¹ Agripa Polim mani siremi sasamemi, "Mage en avaya fani sinonami." Afo Poli ben ayam yani uremi beni mani sem. ² "King Agripa seni simoyukamego sen sivaya en sasamirare baya antckara Judauka baya sena simofim ona yine, nevaraino. ³ Eni indi ugam ukamami Judauyi avo ava yeyi inda iruba, minuka i seni emi inda eko ayokuku ureva sen sivaya indeno." ⁴ Fuka ukane, maside Judau i semi indikeno seya fumaraka bakeguna sesi magusaba Jerusalemiba. ⁵ Yeni feyukami semi indika keno minukami yenafusa simam fabaniteno seya mana farisikana ukakeguna, yeni mana era ukam auno mayausi mam makim. ⁶ Mage seni maga ugukaka nani yeni semi ko simeno nevaraino seni afakamam fabaneuc Koti feni baya uwandukakemi yugonama sinafu sikakauka. ⁷ Mini andaka mana 12 fi auye Israelike Kotika i mam siakebano bayakomba ayufum ba afo yeni dafiteni mini anene afakarani, King Agripa, mini andaka mana Judau sen ko simirandeno. ⁸ Nevara i yekeni mani indiri eka Koti amaka fukam baintauc yevegem iye uguka yikatenfi? ⁹ Mana ac yamu yaka imi, seni amuna manda andadauc uwanyikarani inde umpe Jisasi Nasaretikena bainta avic manda uankarani. ¹⁰ Seni yinoka dafitam frisiu bampate baya eyo sire sisime i seni mini avo ava anda Jerusalemi uware uc, afo sem eyo sirevanami yeni yemi yirumam fugevano. ¹¹ Seni ore i yemi manda mugikevauc seni maside mam makimpa afo seni ayanam yimide i manda mugikeuc. Seni yemi siran anene majikare i afo seni yemi yivagure ena iyena magusimi beuc. ¹² Afo seni mini anda uware banami, yinoka dafitam prisiu semi eyo sisika i seni Damaskasi beuc. ¹³ Afo seni fa bevanami, ay abana nam bebka seni mana erar omi one uc ac kenim omba i arugakemi inarumpate gundemi semba senama yem baintau ba i yeukemi. ¹⁴ Mayau maside yande magaka gume yamu seni mana bainta ameni inde uc senama i asemi Hibru bayafate afo beni mani seni, "Soli o, Soli o, ne anda bara semi manda usinkeva?" Eni semi mandam magaka iye danonami. ¹⁵ Afo seni bemi same uc, lyeno eni lye beva? Afo lyeno yevegemi ben avaya mam siremi samem, 'Seni Jisasive, eni semi manda usinkanano. ¹⁶ Eni ugukeva ey akanta ugukano, seya evampa yurave nevarafi seni emi ukake umpe senti yokam bainta ono bani minuka i afo eni siman fabani inonami andadau sevampate onanave nakeve afo andadau inaimba yo avikanunavake; ¹⁷ seni anasi baintauc yibanapate emi yevege avikanteuc afo ena iniya baintauba seni emi saskana binonami, ¹⁸ yen yokam diyinani on onareni ayufum anda yere e-ateno, afo bananoni eran e-eni Kotivampa yinteno, afo Koti veyi gumi anda uki yikatemi, afo yeni andadau marateno seya baintauc yimidukana senafusa ukaduka nami, mini iye-iniya baintauc senka bilipi eyouno.' ¹⁹ Minukami King Agripa, seni mini baya iye are umpe mini andada kaim kana sevampa yine inarumpate, ²⁰ Seya baya sunave anasi baintauka i yindum baideya i andadau uwarako yeya yindum baidukateye, seni Damaskasi name sire i afo Jerusalemi ba seuc afo maside avafac Judiaba afo ena iniya baintauc bampa ba i siyimeuc. ²¹ Mini andaka mana Judau mam makim semi fakeno afo yeni semi sirumam fukirandeno. ²² Koti semi sofa omi yem makec banaka afo seni fayukami anasi baintauc yibanampa i ugukakakeuc afo anasi baintauc erani dukakeno afo yemi siyimeno Mosesinu ba profefiuba sirukam andadau i apamintemi-- ²³ Mini mani mukemi Kraisi ac navisi mandemi fukitemi afo beni yevegemi ugukatemi fukeninkike afo kakadaba i simam fabanitemi Juda iniya baintauc bampa i bintemi afo enou yabamo." ²⁴ Afo Poli ben avaya saman kaki arami, Festusi baduremi sem, "Poli eni o-eni manami, eni amunaya i skuli sirukanami miyi emi manda o-eni urakemi," ²⁵ Afo Poli mani sem, "Iyena bainta-o Festus, seni o-enika ekauno, seni antekam bayani sego mana lyena andada bani. ²⁶ King benafusa mana andadaka indikemi minuka i afo seni bemi sameuc, seni indi keuc mana anene iyeva i benka opa bemi, nevaraino mini andadau iye apamemi mini avafac. ²⁷ Afo Poli inda emi, "King Agripa-o eni profetiu sirukam baya bilipi efono, ah? seni indi keumpe eni bilipi manamino." ²⁸ Afo Agripa Polimi mani siremi sasamemi, sana baka yafom eni indi eke semi mandam Kristeni irara, ah? ²⁹ Afo Poli mani sem, "seni Koti bampa i sagam mukeuc, baka yamukafi iya yamukafi seni siyikara meuc emba maside iye yaufo sena make baya inda ka siyemevana, yigeni amaka i sekana ingomi, minuka i nam damugenim utufinagomi." ³⁰ Afo King ba gavanaba Benisiba madise kumantake you yeyandc ba i ugukene; ³¹ Afo bagutakeyom makinke mara ade kudeni yeyirani seni mani seno, "Mana bainta mana auc iye uwaremi beya dumenafi o fukino sene." ³² Afo Agripa Festusi mani siremi samemi, "afo sisava bena iye inda ena kopa yeno sinane beni amaka i bitino banta ba umanda ba iye dukenim kana urem."