¹ Kemudou talega a yalewa, dou valsamalumalumutakini kemudou vei ira a dai wajimu dou. Me ra rawai a dui wajimunu ina omunu i valavala ka sega e na i vunau ² ni ra sa raica a omudou i valavala savasava kei na omudou rerevakim a Kaleu. ³ Me kakua ni kemadou ukutakini kemudou i tuba a tali drauniulu kei nai ukuuku koula, kei na i sulu keta daramakina. ⁴ La a meca vakayalo ga ni tamata sa vuni tu ka sa tawa vuca vawa, a yalomalumalumu kei na yalomalua sa dau i yau marorei sara ina mata ni kaleu. ⁵ E ra sa vakakina ko ira a yalewa mai mada exa sa dau vakaiukuukutakini ira ni ra sa dau talairawarawa vei ira a wajidra. ⁶ Me tautauvata kei sera ni sa dau talairawarawa vei Eparama ka dou kauivi ko koya me ona turaga. E sa rawa ni ko wili me luvena kevaka ko sa valata jiko a meca vinalaa ka ko na tawa rerevakini ira a dau veivakarerei. ⁷ Nei kemudou a tagane, e dodonu me kemudou sa jiko vata ga ke ira na wajimudou me vaka keta sa dou kila, ni ra sa meca malamalumu sara ko ira a yalewa. Me ra dou rokovi vu dokai ena loloma ni bula. Kona valata jiko iei, me na kakua ni vakataotakira a omu dau masu. ⁸ Meu jinia, oi kemudou, dou lomavata, dau loloma vakaikemudou, dou veilomani vaka a veilomani ni veitacini, dou dau yalo loloma sara ka kau vakarokoroko. ⁹ Dou kakua ni sauma a ca kina ca, se vei vakalialiani kina veivalkalialiani. Mo dou duatani, dou dau veivakalougatataki, baleta ni kemudou sa kacivi me kemudou rawata taloga a veivakalou gatataki. ¹⁰ Ko koya e na via rawata a bula ka via raica a veigauna vinaka, me tarova a yamena mai na ca kei na tebe ni gusuna me kakua ni vosatakina a meia daidai. ¹¹ Me lako laivi mai na ca ka valata ga a meca vinaka. Me dou vakayasava a veilomoni me muria sara. ¹² A mata ni kalou sa dau vakavosogo kina odra masu. Ia sa dau duatui a i rairai ni mata ni Kalou veira era se dau valata ni valavalaca. ¹³ Ke cei a na vakacacani kemudou kevdea dou sa gumatua jileo ni valata a meca vinaka? ¹⁴ . Kovaka mada ge dou sa vakararawataki ina emudou yalo dodonu, dou sa kaleugata kina. Kakua ni rerevakini ira a dau veivakarerei. Kakua ni ke leqa. ¹⁵ La, me ka biuta jike a kalou kina lomaunu me savasava. Dou dau tu vakarau me komudou solia kina tamata yadua e ra sa dau vakataroga a vuni omudou i nuinui eai na lomamedoe na yalo malumalu mu kei na rere. ¹⁶ Me vinake jiko a vakatubiua ni lomamy a meca taucoko e ca era kaya a tamata me balej i iko ina vuku ni omu caka vinaka vei Karisito, e ra na vakameduataki. ¹⁷ Ni sa vinaka sara kovaka sa loma ni Kolou me kemudou vakararawataki e na vuku ni omufou i valavala vinaka ka kaleua ina vuku ni omudou i valavala ca. ¹⁸ Ko Karisito talega e a vakararawataki ina vuku ni valavala ca. Ko koya sa yalododonu sa mate mo baleji keta ni keta sa tawa yalo dodonu, me rawa ni kauji keiketa kina ki vua a Kalou. Sa vakamatei a yagona ia sa vakabuki a yalom. ¹⁹ Ina yalona, sa lako talega ka vumu vei ira a yalo era sa jiko i vale ni vei vesu. ²⁰ E ra sa dau talaidredre ka sa dae vosaji ira ka warakini ira a Kalou ina gauna i Noa, ena voisiga ni ona taya jileo a waqa, ka sa vatabula e leue vica, e lewe walu walega ka sa vakabulai iratou mai na loma ni wai. ²¹ Qori sai vakatakarakara ni omu sa vakabulai ina paitaiso, e tawa vaka ni sa vakasavasavataki a qele mai na yagoda, ka ni sa vaka ni sa vinaka ka savasava sara king Kalou a weta lewa i lomai e na vuku ni sa tucake tale mai na mate ko Karisito. ²² Ko Karisito sa jiko ina ligai matau ni Kalou. Sa lako cake ki lomalagi ko ira a agilasi, ko ira era daulawa kei ira e ra sa kaukauwa me ra sa na dau vakamalumalutaki tu kina Kalou.