¹ Sifa sivaubac sentifo unanu, yege yagam deka sen sivaya indego. Seni mini ye vampa baya simam fabani irare baintauka simofim eyom. ² Afo anasi baintauc indeno Poli ye vampai Hibru bayafatem yiyimem, yeni yivam makatireni sadageni bageno. Afo beni mani sireni yiyimemi, ³ "Seni Juda bainta, sentino semi Tasesi magusike Silisia provinsike matikemi, afo seni mini lyena magusim skuli se-uc Gamaliel kinke. Afo yeni semi yosivigeno sinafu sikakau baintauc lo avagurogovani , minuka i Kotimi avagure-uc magava yikeya avagurani urec. ⁴ Minukai seni mante yonui yireva-uc, seni anasi baintauc fakare ic dume va-uc. ⁵ Hetprisin nama lyena baintauc amaka i mani sireni simam fabaniteno seni yevampate afam yoc mandei afo seni amakai sifa siva unam bampa Damakasi orei fakate-uc yeya mini ayac avagureya Jerusalemi yeyompa afo yemi umam kayimenteuc. ⁶ Minukami afo seni Damask-asi adekai oranami afo nam belokai manatri ugami manaiyena omi inarupate kem kumemi afo semi yeukemi. ⁷ Afo seni magakai yandeuc afo seni mana bainta ameni indeuc sem saremi marumpate afo mani semi, 'Sol, Sol, nevarac eni semi anakasikeva?' ⁸ Afo seni ben avaya yevekei sasamei afo mani se-uc, Eni iye beba, lyeno? Afo beni sisimemi, 'Seni Jisasive Nasaretikeve afo eni semi anam kasimkanamino.' ⁹ Yevec baintauc senamac bageyou ni omi oneno, afo yeni mini ameni iye indeno senana sim. ¹⁰ Afo seni ben avaya yevegei samei sei, lyeno seni ne uwaranovara? Afo lyeno mani siremi sisimemi,' Eni ugukeva Damaskasi bono afo mini avafai mana bainta emi sasamitemi andadava eya uwaranona.' ¹¹ Afo seni amaka yevege iye onateuc, nevaraino mana eran kaka fogei minurami sakam dademi, minukami baintauc senamac bone yem siyanka fakareni semi dirifeni Damaskasi beno. ¹² Afo mini avafa i mana bainta semi ye sonemi, ben avi i Ananias, mini bainta Koti arafini mevami afo maside lo avagurevami. Afo beni ayogu avi dukemi Judau yibanapa mini avafa i bagemi. ¹³ Beni sentidekai ye ukukemi afo mani semi, 'Sifa siva o Sol, eyec yevege onano,' afo mini yamu ugami sogam di-i-i seni yevege bemi one-uc. ¹⁴ Afo beni mani semi, 'yugonama sinafu siga-kai Koti emi ugakemi beni ayin avaguronovani, minukami beni emi antekam bainta yocavigemi afo eni ben avaya ben ofenge indenami. ¹⁵ Minukami afo beni enani maside iniya baintauka siyimam fabanono nennene one indefono. ¹⁶ Minukafo eni nekaka dafiteva? Eni ugukeva nom mandeva ben avikim arananai eni gumi andauc maside yomandam fasac anka. ¹⁷ Inaimi seni Jerusalemi yevege be-uc. ¹⁸ Afo, lyeno mani siremi sisimemi, eni akaka evai Jerusatemi yere e-evai bono, nevara i yeni iyevai bilipi inteno nen nene i seni enka uwarekafu. ¹⁹ Afo seni bemi same i lyeno, yena usa indi kakeno seni maside mam makimpa ore i yirure i fakamam dumevauc anasi baintauc enka bilipi eyouni. ²⁰ Seni yenamai bakeuc, eni yogam bainta Steveni nareva bayim, seni yeyi unam badoukai dafitei afo mana sirakai mini bain tauc nama banami arumam fugeno, nevaraino, beni en avaya anasi bainta-uc bampa siyimevami. ²¹ Afo lyeno semi sisimemi, 'Eni ugukeva bono, nexaraino seni emi sasakarana ena iniya baintau bampai binonami. ²² Anasi baintauc bemi e-ami baya siyimemi, afo beni mini sirani yeni badureni seno, "Mini bainta mana magaka kaki ago, beni ayogukaino mana magaka ayum bananim. ²³ Yeni badureni afo pompom bac yeyic unam bado yanafai aneno. ²⁴ Afo yiruim baintau yic dafisim yiruim baintauc yiyimini Polim o-avi mandareni yiru eyom baintauyi gugusim morode-no. Afo dafisini yini eyom baintauc siyimemi nam poke areka i afo beni inda inana yemi yiyimino, ne andakakai Judau badure ya benam eram baya mini sire seyafo. ²⁵ Yeya Poli akar ayam nam poke damurai afo Poli inda-emi aruim bainta ben adeka ugukakami, "Lo i eyo sigenafi mana Romi bainta arirani yeni ondeya ben avaya kokim dainde inde yau ah?" ²⁶ Afo aruim bainta mini baya indiremi, beni oremi aruim baintauyi dafisim mani siremi sasamemi, "Eni ne anene uwararara? Mana baintav beni Romi baintano. ²⁷ Afo aruim baintauyi dafisim yeremi Polim mani siremi inda emi, "Fuga eni Romi bain bevac ah?" afo Poli sem, "Eyo." ²⁸ Afo aruim baintauyi dafisini sem, "Seni anom maka aya urei Romi bainta uge umpe." Afo Poli semi, "Semi setino Romi bainta kanai urem matigemi." ²⁹ Afo aruim baintaucd ben inda irani yeni yeno, yeni mini baya indircni beni yere ec-eni yeni beno, afo aruim bainta-uyi dafisim indemi Poli Romi bainta bami beni fegemi nevaraino, beni Polimi nam pokei damurukakemi. ³⁰ Afo ena nurami, aruim baintauyi dafisini indirani ne anda bara Judauc manda anda Polim uwarakeyafo. Minukami beni het prisiu bac Kaunseli yarani ye baguyeno. Afo beni Polim avigemi yem yen yibanac marerem.