¹ Ari Rayo Rote botn dirogi yakng ditimpai Paskah doh dampekng. ² Kan imam kepalo ngan ahli taurat ngogok eloh e ke munuh Yasus,badi sidok golak ke urakng banyak. ³ Doh iyok,nih tamok setan ke alapm Yudas,yakng ditimpai Iskariot. Io nyok mured Yesus gam. ⁴ Nyok am,nih bingkas Yudas ke orokng imam kepalo ngan penyogo Bait Allah mokat kati caro io panai nyoroh Yesus ke sidok. ⁵ Ngan,sidok ayoh bikoh sepokat gak nak ngunyok duet. ⁶ Nyok am,ngatuh Yudas onak,ngan betanga ngogok caro e ke nyoroh Yesus ke sidok dimonai waktu bon banyak urakng. ⁷ Doh nyok,tumas ke ari rayo Rote Bon Beragi, waktu nyok am mempersembah anak domba Paskah. ⁸ Beroto ngan nyok Yesus nyuruh Petrus ngan Yohanes,jokuk Io,"bingkas ngan diagih am pemakatn Paskah nak kito pakatn." ⁹ Jokuk sidok nanyok Yesus,"dimonai kengonak Ikau orokng e sok kami ngatuh e ?" ¹⁰ Jokuk Yesus nyohot sidok, "Pas iketn doh tamok ke kota,iketn agih bedapat ngan sikuk lelaki maik kendi;tunok am io kelangkau yakng io tomok, ¹¹ ngan podoh ke yakng umpuk langkau yok,'Guru betanyok ke ikau : Dimomai ruang temuai orokng Aku panai makatn Paskah beroto ngan kaban mured-Ku ?' ¹² Mako e,io nunyok sutik ruakng bakoh dilantai atas,yakng alat gerabat e doh siap. Lolu disiap katn pemakatn kito dien." ¹³ Nih,bingkas am Petrus dok duo Yohanes ngan napat obeh tejadi ubok yakng di podoh Yesus ngan sidok nyiap pemakatn Paskah. ¹⁴ Tumas ke waktu, Yesus ngan katn rasol dudok makatn ngumakng mejo. ¹⁵ Dok nyok,Yesus bekato ke sidok,"Aku onak amat makatn ontakng Paskah ituk tamoh iken,pelokok Aku upatn podih. ¹⁶ Nyok am Ku podoh ke iken,Aku abotn makatn e lagik jungkol ke ahal inyok dipuloh alapm Kerajaan Allah. ¹⁷ Lalu,Yesus ngamik cengkong bisik ango ngan ngucap syuko,jokuk e doh iyok,"amik cengkong tuk ngan peduok di antaro iketn. ¹⁸ Sebab,Aku modoh iketn ari bituk aku botn lagik nginom ango jungkol ke Kerajaan Allah datang." ¹⁹ Doh yok,Yesus ngamik rote ngan ngucap syuko,Io moloh rote nyok ngan diborik ke sidok samel modoh,"rote ituk nyok am tubuh-Ku yakng diborik ke iken ; tunok am ituk ke ngingat Aku," ²⁰ Biok gam,doh makan,Yesus ngamik cengkong ango ngan modoh,"Cengkong yakng disiuh ke iken ituk menyadi pejanyi baru. ²¹ Akan tetapi,pantau am,jari urakng yakng nak nyoroh Aku ado dituk tamoh makatn dimejo ituk. ²² Sebab,Anak Mensio agih bingkas makiai caro ubok yakng diato,tapi celako am urakng yakng nyoroh Io !" ²³ Mured e betanyok sikuk ngan yakng laen sapai nih diantaro sidok yakng agik umpuk kerejo iyok. ²⁴ Perobot tejadi diantaro katn rasol masaloh sapai diantaro sidok diangap palekng bakoh. ²⁵ Akan tetapi Yesus modoh sidok, "rajo-rajo bangso yakng abotn ngenal Tuhan bekuaso atas rayat e,ngan urakng yakng bekuaso atas katn rajo yok ditimpai'Pelinong Rakyat.' ²⁶ Tapi, ikau onang biok,maloh,yakng palekng bakoh diantaro iketn aros betinak ubok urakng palekng biak,pemimpen ubok pelakon. ²⁷ Sapai yakng lobih bakoh,yakng dudok makan atau yakng ngelakon? abotn pe yakng dudok makan ? Tapi,Aku ado di tetongoh iken ubok urakng yakng ngelakon. ²⁸ Iken tuk am urakng-urakng yakng sajuh tamoh-Ku alapm semuo penyubo-Ku. ²⁹ Badi iyok,Aku morik ke iken sutik kerajaan, ubok yakng diborik Bapa-Ku ke Aku. ³⁰ Sok iken panai makan nginom sutik mejo ngan Aku alapm Kerajaan-Ku. Ngan,iken agih dudok atas tahta tamoh ngelotak perato keduo bolas suku Israel." ³¹ "Simon,Simon,dingoh Aku,Setan nuntot sok nampik ikau ubok ganom, ³² tapi udoh bedo'o ke ikau sok iman ikau onang gugo. Ngan udoh ikau bekalih,podoh katn empalo menyadik ikau." ³³ Tapi,Petrus modoh ke Yesus,"Tuhan aku siap dipenyaro maloh mati tamoh Ikau!" ³⁴ Cohot Yesus ke io,"Aku modoh ikau,Petrus,ari ituk,manok sobokng abotn mengkukok ntik upan tigo kali ikau nulak ngan ikau modoh ke abotn ngecolik Aku." ³⁵ Doh inyok,Yesus nanyok kan mured e,"Ntik Aku ngutos iken gabotn beduet,pesimpan,atau kasot,apai iketn sereno gabotn ?" ³⁶ Cohot sidok,"Abon." Jokuk Io ke sidok,"ntik bituk e,sapai pe yakng umpuk sarakng duet atau pesimpan, baik am. Ngan sapai yakng bonsik isau,bia am io sok nyual baju e ke moli isau. ³⁷ Nyok am, Aku modoh ke iken apai tetuleh alapm Kitab Suci tuk aros tejadi alapm Aku,'Io agik temasok alapm urakng bedoso,'Badi yakng tetuleh masaloh Aku keboroh tejadi bituk e." ³⁸ Lalu sidok bingan,"pantau am Tuhan,dituk ado duo biloh jumpol. "Ngan,Yesus modoh sidok,"inyok cukop." ³⁹ Baruk, Yesus kelua ngan bingkas bako e ke buket Zaitun ubok biaso di puloh Io; ngan katn mured e pe tamoh Io. ⁴⁰ Doh datang ke orokng inyok,Io modoh sidok," Bedo'o am iken sok abon konok cubo." ⁴¹ Doh inyok,Yesus nyouh derik e ari sidok sekita sepenuhok batu,bedudok tuot ngan bedo'o. ⁴² Bapa,ntik ikau onak,amik am cengkong ituk ari Aku. tapi bah,ukatn kengonak Aku yakng tejadi,sok kengonak Ikau am." ⁴³ Doh inyok, sikuk malaekat ari serugo nompak derik e ke Io ngan ngimoh Inyo. ⁴⁴ Ngan,alapm sengsaro e Io maketn mamat agik bedo'o; poluh e ubok titek daroh yakng nitek ke tanoh. ⁴⁵ Oruk tomuk Yesus bedo'o,Io ingkas ke orokng katn mured E napat sidok si doh tido lago ridu. ⁴⁶ Yesus modoh sidok,"Ngapai iken si tido de uas am ngan bedo'o sok bon tamok ke alapm pencobaan." ⁴⁷ Keboroh Yesus agik bebantoh,nih datang balo urakng; ngan io yakng ditimpai Yudas,sikuk diantaro duo bolas mured e,ngulu sidok. Lalu Yudas nompeng Yesus nak nyiom e. ⁴⁸ Maloh,Yesus ngelago io,"Yudas,apai ikau nyoroh Anak Mensio makai nyiom e ?" ⁴⁹ Seroto katn mured yakng ngumakng Io mantau apai yakng agih tejadi, sidok bekato,"Tuhan,aros pe kami nyorakng makai jumpol ?" ⁵⁰ Doh nyok sikuk ari antaro katn mured e nyorakng ngan ngeribas ponekng kanan pelakotn Imam Agung. ⁵¹ Yesus modoh,"Udoh,cukop!" lalu Yesus nyopot ponekng pelakotn inyok disamokng e lagik. ⁵² Boruk,Yesus ngelago katn imam kepalo,kepalo penyogo Bait Allah ngan tuho-tuho yakng datakng nak nangkap Inyo,"Ngapai iketn datakng maik jumpol ngan pemangkong ubok nak nangkap pengolet ? ⁵³ Waktu Aku tamoh iketn tiap ari di Bait Allah,botn nangkap Aku, Tapi tuk am bagi iken ngan kuaso kepotang." ⁵⁴ Doh ditangkap, sidok nih minsai ngan maik Yesus ke langkau imam bakoh. Akan tetapi,Petrus nyusoi ari jauh. ⁵⁵ Sidok nukotn api disempiang ngan dudok sekoli diok obeh,Petrus pe dudok tamoh sidok diok gam. ⁵⁶ Nih tekingat,sikuk pelakon betinok mantau Petrus dudok dampekng penukotn api dikecolik e muho Petrus ngan modoh." Urakng ituk tamoh Io gam," ⁵⁷ Akan tetapi,Petrus bon ngakuk,jokuk e,"ei betinok,aku abon panai ke Io," ⁵⁸ Bon lamoh doh yok, sikuk gik yakng laen mantau io ngan modoh,"ikau ituk pe temasok sikuk ri antaro sidok!" Tapi Petrus nyohot, "abotn,aku ukatn kaban sidok!" ⁵⁹ Kiro-kiro sejam doh yok,ado urakng laen agik bekato ngan yaken," Je tentu urakng ituk tamoh Io,io ituk katn urakng Galelia gak," ⁶⁰ Akan tetapi,Petrus bekato," Aku bon panai apai yakng iken pejantuh!" Seroto ngan inyok, Petrus keboroh bebantoh,nih mengkukok am manok sobokng. ⁶¹ Lalu,Yesus molek ngan nyinek Petrus. Ngan Petrus tekingat ke pekoto Yesus,modoh io,"Gik upan manok mengkukok ari ituk,ikau botn ngakuk Aku tigo kali pemanyak e." ⁶² Doh iyok Petrus bingkas kelua ngan nangeh lago ati e ridu amat. ⁶³ Urakng-urakng yakng mokam Yesus betanga ngencotot ngan maluk Io. ⁶⁴ Sidok nudong mato Io ngan modoh,"sempato am! sapai yakng maluk Ikau?" ⁶⁵ Sidok pe banyak nyobot ahal laen nontakng Inyo ngan ngino Io. ⁶⁶ Bobuk ari e,katn tuho pemimpen Yahudi,katn imam kepalo,katn ahli taurat gak bekumpol ngan maik Yesus ke Makamah Agamo sidok. ⁶⁷ Sidok modoh e,"ntik Ikau Mesias,podoh am ke kami."Tapi Yesus nyohot sidok,bia pe Aku modoh iken,abotn gam iketn pecayok ke Aku. ⁶⁸ Ngan ntik Aku betanyok ke iketn,pe ja gabotn gam ketn cohot. ⁶⁹ Akan tetapi,betanga ri bituk e Anak Mensio agih dudok di sepiak kanan Allah yakng Mahakuasa." ⁷⁰ Sidok semuo modoh,"ntik biok,apai Ikau Anak Allah ?"Yesus nyohot sidok,derik iken am yakng modoh,ke Aku am Io." ⁷¹ Doh iyok sidok bekato,"igik apai lagik yakng kito perolu ? kito doh dingoh kederik ari mulot Io!"