¹ 1 Tementi es, milaris di djintis runi la, te na puntu di e masa n'utru. I kumsa na fala purmeru pa si disipulus: Bo kuida ku formentu di fariseusku sedu findjimentu. ^{2 3} 2 Pabia i ka ten nada ku sukundidu ku kana reveladu, nada ku sukundidu ku kana bin kunsidu. 3 Ke ku bo kombersa na sukuru i na obidu na lus o ke ku bo kombersa dentru di kasa i na kontadu riba di kasa. ^{4 5} 4 Ma Ma n'ta fala bos nha amigus, ka bo medi kil ku pudi mata bo kurpu nada mas e ka pudi fasi. 5 Ma n'altera bos sobri kin ku bo dibi di medi. Bo medi kin ku dipus ki mata, i ten puder pa manda pa n'fernu. sin na fala bos bo medi el. ^{6 7} 6 I ka dus djmba ku ta bindidu pa dus mueda sinhu? mesmu asi Deus ka diskisi ninun delis. 7 Ate mesmu kabelu di bo kabesa ta kontadu. Ka bo medi Bo mas tene balur di ke manga di djambas. ^{8 9 10} Na konta bos kuma kil ku konfesan dianti di omis, fidjus di omi na tambi na konfesal dianti di andjus di Deus, 9 Ma kil ku negan dianti di omis, i na negadu dianti dianti di andjus di Deus. 10 Kil ku papia kontra fidju di omi, i na purdadu, ma kil ku lebsi Spiritu Santu, i kana purdadu. ^{11 12} 11 Ora ke leba bos dianti di sinagogas, di xefis ku otoridadis, ka bo purkupa ke ku bo na papia na bo difesa, 12 Pabia Spiritu Santu na n'sina bos na kil ora ke ku bo na papia. ^{13 14 15} 13 Algin na di djintis falal: Mestri fala nha ermos pa i raparti yardansa ku mi. 14 Jesus ruspundi: Omi kun ku pun juis o kumpudur di kombersa na bo metadi? 15 Dius i fala djintis: Bo kuida pa bo ka guarda tudu disejus di ganansia, pabia vida di algin ka dipindi di kusas ki tene. ^{16 17 18 19} 16 Jesus konta elis un storia: Kampu di un omi riku pruduzi tchiu 17 I pensa na si kabesa: Nka tene spasu pa guarda tudu nha kebur. Ke kunna fasi. 18 I fala: Es kun na fasi, Na bati nha bembas na kumpu mas garandis na guarda tudu nha kebur ku utru kusas. 19 Na fala nha alma: Alma bu tene bens tchiu pa manga di anus. Diskansa, trankilu kume bibi kontenti. ^{20 21} 20 Ma Deus falal: Tulu aos bu alma na pididu ke ku bu purpara pa kin ki na sedu? 21 Asin ki na sedu ku kim ku guarda rikesa ma i ka riku dianti di Deus. ^{22 23} 22 Jesus fala si disipulu: Na fala bos pa bo ka purkupa ku bo vida, ku ke ku bo na kume, o ke ku bo na bisti. 23 Pabia vida mas kumidai kurpu mas ropa. ^{24 25 26} 24 Bo djubi korvus. E kata sumia e ka tene bemba nin armazen, Deus ta alimenta elis. Ku fadi abos ku ten mas balur di ke pastrus. 25 Kal di bos ku purkupa pa i kirsi un un palmu di si vida? 26 Si bo ka kapas di fasi kusasinhu pa bo kabesa, pabia ku bo na purkupa ku utrus? ^{27 28} 27 Bo djubi flur di kampu kuma ke ta kirsi. E kata tarbadja nin e kata fia. Kuntudu na fala bos ki nin Salumon ku tudu si gloria, i ka bisti suma un delis. 28 Si Deus ta bisti padja di kampu ku aos i izisti i amanhan i botadu na fugu, i mas na bisti bos omis di puku fe. ^{29 30} 29 Ka bo buska di kume o di bibi, ka bo fika purkupadu. 30 Pabia tudu mundu nasons ta buska e kusas bu pape sibi kuma bu pirsisa del. ^{31 32} 31 Ma bo buska si reinu e kusas bo na buridu el. 32 Ka bo panta nha karnel sinhu, pabia pape grada dau reinu. ^{33 34} 33 Bo bindi kusas ku bo tene bo da koitadis. bo ta fasi pa bos bolsa ku kata bedju, rikesa ku kata kaba na seu, nunde ku ladrons kata pertu nin bagabaga ka pudi dana. 34 Pbia nunde ku bo rikesa sta la ku bo korson sta. ^{35 36} 35 Bo disa bo ropas purparadu pa manti kandia asezu. Bo parsi ku djintis ku na pera se mestri riba di feta di kasamenti, pa ora ki tchiga i konki e ta yabril porta djanan ^{37 38} 37 Sortiadu i ki servus ku otchadu na bisiaora ku sinhor bin. . Na konta bos bardadi ina pui elis na se kamisa kumpridu un sintu, i na sintanda elis na mesa i na sirbi elis. 38 Si si sinhor bin na meia noti o mandrugada i odjal na bisia i sortiadu kil servus. ^{39 40} 39 Bo sibi tambi si sinhor di kasa sibi kal ora ku ladron na bin i kana pirmiti pa si kasa rombadu. 40 Bo sta purparadu pabia bo ka sibi ora ku fidju na bin. ^{41 42 43 44} 41 Pedru fala: Sinhor bu ta konta e storias son pa nos, o i pa tudu? 42 Sinhor fala: Kin ki administradur fiel ku djiru, ku si sinhor konfial si tarbadjadur pa i da elis bokadu di kumida pa un tempu sertu? 43 Sortiadu i kil servus ku si sinhor otchal i na fasi asin ora ki tchiga. 44 Na konta bos bardadi i na konfial tudu si bens. ^{45 46} 45 Ma kil servu ku ta fala na si korson: Nha sinhor na tarda pa bini kumsa na suta servus ku servas, i na kume, i na bibi, i na tchami, 46 Sinhor di kil servu na bin na ora ki ka spera, na ora ki ka sibi, i na kastigal i na lugar ku kilis ku ka tene fe. ^{47 48} 47 Kil servu ku, sibi vontadi di si sinhor, ku ka sta purparadu o i ka fasi di akordu ku si vontadi, i na sutadu ku manga di golpis. 48 Ma kil ku ka sibi i fasi kusas ku mersi kastigu, i na sutadu ku puku golpis. Tudu ku dadu tchiu, i na izijidu tchiu, kil ku konfiadu tchiu, i na pididu tchiu. ^{49 50} 49 N'bin pa pui fugu na tera suma kun misti p i sindi dja. 50 Ma n'tene un batismu kun na batisa n'sta angustiadu tate ora ki kumpri. ^{51 52 53} 51 Bo otcha kuma bin tisi pas na tera? Na fala bos nau, pabia n'bin tisi divison. 52 Gosi i na ten sinku na un kasa divididu: Tris konta dus, dus kontra tris. 53 E na dividi: Pape kontra fidju fidju kontra pape, mame kontra fidju femia, fidju femia kontra mame, sogra kontra nora, nora kontra sogra. ^{54 55 56} 54 Jesus tambi na fala djintis: Ora ku bo odja nuven na bin di oesti, bo ta fala djanan: Tchuba na bin asin ki ta sedu. 55 Ora ku bentu na supra na sul, bo ta fala kalur na tchiu asin ki ta kontisi. 56 Findjiduris, bo sibi rapara sinal di tera ku seu, ma bo kata rapara ke ku na kontisi gosi? ^{57 58 59} 57 Pabia ku bo kata djulga ke ki djustu pa bos? 58 Ora ku bu na bia pa juis, fasi forsa pa bu resolvi ku el na kaminhu, pa i ka djundau pa juis, juis n'tergau pa xefi di kalabus, kila pu na kalabus. 59 Na falau di nin un manera bu kana sai la tementi bu ka paga te ultimu sentavu.