¹ I tenba un sertu dia, Jesus na konta bon noba, djintis intchi toki e perta kau di firma katen, i firmaba pertu di un lagu tchomadu Genezare. ² I odja dus barkus na bera di ki lagu, piskaduris saltaba dja e na lababa se ridia. ³ I subi na un di kil barkus ki seduba di Simon i pidil pa i tchiganta barku mbokadu lundju di prai.Jesus sinta riba di ki barku i nsinaba manga di djintis staba la. ⁴ Otcha i kaba nsina elis, i fala simon:"leba barku pa kau fundu, bo bota ridia". ⁵ Simon rispundil i fala:"mestri, no piska es noiti tudu, no ka odja nada, ma suma abo ki faa, nona bota ridia". ⁶ Depus di e bota ridia, e panha kuantidadi di pis, toki se ridia kunsa runpi. ⁷ E sana pa se kunpanheris ki staba na utru barku pa e bin djuda elis. E intchi kil barkus tudu dus ku pis. ⁸ Otcha simon pedru odja ke ki kontisi i nborka na pe di Jesus i falal:"Lundjisi di mi, pabia nta iara tchiu, sinhor". ⁹ Pabia el suma tudu kilis ki staba kuel e panta dimas manera ki e panha ki pis asim. ¹⁰ Tambi Tiagu ku Djon, fidjus di Zebedeu ki seduba kumpanheris di simon. Ma Jesus falal:" ka bu medi, pabia disna di gos bu na sedu piskadur di omis". ¹¹ otcha e tisi barkus pa praia e disa tudu e sigui Jesus. ¹² Otcha ki Jesus inda na utru sidadi, i temba un omi ki teneba mpintchu pa tudu ladu di kurpu. Otcha ki odja Jesus, i mborka na tchon i pidil ku pena i falal:" sinhor, si es i bu vontadi, bu pudi kuran". ¹³ Jesus distindi si mon i tokal i falal:Es i nha vontadi. Fika livri di mpintchu!" na kil ora kurpu di kil omi fika limpu. ¹⁴ Ma Jesus falal pa ka i konta ninguin nada, tambi i falal:"Bai bu kaminhu, bai mostra garandi di kasa di djuntamentu, fasi sakrifisiu di purifikason, suma ki lei di Moisés ta manda, pa e pudi sibi kuma bu stadja limpu". ¹⁵ Ma ki noba laga mas inda i manga di multidon di djintis ta bin ba obi nsinamentu di Jesus, tambi pa e pudiba kuradu di si duensas. ¹⁶ Sempri i ta baiba na un lugar dinguidu pa pudiba ora. ¹⁷ Un dia Jesus staba na nsina palavra di Deus. i ten ba tambi fariseus ku mestris di lei sinta na se metadi. E bin ba di diferentis tabankas di rizon di judeia ku Galileia, tambi e staba la utrus di Jerusalem, puder di sinhor pa kura duentis, staba nel. ¹⁸ Na kil dia utrus omis karga un omi ki staba duenti dimas na un kanape. E na buskaba manera di pudi tisil pertu di Jesus, dentru di ki lugar. ¹⁹ Ma pabia di multidon di djintis e ka konsegui. E disidi sibi kuel te riba di kankra di kil kau, e iabri un kau la riba e riantal dentru di la ku kil kanape, dianti di Jesus, na metadi di kil multidon. ²⁰ Jesus djubi pa fe di kil omis i fala elis:"Bo pekadu sta purdadu". ²¹ Duturis di lei ku fariseus kumsa na punta na sintidu e na fala:"Es i kin ki na lebsi Deus? Pabia son Deus ki pudi purda pekadu". ²² Ma suma Jesus ntindi ke ki e na pensaba i ruspundi elis i fala:" ke ki manda bo na punta na bo sintidu a serka des? ²³ ke ki mas fasil fala:"Bo pekadu sta purparadu, ou lanta bu ianda?" ²⁴ Ma pa bo sibi kuma fidju di omi tene puder na tera pa purda pekadu,na falau:"lanta bu pega bu kanape, bu bai pa bu kasa". ²⁵ Na kil ora djanan omi lanta se dianti i pega si kanape, nunde ki pasaba manga di tempu ditadu i bai pa si kasa i na ngaba Deus pa ke ki fasi na si vida. ²⁶ Tudu fika adimiradu, e ngaba sinhor Deus, e intchiba ku medu e na fala:" Aos, no odja kusas adimiradu". ²⁷ Dipus de Jesus sai di la i bin odja un omi tchomadu levi sintadu na un lugar nunde ki ta kobra mpustu.Jesus falal:" Bin nha tras". ²⁸ Na ki ora Levi, disa tudu kil tarbadju i lanta i siguil. ²⁹ Otcha e bai, levi fasi un festa garandi pa Jesus na si kasa. Manga delis ki ta kobraba npustu ku utrus ki staba na mesa e na kumeba la tudu. ³⁰ Ma Fariseus ku duris di lei kunsa na fasi disipulus di Jesus:" ke ki manda bo ta kume ku kobraduris di npustu ku pekaduris di mau vida?" ³¹ Ma Jesus rispundi elis i fala:"kilis ki kasta duenti ka prisisa di medico, so duentis. ³² Nka bin buska djintis bon, ma di mau vida pa e ripindi di se pekadu". ³³ E falal: Disipulusmdi Djon ta fasi ndjundjun tudu tempu tambi e ta ora, kilis di Fariseus tan. Ma di bo son bibi ku kume". ³⁴ Jesus fala elis ke alguim pudi pui kunvidadus pa toma parti na festa di un kasamentu pa e fasi ndjundjun na kil munentu ku kil omi ki nabin bin kasa sta djuntu ku elis? ³⁵ Ma i na bin bin tempu nunde ki kil omi na lebadu, son di la ke na kunsa fasi se ndjundjun" ³⁶ Jesus nsina elis ku utru parabula i fala:" Ninguin kata sapa padas di kamisa nobu pa pui na braku di utru ku bedju. Pabia si fasil, kil kamisa nobu na fika runpidu asin tambi kil padas nobu kana konbina na kil kamisa bedju. ³⁷ Tambi ninguin kata pui binhu nobu ki ka fermenta inda na saku di kuru bedju, pabia kil binhu nobu na bin rumpi kil kuru bedju, logu kil binhu ta darma i ki kuru tan ta dana. ³⁸ Ma binhu nobu ta pudu na saku di kuru nobu. ³⁹ Kin ki bibi binhu bedju i kata misti ki ora kil nobu, pabia i ta fala:Kil bedju mas sabi!"