1 2 3 1 Na kil okasion alguns djintis konta Jesus, kuma Pilatus djagasi sangi di galileus, ku sangi di si sirmonia. 2 Jesus fala elis: Bo pensa kuma kil djintis e mas peka di ke utrus galileus pabia e sufri des manera? 3 Na fala bos nau. Ma na fala bos si bo ka ripindi, bo na pirdi suma elis na mesmu manera. 4 5 4 O kil duzaoitu ku tori di Siloe kai riba delis i mata elis, bo pensa kuma e mas kulpadu di ke utrus omis di Jerusalen? 5 Na fala bos nau. Ma si bo ka ripindi, bo na pirdi tambi. 6 7 6 Jesus konta e storia: Sertu omi tene ba un pe di figuki planta na lugar di uva. I bin pa djubi si tene fruta, i ka otcha nada. 7 I fala omis ku ta tarbadja na lugar di uva: Bo djubi tris anus kun ta buska fruta na es pe di figerama nka ta otcha. Bo kortalpabia ku bo na disal pa i gasta tchon? 8 9 8 Kila ruspundil: Disal es anus, pan koba na si volta pan pul adubu. 9 Si ka padi fruta paranu i sta ben. bu ta korta. 10 11 10 Jesus na nsina ba na un sinagoga, na dia sabadu. 11 I sta ba la un mindjer ku dizaoitu anu i tene spiritu di duensa, si kurpu n'honki tudu i kata pudi firma. 12 13 14 12 Jesus djubil, i tchomal i fala: Mindjer bu sta livri des bu duensa. 13 I pui mon riba del, kil ora si kurpu n'direta i na da gloria pa Deus.14 Ma xefi di sinagoga panha raiba pabia i kura kila dia di sabadu. I fala kil djintis ku sta ba la: I ten seis dias ku pudi tarbadjadu. Bo pa kura na kil dias, i ka dia sabadu. 15 16 15 Sinhor ruspundi e fala elis: Fidjiduris; kin di bos ku kata dismantcha si turu o buru pa i lebal pa bibi yagu na dia sabadu? 16 Kuanta mas e fidju di Abron ku satana mara mas di dizaoitu anu, i ka bon pa dismantchal na dia di sabadu? 17 17 Otcha i papia es kusas, tudu kilis ku sta ba kontra el e burgunhu, ma kil manga di djintis e kontenti ku garandi algria ku tudu kusas gloriosu ki fasi. 18 19 18 Ma, Jesus fala elis: Ke ku reinu di Deus parsi ku el? Ke kun na komparal ku el? 19 I suma un garan di mustarda kun omi lansa na na si orta, i kirsi i torna arvori garandi, ku pastrus di seu kumpu ninhu na si ramus. 20 21 20 Jesus fala utru bias: Ke ku pudi komparadu ku reinu di Deus? 21 i suma formentu ku mindjer toma i mistura ku tris midida di forinha tok tudu formenta. 22 23 24 Jesus na visita i na n'sina na kada sidadi ku tabankas pa kaminhu di Jerusalem. 23 Algin puntal: Sinhor i puku djintis ku na salva?Ma Jesus fala elis: 24 Bo fasi forsa bo yentra na porta pikininu, pabia na konta bos manga di djintis na buska yentra e kana pudi. 25 26 27 25 Si dunu di kasa lanta i fitcha porta , bo na fika fora bo na konki porta bo na fala: Sinhor, Sinhor. disanu yentra. I na fala bos: N'ka kunsi bos n'ka sibi abos i di nunde. 26 Bo na fala: No kume ba ku bo, bu ta n'sinanu ba na ruas. 27 Ma i na ruspundi bos: Na konta bos n'ka sibi nunde ku bo sai. Bo lundjusin abos ku ta pratika maldadi. 28 29 30 28 I na ten tchur ku djintis ku na nheme djintis ora ku bo odja Abron, Izaki, Jako, ku tudu profeta na reinu di Deus, abo bo pudu fora. 29 E na bin di saida, ku kaida di sol, di norti ku sul, e na sinta na mesa di reinu di Deus. 30 Ultimu na sedu purmeru i purmeru na sedu ultimu. 31 32 33 31 Puku tempu dipus, alguns fariseus e bai pa el e falal: Sai di lipabia Erodis misti matau. 32 Jesus fala: Bo bai fala kil raposa: alin na serka dimonius, na kura djintis aos ku amanha, na terseru na kabanta. 33 Ma i pirsis pan kontinua aos ku amanha, ku dias ku na bin, pabia i ka bon pa profeta muri fora di Jerusalen. 34 35 34 Jerusalen, Jerusalen, ku ta mata prufetas bu ta fertcha pedra pa kilis ku mandadu. Kantu bias n-misti djuntau suma ku galinha ta djunta si fidjus bas di si asas, ma bu ka seta. 35 Bo kana na fika abandonadu. Na konta bos bo kana odjan mas te ora ku bo na fala: Benditi kil ku na bin na nomi di Sinhor.