1 Afo Festusi Provinsikim yefgem, afo kanta manava nuram anaimpa i, sisaria ken beni Jerusalemi uremi. 2 Judauc beyem yinoka dafitam Prisiu nama yinon baintauc Polimi amofim ureni Festusimi eran inda meno-- 3 Afo yeni bemi inda eno eyo sinaya yeni Polim uman amirani beya Jerusalemi yina, afo asapa, yeni bemi arumam fukirani. 4 Festusi yevegemi baya mani siremi yiyimem yeni Polim fakarami sisaria i bagemi afo iyakagai, bena usa mifac yebegem bintemi. 5 Beni sem, minukami yigekinge iye amanka, mayau nama mifa bintenafi. Afo mana baintava uman dukanage, afo yigeni amakai ko aminakomi. 6 Inaimi Festusi 8 tiacfi 10 tiac nurami iye bakemi, afo beni sisaria i kumemi. Afo ena nurami beni kuman deyom yoga kumandemi ko indirani, afo beni yemi yiyimemi Poli avige se bampa yego. 7 Afo Poli yeremi, afo Judauc Jenisalemi beyoni ben adeka i ukukeno, afo yeni amuna umam bayayu i seno, yenafusa amaka iye bai mini baya anda afakeno. 8 Poli ye yivaya yevegemi yiyimemi beyan ofa irani, "Seni mana umani iye uware umpe Judauyi lo kakafi, o mam makakafi o sisa avikinafi." 9 Afo Festusini ayire Judauke ayogu araka ben amego. Minukami afo bei Poli avaya yevegem sasamem," eni yevege Jerusalemi urirara afo seni ko indeno bara mini andadauka?" 10 Poli sem, "seni sisa ogaka uguke umpe, yeyec senti ko indeko bani yeya indi uga ono, seni mana Juda nama mana umani iye uware umpe. 12 11 Afo seyac auc uwandukateke afo seya auc uwareke seni amaka i mini aucka fugote uc, afo seni baya iye duke uc minikim. Afo bayayuka yeya simofi eyone, mini fuka baino, mana bainta iye bai semi lo ayakim danonami. Seni sisami inda euc sen sivaya indino bani." /v 12 Festusi kansolo nama asiremi, afo yen yivaya yevegem mani siremi yiyimem, "Eni sisa nama ani senami beni en avaya indino bani, minuka i eya sisa bampa bono!" 13 Afo mana ac nuram yaka imi, King Agripaba Benaisi sisaria yeno Festusim onareya simam amo yu adarani. 14 Amuna nuram i mifa bagem. Festusi Polim ko aminanim bayani King bampa dam bemi, afo beni mam siremi semi, "Feliksi mana bainta e-am maga bagemi dumugam bainta kana. 15 Afo yeya Jerusalemi banane, yinonka dafita Prisiu ba yinom baintauc Judauke yereni mana bainta sekinke ko ameno, yeni ko i inda eno ko eyo sinaya beni umam marano bani. 16 Seni ye yivaya yevege i mani sire i yiyime uc, mini Romiuyi avo ava kaino mana bainta avmam baintauc yiyakim danaya arumam fogoko bani, feni beni ani iye semi be avaya simam era irani yeya ben kc ameyouka. 17 Minukami, yeya senama ye baguyone magake, seni iyeba i dafiseuc, afo ena nurami seni ko indeyom magusa i o gumande uc, afo yem yiyimina mini bainta avige yefeka go. 18 Bena amofi ake yo yec yeni ugukeni bemi ko i ameno, seni mani indiri meuc, mini bayayukim mana umani iye bakemi. 19 Afo yeni mana ac umarukani bayayu seno yeyi mam seyon avo avakani, afo Jisasiva beya fukim, Poli mani sem seni fani ayum be umfe . 20 . Seni ande iye indike umpe afakamam faban ira mana umaru anda, afo seni beni indaeuc beya Jerusalemi orena ko indirani mani andadauka. 21 Poli semi inda emi beni dume yom makim fa banam sisanka dafitana yerena beni ko indeno bani, seni semi siyimeuc bem dumeyom makim fa fakarukana seni amaka sisa bampa sasakana bino. 22 "Agripa Festusi nama i baya semi," seyandobac mana bainta avaya indirare." Afo Festusi semi, "Sakana eni ben avaya indinonami." 23 Afo minukami ena nurami, Agripa nuc Banaisi nuc yeni mini magusim bagutam anasi baintauc yeni anon yimone bano; o yefegeno bagu ye yom magusim aruim baintau yi dafisiru ba iyena baintauc anom magusin beyouc. Afo Festusi yarani, yeni Polim avige ye bampa yeno. 24 Afo Festusi semi, "King Agripa o, yigeye maside baintauc yige ya mayau nama begouke, yigeya mana bainta o nane; maside iniya baintauc Judauc be youke yigeya indene mana baya senama Jerusalemi ba magaba. 25 Seya one induna mana bainta mana umani iye uwaremi beya fukina bam sam; afo nevara i beni sisa inda emi ben ofa ino bani, minuka i seni aic omare inde umpe ben sasakana bino bani. 26 Afo seni mana ayogu baya iye dukakeuc sisa bampa afam akadamam yino bani, nevaraino, mini indika mana seni bemi avige e bampa yeuc. 27 Nevaraino, mini iye antekatemi seya mana dumu kanonim bainta sasakana binam afo bayaya iye deno ne andakaka ko ameyafo."