¹ Kemunu biuta laivi vam'a jikijiki a i valavala vakatevoro, a veivakacalai, viavia kila, yalo veigaji, kei na lawaki ca taucoko ga. ² Me vaka ga a gone sucu vou, sa vinakata a wai ni sucu gdina vakayalo, maiei ko na tubu vinaka kina vakagalo. ³ Gauna ko na tovolea kina a yalo vinaka ni kalou. ⁴ Lako kona vatu bulabula ka dau biliraki mai vei ira a tamata, ia ka gdigitaki mai na kalou ni sa dau taleitakina. ⁵ Kemunu talega sa vaka a vatu bulabula ka tara cake me vale vakayalo, me yaco me keta mata bete savasava, sa dau vakacabora a i soro vakayalo, ka vakadonui mai na kalou, e na vuku i Jisu. ⁶ Me vaka sa kaya a i vola Tabu, "Raica au sa virikotora mai saioni a yavu vatu sa gdigitakina vakamatau. Ko ira taucoko sa vakabauji ko koya e ra na tawa madua. ⁷ E na rokovi kina a ona e vaikabauta. Ia, vaka ka ra a cata a matai ni vale, qai mai ulu ni vatu i na i tutu ni yavu, ⁸ Kei na vatu sa dau veivakatarabetaki, kei na vatu sa dau vei vakaqiqici. E ra sa tarabe baleta e ra towua vakabauta na vosa ni kalou, ka dodonu me ratou vakabauta. ⁹ Ko kemunu na tamata digitaki, a ona matabete yalo vakaturaga matanitu yalo savasava, a o na tamata kai yau ni kalou, kemunu vakadewatakina a cakacake vinaka ni ona ka kacivi kemunu maina putobuto kina ona rarama. ¹⁰ Kemunu ka tawa ona tamata, ia ni kua kemunu sa ona tamata a kalou, dou ka tawa taura a loloma, ia, ni kua dou sa ciqoma. ¹¹ Ra veiwekani, au sa kacivi kemunu a vulagi kei kemunu a veiseyaki tu me kemunu kauta laivi a i valavala vaka yago, ka na mai veival a kei na tamata bula. ¹² E dodonu me kemunu vauca i valavala e na i toro vinaka vei ira a kai vuravura, da ka ra qai kaya a omudou i valavala vaka jimoni, me ra raica ga a omudou i tovo vinaka, ka vakalagilagia a kalou e na sige ni ona lesu mai. ^{16 13} Talairawarawa vei ira a i liuliu e na vuku ni turaga. Talairawarawa talega vei ira a tui ni ra cecere cake. ¹⁴ Kei ira talega a korana e ra sa talai me ra totogi tanini ira e ra tovo ca, ka vaka vinavina katakini ira e ra i toro vinaka. ¹⁵ Ni sa kokoya iei a loma ni kalou, ni ka caka vinaka vei koya, ko sa sogota kina a drakadra, e ra dau vosavosa vakalialiayagatakina a ona galala, me i vunivuni ni tovo ca, me ko vaka jikoga a tamata ni kalou. ¹⁷ Rokova a tamata tancoko, lomani ira a wekomu, rerevakina a kalou. Ka doka a tui. ¹⁸ Kemunu a bobula, vakamalumalumu ka rokovi ira a omunu i tawke vakamalumalumu ka sega walega vei ira a i livliu vinaka ka yalo malua, vakamalumalumu talega rea ira a liuliu voravora. ¹⁹ Ni sa vakavinavinakataki kina ko koya sa vosota a toto ni meca e lake curuma jiko baleta ni rokova jiko a kalou. ²⁰ E na vakaivei sara kina a i sau ni weta i yalavala ca kevaka keta sa vosota me keta totogi taki? Ia, kevaka ko cakavinaka ko qai sotova a veivakacacani, iei e yaga cake ni sana loweji kina a kalou. ²¹ Ni sa meca karei, keta sa kacivi kina, baleta sa mai vakacacani ko karisito i na vukumudou, ka sa mai biuta no e dua a i vavcarau me keta muria a we ni yavana. ²² Ka segabau a i valavala ca e vesuki kokoya, se dua a cakacaka e laubo i na meca e dau kaya. ²³ Ni sa dau vakasaurarataki, sa sega ni dau sauma tesu ko koya, ni sa vaka cacani sa tawa sauma lesu a veivakacacani, Ia, sa soli ko koya ga yani ki vei ko koya sa dau lewa vakadodonu. ²⁴ Sa cola kokoya a weta i valavala ca e na yagona kina kauveilatai, me da sa qai galala kina mai na i valavala ca, me keta qai bula e na i valavala dodonu A we ni ona i rubi, keta sa bula vinaka kina. ²⁵ Kemunu ka sa lako sese me vaka a sipi sa yali, Ia, kemunu sa lesu totolo mai ki na omu i vakatawa ni yalomunu.