1 Afo yem yere e-ecyami, mayan sipi mandare antede iyena magusim Kosi beyamu. Afo ena nurami mayan iyena magusim Rodesi beyamu. Afo mifate mayau iyena magusim Patara beyamu. 2 Afo mifafe mayan mana sipi afageyamu ena avafa Foinisia bira eva yami, afo mayan mini sipigim adu-eyami beyamu. 3 Afo mayau Saipurusi magu iyena no abanampa bam one yamu iyapai bogemi, afo mayau baic eyami siyam ugampa i beyamu, afo beyami iyena magusim Taia i ore yamu. Nevaraino sipigim beyoni mana ac andadau yomanda fasa darani minifac. 4 Afo inaimi mayan mana ac disapeli yifagare yami, mayau mifac 7 niac nurami bageyamu. Afo mini disapeliu i Polimi mani sireni sameno Kotini Ayo Inta yemi mani siremi siyememi Poli iyevaga i Jerusalemi bino. 5 Afo mayau mifa bana nuram gaki ayam, mayau mini magu yere-e-eyami afo asa beyamu mayau bonunafa. Afo mayau ano non avafac efayuga sigoc noyamdure yami, afo sogam mugeyamu. 6 Afo mayau sesiram afo se-ureyami mayau sipigim inda unani yeni yevege yeyi bamba beno. 7 Afo mayausi bire Taiage gukande yami Tolemaiasi i yereyamn. Afo mayau asecsimo yuyige yamu mifa beyon sifa siva unam afo yenama i mana nurami bage yamu. 8 Ena nurami mayaa mini avafac yere e-eyami Sisaria magusim beyamu. Mayan beyami Filipi amaka i oreyamu, beni ayogu baya siyimemvam bainta, afo 7 niac baintanc ugageyo kinge beni yekinge mayai, afo mayau benama i bageyamu. 9 Mini bainta eriyevam agintau i dugakemi yeni Profeti bayayui sevano afo yeni bantauc nama iyevai barugakeno. 10 Afo mayau mifo mana ac nuram banami , mana Profeti ben avic Akabusi beni Judia kumemi. 11 Beni mayau bampa yeremi yeremi Polini unam badoka dameyom nam marem. Afo beni mini nam mandemi bec akanta ayaka damuremi afo mani sirimemi, "Ayo Inta mani sirimemi,' yeyec Judauc Jerusalemi beyouye mini nam afom damureni afo yeni bem mandeni eno yiyampim maro yiminteno.'" 12 Afo mayau mini andadauc indire yami, mayau yabac anasi baintauc mini magusim beyou Polim inda eni eran sirimeno eni iyevagai Jerusalemi urono seno. 13 Afo Poli yen yivaya mani siremi yiyimemi, "yigeni igenika egafono, yigeni sentimugnni kide i afo seni ifidono usikano? Fuga ugane seni sesemugeko yeni semi amaga i damureni afo seni sesemuge i amaga i Jerusalemigim Jisasim lyenom avaigim fugoteuc." 14 Afo Polim afogemi mayau bem iye dadagovani, minugayami mayau e-eyami bemi iye inda eyamu mani seyami, "E-anana lyenoni ayim fabanino." 15 Mana ac nuram yaga iyami, mayau mayausi andadauc mandeyami beyami Jerusalemi oreyamu. 16 Afo mana ac disaipeli Sisarea beyoyaba i mayau namac beno. Afo yeni mana bainta bai avigeno Saiprusige, ben avic Nasoni, feni beni mana disaipeli bagemi, mayau namai yemi, mayau benama bagovani. 17 Afo mayau Jerusalemi yereyami, sifa sivafa unam mifa beyoni asikenge yimo yeni ayogu yirapate mayau sivige umpegeno. 18 Ena nurami Poli mayau nama yicyami Jems vampai beyamu, afo maside dafisim baintauc mifa bampa. 19 Afo beni asikenge amo yiyikaremi afo inaimi beni siman fabanem mana mana andadau Koti enou yibana uwaram afo be-ya yogaruka uwaronu. 20 Afo yegec mini baya indireni, yeni Koti avic ic yani eno, afo yeni mani sireni sasameno, "Eni sifa siva unam yonano, nadec tausen iniya baintauc gai Judau yibana bilipi eyafo. Maside eranevano Mosasini lo avagurirani. 21 Yeni mona auni en avafac i mani sireni seno, eni yoyivikanami Judia iniya baintauc yeya enou yibana beyou yeni Mosesini lo iyevaga avagurogo afo yeni maniva i seno eni mani siremi yemi yiyimena mi yem iyevaga afon intauc yoc arandauc ageyago afo yeni iyevaga feyagena avo ava anda avagurogo. 22 Mayauni igenika onuno? Afo yeni indi egeya eya mafa yevanane. 23 Minugami afo eya i mini andadan siyimeno mayauya inda-ec minono sireyam sirugana. Mayauni erigevam baintauc i degeyamu yeni bayani simam dugam. 24 Eriyevam baintauc yivimandareva afo eni yenama bono afo avagurogo yigena mardara oyani uyigeni lyenon ogagac afo eya i andadauc ayac ureva i maside yinon ayoc yeyinda agefogo. Afo eyac minureve, anasi baintauc mani indiri minteno nec andadanga yeni emi sasame-yafo mini i uma bayayu i. Afo yeni mani indiri iteno eyandobai lo avagurana baintavai banamino. 25 Afo enouya yeya Jisasigim bilipi eyouye afo mayauni afam agade yami yimeyamu bayani andadauc yeni uwareno umac Kotiga manti agarani, mini andadauc iye vaga uwarago. Afo narevac iyevaga nago, afo iyevaga nago safurauc yeyac acgac baideya aruma fudugam, afo yeni yevaga moko andava uwarago . 26 "Mini anaipai Poli eriyevam baintauc yivi mandaremi, afo ena nurami, beni uwaremi yenamac afo yeni mam makimi umpegeno, afo yeni siman fabaneno nadec nuranac yeni uwareyafo yeyam antekanayom avo ava bem amagaki emi masidekim yeni agokec uwreno antekarani. 27 Adegac 7 niac nuram kagiaran evani, maya auni Judiau Asia magusim beyoni, Polim onami mam makimi bagemi, afo yeni yiraci ugukayin keno anasi bantauc mini avafa bagutam afo yeni Polika i yiyan deno. 28 Maside yivam mani sireni yosafeno, "Isreal iniya bain tau ko, sene sofa ogo. Maria bainta beni iye bena maside iniya baintauc yiyimenafi maside avafac andadaukim siman eyo iye sirukami yugonamasi anasi bantaukim. Afo beni Grikiu yivigem i yeni Judauka bageyau afo mam magim yefe eni manda fairi eno." 29 Yeni mani seno, nevara i feyugam Trofimusi yeni oneyafo, iyera magusim Jerusalemikim Poli namac, afo yeni indi ekeni Poli bemi avigem mam makim yefegemi. 30 v 30 Afo maside iniya baintauc iyena magusinke yindu dureni afo iyayeni beni Polim ofageno. Afo yeni mam makinge bemi dirife mampai kumeno, afo yeni ona agaka ureni mugeno. 31 Afo yeni bemi arirar ami, mini bayani bemi yiru eyom baintauyi dafisinkai orami mani indirimem maside iniya baintauc Jerusalemi beyouni anon umaruka mi gukareno. 32 Agaka ugami maside yeruim baintauc yivigemi afo yiru eyom baintauka dafitam baintaubac yeni agaka ukami iyaye beno anasi baintauc baguntakim. Afo anasi baintauc dafisi nama yiru eyo baintauc yoneno, yeni Polimi iye areno. 33 Inaimi iyena dafisim Poli vampa i yeremi afo Poli fakaremi beyic aruim, baintauc yiyimemi senifogeka mande damogo. Afo beni Poli inda emi eni iyebec afo ne anere eni uwareve. 34 Anasi baintauc baguntam yibanapate maya auini mana andadabam badom afo enouni ena andadavam badeno. Afo amuna arara bayayu i seni kasayeno afo dafisini amaka iye indemi nenevara yeni seyafo. Minugami afo beni eran bayani yiyimemi yiru eyom baintauc Polim avige bena mac yukusim bogovani . 35 Afo Poli mini avafac yeremi afo leta kai uremi, yeruim baintauc i bemi avige beno, nevaraino anasi baintauc bem manda uankaro ni. 36 Yeni ano iniya baintauc bemi fani avagurevano. Afo yeni mani sireni badeno, "Magake bene sasakagc!' 37 Yeni yiruim baintauc Polim avige mapai kumeno dafisini gukusinke, beni iyena dafisini mani siremi samemi. "Amakaka i emi mana andada sameno?" Afo dafisini semi, "Eni Griki bayaya indige fono a?" 38 Eni lsipi kena bainta banonami eni aruim feyugam gukademi afo 4000 ni bainfauc yivikanami, eni gavmaniu yivaya aruremi afo anadadauc iye bam magusapa bonami a?" 39 Afo Poli mani siremi semi, "Seni Juda bainta bego, afo seni iyena magusinke Tarsusic Silisiake bego. Afo seni magu afokanai urei bego mana iyena magu avic dukakinke. Seni emi inda ego, e-ac naga seni anasi baintauc nama aseno. 40 Afo dafisim eyo sirainana Poli asinoyvani, Poli letaga uguka emi afo ayam yani emi anasi baintauc bampa ben asinanim indegovni. Afo anasi baintauc sadagevami, beni Hibru bayafatem semi. Afo beni semi,