¹ Jesus riba di riu Jurdon intchidu di spiritu santu dipus i guiadu pa spiritu i bai pa lala . ² Duranti korenta dias, diabu tental na lala. Na ki dias tudu Jesus ka kume nada, so na ultimu dia ki bin sinti fomi. ³ Diabu falal:"Si Abo i fidju di Deus, fala es pedra i bida pon". ⁴ Jesus ruspundil:"Sta na palavra di Deus di kuma i ka so pon ki ta pui omi vivi". ⁵ Diabu bin lebal na un altu i mostral tudu si remu di mundu ⁶ i falal:"Nta dau puder di manda riba di tudu es renu, ku tudu si bonitasku. pabia ndadu el, asin suma npudi dal pa kin ku misti. ⁷ Si bu mborka na tchon nha dianti, bu doran, es tudu na sedu di bo". ⁸ Ma Jesus rispundil e falal:"Sta na palavra di Deus di kuma ki bu na adora i so El ki bu dibidi da rispitu". ⁹ Dipus diabu leba pa jerusalem, i pul na kau mas altu di tmplu i falal:" Si abo i fidju di Deus, djukuta des kau pa bas. ¹⁰ Pabia sta scrividu kuma"El i na da ordi pa si anjus pa e kuida di bo, tambi pa e protegiu". I fala ton:" ¹¹ E na tchapau ku se mon pa ka bu pes madja na nin un pedra". ¹² Jesus rispundil i fala:" Sta na palavra di Deus, ka bu tenta sinhor bu Deus". ¹³ Otcha diabu ka tene mas manera di tental, i disal i bai si kaminhu. ¹⁴ Dipus Jesus riba pa Galileia, pa puder di spiritu santu, noba di si nome bin laga pa tudu rizon vizinhu. ¹⁵ I ta nsinaba na kasa di djuntamentu i tudu djintis ta ngabalba. ¹⁶ I bin bin pa Nazare tera nunde ki padidu nel. Suma di kustune, i ebtra na kasa di djuntamentu, dia sabadu, i lanta pa lei palavra di Deus. ¹⁷ E dal rolu di livru di profeta Isaías, i iabril i kontra ku kau nunde ki staba skritu: ¹⁸ Spiritu di sinhor sta ku mi, pabia i undjin pa nkonta bon noba do salvason pa pobris. I mandan pa nda liberdadi pa katibus, tambi pa pui segus pa e torna odja, pa liberta kilis ki sta na kalabus ¹⁹ pa konta djintis di anu bon di fabur di Deus. ²⁰ Dipus i fitcha ki rolu, i torna pa kil ki ta guardal na templu, dipus i sinta. Tudu na djubilba na tempu. ²¹ I kunsa na papia i fala elis:"Aos es palavra di Deus kumpri." ²² Tudu kilis ki staba la obi ki fala, elis tudu e staba adiradu ku palavras ki na trataba di fabur di Deus ki na saiba na si boka. E fala:"Es i ka fidju di José?". ²³ Jesus fala elis:" nsibi kuma bo na konta es ditu:'Mediku kura bu kabesa. fasi tudu ke ki no obi kuma bu fasi na kafarnaun li na bu tera". ²⁴ I fala elis:" I fala elis:"Na garanti bos kuma nin un profeta kata setadu na si propi tera. ²⁵ Ma na bardadi na konta bos di kuma i ten ba manga di viuvas na Israel na tempu di Elias, Otcha ki tchuba ka tchubi tris anu ku seis mis, i ten ba fomi na tudu tera. ²⁶ Ma Elias, ka mandadu pa nin un son delis, ma so pa kil ki viviba na un tera tchomadu sarepta, pertu di prasa di Sidon. ²⁷ Na tempu di profeta Eliseu, i ten ba tan manga di duentis di npintchu na Israel, ma un son so ki kuradu, un omi Naman, di Siria". ²⁸ Tudu djintis fika ku raiba na sinagoga manera ke obinesvkusas. ²⁹ E lanta elis tudu e tira Jesus fors di sidadine lebal pa kau altu di monti nunde ki se sidsdi kumpudu pa pudi pintchal pa bas. ³⁰ Ma i pasa diritu na se metadi i bai si kaminhu. ³¹ I bai pa kafarnaun ku sedu un sidadi di Galileia. Na dias di diskansu i ta staba na kasa di djuntamentu na nsina djintis palavra di Deus. ³² E ta fikaba adimiradu ku si manera di nsina, pabia i ta papiaba ku puder ku otoridadi. ³³ Na ki tempu un omi ki teneba spiritu mau ka ta saiba pertu di sinagoga. I na gritaba ku forsa: ³⁴ " ke ki ten ku bo, Jesus di Nazare?Bu bin pa kaba ku nos?Ami nsibi kin ki abo, abo i santu di Deus!". ³⁵ Jesus riprindi ki dimoniu i fala:"kala boka bu sai des omi!".Dimoniu bati omi na tchon na metadi di djintis la i sai na omi sin fasil mal. ³⁶ Povu fika ku medu e na papia entri elis e na fala:"Es i kal tipu di palavra? ku puder ku otoridadi, i ta da ordi pa spiritu mau e ta sai". ³⁷ Es noba bin laga pa tudu parti di ki rizon. ³⁸ Enton, Jesus sai di kasa de djuntamentu i bai pa kasa di un omi tchomadu Simon. Mame di mindjer di Simon staba duenti mal, logo é roga ba pa iten pena del pa i kural. ³⁹ Jesus mpina riba del riprindi kil febre kila largal, mindjer fika djanan kuradu. Na ki ora mindjer lanta i kunsa na sirbi elis. ⁴⁰ Otcha sol pertu kai djintis tisi manga di duentis di tudu tipus di koldadis di febris pa Jesus.Ma i pui mon riba di kada un son delis e fika kuradu. ⁴¹ Dimoniu sai tambi na manga di kilis ki kuradu e na gritaba e fala:"Abo i fidju di Deus!"Jesus riprindi kil dimonius i ka disa elis pa e papia, pabia kil dimoniussibi ba dja kuma el i kristu. ⁴² Otcha sol na mansi, Jesus bai pa un kau dinguidu pa bai ora. Manga di djintis ki ta baiba si tras na buska bukalba to ke bin tchiga nunde ki staba nel. E tenta konvensil pa ka i bai pa utru lugar. ⁴³ Ma Jesus fala elis:"ndibidi konta bon noba de salvason di Deus pa manga di utrus prasas, pabia pa kila ki pui mandadu pa mundu". ⁴⁴ Enton i kontinua na konta djintis bon noba na igrejas na tudu parti di Judeia.