¹ Poli antedemi kaunsolo kim beyonu yonaremi sem, "sifa siva unane, seni Koti ogaka ante irei bage umpe ayogu indin nama yemi mageve." ² Afo het Prisi Ananiasi baintauc adeka ugukakakeyom siyimemi ben avam inkamogo. ³ Afo Poli bemi sasamemv, "eni efam Peni gugunaro i bainami, Koti en apani inkamitemi," eni indi ekemi lo avagurek-o sanami afo bayani are banami, afo eni indiekemi seni lo ukadego sanami minukami afo eni fayngami sapa ikamiran sanami?" ⁴ Lyenya adeka ugukakake yoni seni, nevarai eni Kotini het prisim ayanam amni siremi ameva?" ⁵ Afo Poli sem, sifa sivaugo, seni iye vai indikake umpe beya hef Prisi bane. Kotini afam yokim sem, eni iyevaka anasi baintauyi dafisim ayanam ameno. ⁶ Afo Poli afakemi mana ac kansolouke yeni Sadusiui bakeno afo mana ac Parisiu bamo, minkami afo beni baduremi Kansolo yiyimemi," Sifa sivaugo seni parisiu yikai bego afo seni farisiba i bego. Seni eran indirii dukeko baintauka fukau ye yonanani yevege ugukateno. Minukai seni koka i uguka-ke umpe. ⁷ Afo beni mini baya sirami baya foni aru eno farisin bac Sadusiu yibana afo bagutake yom katakimi ugademi. ⁸ Nevarafi sadusiu i seni baintau fukauye yevege iye ugukateno afo enselibac ayo intabac iyeral beno, afo Farisiu i seni maside beno. ⁹ Minukami afo anon asi-ini fabanemi lo indim baintauc Farisiukinke ugukeni eran bayani seno, "Mayauni manac auc mana baintakinge iye afake yamupe?" Minena mana ayo intafi enselifi benama asiruka-ni?" ¹⁰ Afo aruim baintauka anari ukam opisa indemi anon yisi eya kasayom apamim, benifegemi mineya Polim nrureya manda u-akana yonani, minukami afo beni yiruim bamtauc yiyikarani Polim kansolo yibanapate o avige eran gugusim maro akeno. ¹¹ Ena ayufumi lyeno Poli adeka ugukemi sasamemi, "Ena ayevaka fekana, nevaraina eni sen sivikim siman fabanonami Jerusalemi minukai afo eya i sen sivaya Romiu siyimeno." ¹² Ena banurami, mana ac Judauc ye bagudeni afo eran bayani yeyirani mani uwarari eno, yeni iyevai nanteno namba nomba amaka Polim arure mana inteno. ¹³ Amuna 40 ti ac yesa kakam baintan i mana eran bayani uwareno. ¹⁴ Yeni yinonka dafita prisiu nama yinouka dafi ta baintauc bampa oreni seni "yugonama mana eran baya arafim mi yugonamac se yam deyami seyami yugonama yunam e-ec yami amaka Polim arumam fude yamoteyamu. ¹⁵ Minuka i yigeye kan soluc orekai ananta dafitam dafisim maro sasaminai ben avige ikevampa kumina i yigenauc beni koc onde daimoko. ¹⁶ Afo Poli ayafim agai indemi yeni uma sireni vakeno. Minukami ben eran kukusim undemi Polim sasamem. ¹⁷ Afo Poli mana aruim bainta aram yerami sasamem, "Mana fumara avic mandareca anari ugam dafinfa bono, beni mana-ac baya dukemi emi sasamintemi." ¹⁸ Minukami afo aruim bainta yeremi mini fumara avimandaremo aruim baintauka anari ugam dafisinta oremi semi, kugam bainta Poli sara i be bampa yego afo beni semi sisimemi mini fumara avige e bampa yego beni mana-ac bayani dukemi emi sasaminteno. ¹⁹ Anari ugam dafisini ayanka fakaremi avigem bem avafac maroremi bemi inda emi." Sisimeno ue bayaya duke sisimirara?" ²⁰ Afo mini fumara semi, "Judaui bayani ai uyeno yeni emi inda ureni sakana Polim avige Kansolo bampa i kumiteyo. Yeni ayoguku ure beni koc afakarani ²¹ Eni i yen yivaya iyevaka indeno. Nevaraino 40 ac yaka kagam baintamc i yomateni benka dafisinteno. Yeni mana eran bayani yeyirani uwareno yeni mana nomba yunambac iye narukeni Polim arumam fudeminteno. Yeni ai sesa ugeni eya eyo sinonakai dafiteyo. ²² "Anari ugam dafisini indiremi inaimi mini fumaram sasakaram bemi, beni ankarino bayani mani sireni sasamemi," iyevaka baintauc yiyimeno mana baya sem sisi mena." ²³ Afo beni katam dafisim yaram yeromi beni yiyimem," 200 yiruim baintauc sesa urana afo yeni sisaria bogo, 70 ac aruim baintauc hosinka kumande yom bac 200 aruim baintauc fagoka aru eyom yivikago. Yikeni 9 ockoki ayufumi binagomi. ²⁴ Beni yemi yiyimemi mana safura sesa urana Poli minika kumandino. Afo yeya bemi dafiseya ayokugu ureya avige magu iyenoka Feliksi bampa bogo. ²⁵ Afo beni mana afam yo mani siremi akaremi. ²⁶ "Seni Klaudias Lisiasi ayogu nura ne sirei danami magu iyenonka anari uram Feliksi bampa beno. ²⁷ Judan i mini bainta fakareni bemi arumam fukiraneno. Afoyandobac senti aruim baintanc yere yami bemi ofa eyamu. Seni afakamam fabane uc beni Romi bainta bakemi. ²⁸ Seni indi irare ne anda bara i bemi amofim eyafo, minukai seni bemi avige yeyi kansolo bampa bego. ²⁹ . Afo seni afakeuc yeni bemi amofim eno mana ac inda iru yeyic lo kinani. Afo mini baya yauc, ben amofim mana meno, ayogu andakaka ino ben manda gure ya fukino seyaut. ³⁰ . Seni indunami yeni manda indini dukakeno mini bainta arumam fukirani, minuka i seni agaka urei bemi sasakanam ec banafa yemi, afo baintauc yiyimeno ben uakeyom yeyando baka en ogaka yereya bemi koc amego afo." ³¹ Aruim baintauc i anari ugam dafisin avaya indireni ayufumi Polim avimandareni Antipatrisi i kumeno. ³² Ena banurami ena aruim baintauc i siyikeno. Afo yena usa yeyic erar ugam kugusimi yevege beno. Afo aruim baintauc hosika kumandeyouni Poli nama beno. ³³ Yeni sisaria oromi, yeni afam yoc magusafe dafitam iyeno amimi ofo Polim ben ogaka i ugukakeno. ³⁴ Afo magusac dafitam iyeno afam yoc yandamam. Kaki aremi, beni Polim inda emi, eni ne magusike fono? Afo Poli sem, seni silisia keno bego, ³⁵ afo magusa dafitam iyeno bemi sasamemi, "baintauka yeya ena koc ameyone yeya yera ic seni eni koc daimoteuc," afo beni yemi yiyimemi king Herotini iyena makina Polim dafisego.