¹ Baya simam uyadeni seni yugonama sipi mandareyami ltall i benteyamu yeni Poli ba ena dumukeyom baintauc fakamani anari ugam aruim b aintauyi dafisim ayakim deno ben avic Juliasi. ² Mayau mana sipikim adeyami Adramitiumi Magusinke, afo Asia non naro i avagurirani mmuka yami afo mayau nokim kumeyamu, Aristakusi beni Tesalonikake Masedonia beni beyadobai mayau nama yemi. ³ Ena nurami mayau iyena mugusim sidoni oreyami afo mini avafa i Julias Polim ayogugu u-akemi afo beni e-ami beni agonou o yonemi afaim yevapate mararani. ⁴ Mini avafa i mayau non naro beyami Saiprusi non abanampa bam magusim yeuke yamu. Nevaroifi sisovani mayau bampa eran yirimemi. ⁵ Afo mayau non naro beyami Silisia Pamfilia adeka i oreyamu, Mayau Maira i yere yamu mana iyena magusim Lisia. ⁶ Mini avafa i anari ugam dafisini mana sipi afakemi Alksendria indai ltali birarevami. Afo beni mayau e-acyami mini sipikimi indae umpegeyamu. ⁷ Mayauni sadasada biri meyamu anon eran yogam ugami mareyamu amaka amuna nurani ureyami afo inaim ugami mayau snaidusi adeka oreyamu, sisovani mayau uyada yami mini ani iye avagure yamu, minukayami afo mayau beyama Kritifa opa avafa, Salmoni ena avatifac. ⁸ Mayau eran ugame yamu non naro birani afo avagure beyami mana magusimi ore yamu mini magu avic i Fea Hevens, Lasea lyena magu adeka i bakemi. ⁹ Mayauni iyac yamu i mareyamu afo Judau yunam e-am yamu ba i yaka-em, afo anon sayem manda ugam emi binayompa. Minukami afo Poli yankarogo bayani mani sem, ¹⁰ "Bantaugo, seni mani onarimeuc ayac yugonama bonunafo o, yugonama amuna umaru mare yami mika oyokate yamu, andadakaba sipika manava i, yugonania saum ba i bantauba. ¹¹ Afo anari ugam dafisini maside arac sipi dafisinda ba sipi afokim ba i demi afo Poli sim bayani iye bilipi emi. ¹² Nevaraino sipi birisi umani afakemi kama irani sisava eni yamu, minukami afo amuna sifi dafisiru i seno yugonama amaka kama iye monteyamu, yugo nama biri mana eyami yugo nama amaka i iyena magusim Foniksi oroteyamu afo dafisente yam sisova enim Kaki anayami. Mini i mana birisi i sipi inda i Kriti benim, afo mini ana eke ayan opa i ac urenipapa afo ayan ugampa i ac urenimpa bai. ¹³ Afo yiyan ugam patena sisovani sadsada yirimemi sipiuyi dafisiruyi indini avaguremi yeni anka yani urami afo avagure kumeno Kriti non agofo. ¹⁴ Afo baka yafomi mana iyena sisova emi, yeni mini avideni ayanopai, eran Kumirimemi non abana bam magusinke mayau bampa. ¹⁵ Afo sipi siseva nama i uman afakemi afo sisova amaka yesanker biri iye mukakemi, afo mayau sisova mana-ac yamu i ameyamu afo sipi e-ami non naro bakemi. ¹⁶ Mayauni non naro avagure gumeyamn mana sato magu opa avafac bam non abarapa yeni avideni Kauda Ke seno, mini umar abanapa i mayau erar ugameyamu sato bouti uyakarani. ¹⁷ Afo safo bouti yanafa undami, afo beni nan foke i sipi oka i dameno. Yeni fekeno Mayau oyu nokim bam naro binayonani efayuka, afo yeni anka nokim dam kunani afo non naro sadakeni beno. ¹⁸ Sisova bac ac denim nama i manda ugami mayau sivekemi afo eno nurami yeni gukandeni andadau mandani nokim aneno. ¹⁹ Kanta manava nurani ureni sipi kinkena andadau manda nokim aneno. ²⁰ Afo ac kenimba bayovac iyevai afo taki ukami ayonta amaka amuna nuranimem, sisova ba ac denim ba mayau sivegemi, minuka-mi afo eran indira mayauya seyam siyayirana indevana mini kakimem, mana ana-na mayau sipi yere e-eyam biran. ²¹ Afo yeni yunam iye naram iyaka i fayugami bakeno Poli yen yibanampate ugukemi semi, "Baintaugo, seni yigemi siyime i Kriti bago seumpe, afo yikem sen sivaya iye indirani yugonama ye umpe, minuka yami yugonama manda mareya-mi oyokarar eyamu. ²² Minukami afo make seni baya yikemi yimego yike yi indiru erar uyikarani. Nevaraino mana aum iyevai oyokantemi yugonama sibanampate, afo sipi mana oyokantemi. ²³ Nuran ayufumi mana Kotini enseli seya bena manti akevana beni ensli sen sideka i ugukakakemi ²⁴ Afo semi, Poli eni iyevaka fekano, eni beva sisa agaka ka o ugukano, afo onono, Koti beyi avaba i emi yo avikemi afo maside iniya baintauc enama sipi naro bonuka. ²⁵ Minukafo sifa siva unano, yikeya erara ureka ugukago nevaraino seni Kotikimi bilipi eumpe mini apamintemi beya sena sisimini urem. ²⁶ Yugonamaka mana-ac maguya non abanampa bananim narompa iyayono." ²⁷ Afo mayauni 14 nia ayufumi non naropa bakeyamu, sisava mano mayau sivekara yami bec Adriatik nompa i oreyamu. Afo ayufum abanampa i sipi yokam intauc indeno adeka i maka benika yereno. ²⁸ Afo nani mandeni nokimi dam kundani yeni oneno 40 mita mukakemi afo sato ka oreni afakam 30 mita memi. ²⁹ Afo yeni fegeno minena sipi oyuc inkaminani nani. Minukami afo yeni eriyevam anka sipi asika bakenim dam kumemi afo yeni yogam mukeno a kaka gukakanovani. ³⁰ Sipi yokam baintauc ayarani afakeno sipi yere e-eya i ya yirani minukami afo yeni sato boutiu dami nokim kumemi afo yeni umac seni yeni ankau nokimi anuram kuminteno. ³¹ Afo Poli anari ugam dafisimba aruim baintauc mani siremi siyime, "Faya yike baintauc sipikim beke yikeye yike nauc iye yofa inagomi." ³² Minukami afo aruim baintauc boutika damukageni naruc ake yarami nokim kundani non naro beno. ³³ Afo gukaka adekaki evami, Poli maside baintauc inda emi mana-ac yunanuc maragovani, Beni sem, "Make 14 ni nuranimem yugonama dafiseyamu yunam iye nane, yugonama mana yuram iyeva i neyamu. ³⁴ Minukami afo seni yikemi inda-enc mana-ac naruc mandeka yekenafu yofa eka ayum bagovani lyeva i yinonkikena yinon ayo oyokatemi." ³⁵ Afo beni mini simam kaki aremi, beni breti mandemi Koti vampa susu semi Masiden yokaka. Afo beni breti kidiremi gukandem nemi. ³⁶ Afo inaimi yeni inditikeva yirac kinke eran mandeni afo yeyandoba i mande neno. ³⁷ Mayau 276 si baintauc i mini sipikim bake yamu. ³⁸ Afo yeni namandeni eran mandeni, yeni witiu mandeni nokim anuram kumemi minurana sipi oya inovani. ³⁹ Kukaini maga iye ana eno afo yeni oneno mana anon avafac afo yeni indiru uwareno, yeni amaka sipi diri amam mini namo dateno. ⁴⁰ Minukami afo yeni ankaka damukakeni nan ake yareni ukidami aron nonkimi kimemi. Afo yeni radac nam ba utufeno afo seli ani yani umam sisovafa i deno afo yeni anon non avafa gukande beno. ⁴¹ Afo sipi asa i ikanemi anan non abanampa, afo binanini iyemem afo anon nomi avekarami ugukakakenimi ukademi. ⁴² Afo aruim baintauc i baya uyeno masidem damukeyom baintauc yirumam fukirani nevaraino yeni minurana yeni anon nokim suimi eya iya yina yonani. ⁴³ Afo anari ugan dafisini Polim afo irani, minukam afo beni iyeve semi yeye indirani, afo beni baintauc yiyimemi iyeuya sumi inayouye yeya anantaka anon nokim karusa eya suimi eya maga bananimpa bogo. ⁴⁴ Afo maside ena baintauc baga i yemba yivagurogo, mana-ac amakai yar aranaro binagomi afo mana-ac amakai sipikikena andada naro binagomi. Mini asac mana, maside ayoguka magafa ora nagomi.