuravura ena ona i ukuuku. ² Ka sa kaci ena domo levu sara ko koya, ka kaya sa bale na koro levu ko Papiloni na koro levu, sa bale, ka sa yaco me odrai jikojiko a tevoro kei na qara ni yalo velavela taucoyokei na qara ni manumanu vuka kecega sa tawa savasava ka vakaninivaki. ³ Ni ra sa ale na lewe ni veivanua taucoko ni ra unuma na wai ni borisi ni ona dautagane, ka ra sa veitubaitaki kei ira na tui kei vuravura, ka ra sa vutuniyan na tamata aauveivoli ena vuku ni ona dau garogaro. ⁴ Ia kau a rogoca eldua tale a vosa mai lomalagi sa kaya. Dou lako laivi mai vei ko koya, ko i kemudou a qou Tamata, mo dou kakua ni cala vata kei koi koya ka me kakua ni tauvi kemudou a ona mate ca. ⁵ Ni sa yaco ki lomalagi a onai valavala ca ka sa nawaya a onai valavala a alou. ⁶ Borisitakini ko i koya me vaka a ona borisitakini kemudou ka valata vakarua vei ko koya me vakarua me vaka a ona i valavala, ia a bila sa vakasinaita ko koya, vakasinaita vakarua vei koya. ⁷ Me vaka a ona dokai koya, kei ira a ona daugarogaro solia vakakina vei koikoya a yaluma kei na rarawa. Ni sa kaya e lomana ko koya. Koi au na kuini kau sa jiko iri, kau sa sega ni yada, kau na taura kila na rarawa. ⁸ Ko koya kaiei ena yaco vata kina vei koya na mate ca ena dua na siga, a mate kei na tagi, kei na dausiga ia ena udrevi ena buka qawa. Ni sa kaukauwa a Turaga na Kalou sa borisitalaini koya. ⁹ Ia lao ira na tui kei vuravura era sa veitubaitaki kei ira na daugarosa, era na tagicakina, ka yasovakina ni ra sa baka a kubou ni ona udra. ¹⁰ Ka ra sa tu vakayawa ni ra verevakina a ona yaluma ka kaya, Isa! Isa! na koro levu ko Papiloni a koro kaukauwa maiei, e dua ga ana sa yaco a omu barisitani. ¹¹ Ko ira talega a dau veiroti kei vuravura era na tagicakina ka tagi yaso nusa sega bau a tamata me volia a odra i yau. ¹² Nai yau ni vei rol a koula kei na siliva, kei na vatu talei, kei na mataniciva, kei na lineni matai lalai, kei na meca lokaloka, kei na silika, kei na i sulu kulakula, kei na kacu boi vinaka taucoko kei na bilo tabua taucoko, kei na bilo kacu dredre raucoko, kei na parasa, kei na aironi kei na vatu veivolavolai. ¹³ Kei na sinamoni, kei na macou, kei na ka boi vinaka kei nai lumu, kei na drega me vakamai kei na waini, kei na waiwai, kei na madrai droka vinaka, kei na witi, kei na pulumakau, kei na sipi, kei na ose, kei na qiqi ni tamata, kei ira na bobula kei na yalo ni tamata. ¹⁴ Ia a vuata sa garova a yalomu sa oji yani vei iko, kei na meca talei, kei na meca vinaka sa lako laivi vei iko, ia ko na tawa boka tale. Kei na meca vinaka sa lako laivi vei iko, ia ko na tawa boka tale. ¹⁵ A tamata era dau veivoli ena vei meca kaiei ka ra sa vakavutuniyau ena vukuna, era a tu vakayawa ni ra sa rerevakina a ona yaluma era a tagi ka yaso. ¹⁶ Ka kaya, Isa! Isa! na koro levu koya! ka vakaisulu ena lineni matai lalai, kei nai sulu lokaloka, kei na i sulu kulakula, ka vakaiukuuku ena koula, kei na vatu dredre, kei na mataniciua! ¹⁷ Ka sa vaqeavutakina a meca taucoko iei ena dua walega a aua, ko ira taucoko a i taukei ni waqa, kei ira era vodo ena waqa, kei ira na lewe ni waqa ko ira taucoka a dausoko mera veivoli era sa tu vakayawa. ¹⁸ Ka ki ra sa boka a kubou ni ona udre, era ole vakina ka kaya, a koro cava beka erau tautauvat kei na koro levu kaiei. ¹⁹ Ka ra sa sakuta ki uludra a efu ka oleole ka tagi, ka yaso ka kaya, Isa! Isa! a koro levu mairi! sa vakavutuniyautaki ena vukuna ko ira taucoko a i taukei ni waqa sa soko voli e loma ni wasawasa ena vukuni ona ka vakaturaga! sa vaqeavutakini ena dua ga ana. ²⁰ Dou marau sara ena vukuna, na lomalagi kei kemudou a i apositolo kei na parofita, ni sa qai borisitakini kemudou a Kalou ni sa ca ko koya. ²¹ Ka sa dua a agilosi kaukauwa sa laveta cake e dua a vatu, e vaka a vatu levu i qaqi, ka sa biuta ki loma ni wasawasa, ka kaya, ena vakabalei vakaukauwa vakaiei a koro levu maiei ko Papiloni, ka na tawa laubo tale. ²² Ia ena sega bau sara ena rogoca tale e tikimu na domona na dau qiri ai, kei na dau ni vucu, kei na dauuvu bitu ni vakatagi kemna davui, ena sega bau talega a matai ena mataitakina e dua a meca, me laubo tale e jikimu, ena tawa rogo tale e jikimu a rorogo ni vatu qaqi. ²³ Ena tawa yameyame tale e jikimu na rarama ni cina, ena sega talega ni i rogo tale e jikimu na domo ni tagane sa qai vakawaji se domo ni yalewa sa qai vakawaji, ko ira a omu tamata daueivoli i mada era sa tamata turaga kei vuravura, ni sa omu i lawaki sa vakacalai taucoko kina a vei vanua. ²⁴ Ka laubo e jikina a odra dra a parofita, kei na tamata yalosavasava, kei na odra dra ko ira taucoko ka ra vakamatei e vuravura.