¹ Pita, a i apositoto i Jisu kivei ira a vulagi ka ra veiseyaki, ko ira ka a jigitaki mai Ponijio, Kalajia, Kakpaatosia, Esia, Kei Bitania. ² Ka iei a vuku Tawa yalani ni Kalou ko Tamada, e na cakacaka ni veivakasavasavataki ni yalona; e na talairawarawa kei na vakainiriki ni dra i Jisu Karisito Me omu a loloma ka me levu sara a omu vakacegu. ³ Me vakavinavinakataki ga a Kalou a tamai Jisu Karisito a weta Turaga! E na ona loloma levu, e solia kina vei keta a sucu vou kina i nuinui bula e na vuku ni tucake tale mai na mate i Jisu Karisito. ⁴ Ka iei a i votavota ka na tawa mate rawa, e na tawa qeleqelewa se taqusi yawa. E na maroroi tu mai lomalagi me omu. ⁵ Ko iko ko karoni tu ena kaukauwa ni Kalou e i na vakabauta e na bula sa vakarau tu me vakatakalai e na i vakataojiogi ni gauna. ⁶ Ka iei ena vakeitamera a omu reki, e na gauna mada ga iei, vakabulai mada a omu na vakamatalia taki e na veimataqali malaiya eso. ⁷ Ka iei ai vakajinajina ni omu vakabauta, ka sa talei cake mai na Koula sa ca, e jina ga ni a vakatovolei e na bukaqawa. Ena yaco mai me rawa ni bubo kina a omu vakabauta me na veivaka caucautaki, lagilagi, kei na vakarokoroko e na vakatakilai i Jisu Karisito. ⁸ Ko sa bera ni boki ko i koya, ia ko lomani ko i koya. Ko sabera ni raici ko i koya iei, ia ko vakabauji ko i koya e na reki kei na marau e tawa vakamacalataki rawa ka vakasinaiji e na lagilagi. ⁹ Ko sa tauca jibo iei a vuana ni omu vakabauta, a vakabubi ni yalomu. Me baleta a veivakabulai ka iei, ko ira a parofita va ra a parofiseutakina a loloma soli wate e na yaco mai vei iko, vakayayasa vakagumateo ka vakajikeva vakavinaka, ¹⁰ Xxxx ¹¹ Ka vakatarega se tamata cara se gauna cava e vakaraitakina jiko kina a yalo i Karisito ena ona i vakaijinajina i mada e na ona vakararawataki a Karisito kei na lagilagi e na muria mai. ¹² Ka vakatakibi vei ira ni ra ka tawa qarari ira ga akatakini ina, ia ko iko ni ra koya a meca era sa kaya vei iko ka iei mia vei ira ka ra vunautakina vei iko a kosipeli mai vei ko koya a yalo tabu ka talou mai lomalagi - a era jiva tu a agilosi me ra raica. ¹³ Vakayodrata a omu vakasama. Mo ko yalomatua. Biuta taucoko a omu vakanuinui kina loloma ba na soli vei iko ni sa vakatakei mai ko Jisu Karisito. ¹⁴ Ni ra gone talairawarawa, kakua ni vakabutauvatani iko kina gagadre ko dau muria ne ko a lecaika. ¹⁵ Ia me vaka ni sa sarasara, ko koya sa kaciri iko mo ko saasava talega e na omu i toro taucoko. ¹⁶ Ni sa volai, “Mo ko savasava, baleta ko au savasava.” ¹⁷ Kevaka ko kaci “Tamaqu” ko koya ka lewa vakadodonu a cakocoka ni tamata yadua, la me Kemunu rere me aka ni kemunu jiko vulogi i ei. ¹⁸ Mo ko kila ni tawa i coca ni siliva se koula ko a vueji mai kina mai na i toro tawa yaga ko a taukena mai vei ira a omu gase i mada, ¹⁹ Ia a dra talei ga i Karisito, me vaka a lami ka tawa tauvimate se qeleqelewa. ²⁰ Ko Karisito sa lalai makawa tu ni bera ni tauyavu ko vuravura, ia ka i ei sa vakatakei vei iko e na gauva i muri iei. ²¹ E na vukura ko sa mai vakajivata kina a Kalou, ko koya ka vakaturi koya mai na mate ka solia kina a lagilagi, baleta a omu vakabauta kei na omu i monui ga a Kalou. ²² Mo ko vakasavasavatakiva a yalomu e na talairawarawa kina dina. Ka i ei a i naki ni veilomani jina vakaveitacini, mo lomana vakagumatua e dua tale mai na yalomu savasava. ²³ Ko iko sa sucu tale, e tawa sorenikacuca, ia mai na sore ni kacu ba na tawa rusa rawa, mai na takei ni vosa bula ni Kalou. ²⁴ Me baleta, “sa vaka na co na tamata kecega, kei na ona lagilagi sa vaka na senikacu ni legaco sa vusa na co, ka sa mira na senikacu, ²⁵ Ia a vosa ni Kalou e tudei ka tawa mudu.” Ka iei a kosipeli ka vunautaki jiko vei iko.