¹ Ado waktu lolu de,Yesus keboroh ngaja urakng banyak di Bait Allah ngan ngaba Injil (kaba nyuruh idop slamat), katn imam kepalo ngan ahli-ahli taurat tamoh gam katn tuho datakng ke Io, ² Jokuk sidok ngago Io,"Podoh ke kami makai kuaso apai Kau muloh ahal ituk ? Ngan,sapai yakng morik ke Ikau kuaso tuk ?" ³ Yesus nyohot sidok,"Aku pe nak nanyok iketn sutik.Cohot Aku, ⁴ ari monai asal baptisan Yohanes? Ari serugo atau ri mensio ?" ⁵ Sidok mpokat di antaro sidok jokuk sidok," Antik nyohot,'ri serugo,'Io panai modoh ngapai botn pecayok ke Yohanes ?' ⁶ Atau pe, ntik kito modoh ,'ari mensio,'semuo urakng agih bepodih kito jungkol mati badi sidok amat pecayok ke Yohanes nyok nabi." ⁷ Kejodi e,sidok nyohot modoh botn panai ri monai baptisan yok asal e. ⁸ Doh yok,Yesus bingan ke sidok,"Antik biok,Aku pe botn modoh iketn makai kuaso apai Aku muloh ahal ituk." ⁹ Baruk Yesus bekesoh nyanekng ningkeh ke sidok,"Ado saloh sikuk urakng yakng nanam kobotn ango ngan di sowo ke petani laen, Io losi ke negeri yakng jauh kaso pelamoh e. ¹⁰ Doh sonto ke nganyi Io nyuruh sikuk anak buoh e ke orokng petani-petani iyok sok sidok morik sebagi ri asel kobotn ango iyok. Tapi katn petani iyok bukan morik asel e,maloh petani yok nik ngasak e ngan nguse e pulakng puakng. ¹¹ Ngan io pe ngirem pelakotn e yakng laen,tapi katn petani nyok pe melasoh e gak ngan mulah e botn patot mangkot di use pulakng puakng gak. ¹² Baruk, yakng umpuk kobotn yok nyuruh anak buoh yang ketigo e katn petani de.maloh yakng sikuk ituk pe dilukok lago sidok ngan di use sidok kelua. ¹³ Yang umpuk kobotn pe bingan,'apai yakng aros ku puloh ? Aku onak ngirem anak yakng palekng ku kasih,mungken sidok nak ngepamo io.' ¹⁴ Pas katn petani mantau anak yakng umpuk kobotn ,sidok mpokat sikuk ngan sikuk,'Io tuk ali wareh kobotn ango tuk,boh kito munuh e sok wareh e umpuk kito!' ¹⁵ Doh yok,sidok pe ngelonset anak yok kelua kobotn ango ngan munuh e. Baruk, apai yakng agih dipuloh yakng umpuk kobotn ango iyok ke sidok? ¹⁶ Io agih datakng ngan ngasak sidok yok, lalu merodo kobotn e ke urakng laen," Di ningoh urakng banyak kempamo tuk,sidok bebantoh,"nang am sampai tejadi ahal ituk!" ¹⁷ Boruk,Yesus nyinek sidok ngan bebantoh,"Ntik biok,apai roti e ayat ituk:'Batu yakng udoh dibuakng lago tukakng bangon ak udoh menyadi Batu penjuru ? ¹⁸ Sapai pe yakng jatuk ke atas batu yok agih pampa boloh besimpek-simpek ngan yakng ditingang e pasti lolok au!" ¹⁹ Di keponai lago ahli taurat ngan imam-imam kepalo kempamo yok si nyerito ke derik sidok,waktu yok gam sidok nak nangkap Yesus. Tapi sidok golak ke urakng banyak. ²⁰ Doh yok katn ahli taurat ngipoh ngan nyuruh brapai urakng yakng pedayo baek ati e sok ngintai ngan ngelanyo Yesus pedayo betanyok sok ke sidok panai nangkap Io makai penyaloh ingan derik Io ngan nak disoroh ke alapm ahak ngan wewenang gubeno. ²¹ Mensio yakng disuruh nyok betanyok ke Yesus,"Guru,kami saja panai ke ikau modoh ngan ngaja yakng konok, Ikau abotn gak medo-medo urakng,tapi ngaja jalatn Allah alapm kebena. ²² Apai panai kami maya pajak ke Kaisar atau gabotn ? ²³ Rupo e,Yesus panai ke ati sidok licek ngan modoh, ²⁴ "Cubo tunyok ke Aku sesingkap dinar,gama ngan tuleh sapai di duet iyok ?"sidok nyohot e,"gama ngan tuleh kaisar." ²⁵ Nyok am, ngatuh Yesus modoh sidok,"ntik biok,borik am ke kaisar apai yakng umpuk kaisar,ngan borik ke Allah apai yakng, menyadi umpuk Allah," ²⁶ Ngan biok pe ,urakng semuo botn dapat nyebak Yesus makai jantuh derik e di adap urakng banyak; sidok tebongo ningoh cohot e botn panai bebantoh agik. ²⁷ Doh iyok,datakng korokng Yesus brapai urakng saduki,sidok nyok am jerahan yakng botn pecayok ke ado idop lagik, ngan betanyok ke Io, ²⁸ "Guru, musa nuleh ke kito,ntik katn lelaki mati,io ado bini tapi botnsik anak,empalo lelaki inyo aros nikoh ngan ipa e yakng ďoh jano sok ado keturon e. ²⁹ macam ituk,ado tujuh urakng empalo.empalo yakng tuho nikoh,tapi nih mati botnsik anak. ³⁰ Dok yok yakng keduo nikoh ngan betinoh nyo nih mati botnsik anak gak. ³¹ Baruk yakng ketigo nikoh gam ngan bokas bini empalo e,ahal ituk tejadi sampai ke empalo sidok ketujuh,tapi sidok mati bobeh botnsik anak. ³² Kepunoh e betinok inyok pe mati, ³³ Badi iyok waktu ari penghakiman ,sapai yakng mamat laki betinok inyok, katn sidok tujuh menyadeng udoh obeh nikoh ngan inyo?" ³⁴ Yesus nyohotn sidok,"urakng-urakng zaman ituk bebini ngan belaki, ³⁵ tapi urakng yakng di angap tumas di dunio kiok na,ngan alapm idop agik ri antaro urakng mati,botn bebini ngan belaki. ³⁶ Sidok abotn panai mati lagik badi e samo ngan kabatn Malaiekat. Sidok anak-anak Allah badi udoh di atuh idop ri pemati e. ³⁷ Musa maloh udoh nunyok ke masaloh urakng yakng doh pulakng idop alapm ahal nuleh masaloh umpotn beunak doh angos,' ³⁸ Io ukatn Allah urakng mati tapi Allah urakng yakng idop,badi semuo urakng idop di adap Io. ³⁹ Doh iyok,berapai ikuk ahli taurat bekato,"Guru,cohot Ikàu topat, ⁴⁰ Ngan,doh bonsik agik urakng yakng berani betanyok ke Io. ⁴¹ Doh iyok, Yesus modoh sidok,"bekati si panai urakng modoh ke Kristus anak Daud de ? ⁴² Pado e alapm kitab mazmur,derik Daud modoh, Tuhan Allah modoh ke Tuanku,"Dudok am ďi sebiak kanan-Ku ⁴³ ngeruntu ke Aku ngelotak semuo musuh ikau di baboh kaki ikau,"' ⁴⁴ Ntik Daud nyobot Kristus nyok Tuan,'bekati Kristus si panai anak Daud.?" ⁴⁵ Nyenontang ke gik banyak ningoh,Yesus mopo sidok sok," ⁴⁶ Ati-ati ke katn ahli taurat yakng inyan bejalatn-bejimpok makai jubah panyang,inyan bejalan di pasa,dudok di orokng yakng palekng tingik di gerejo-gerejo,di orokng tepanakng waktu pegowai. ⁴⁷ Sidok ngerampas langkau-langkau jano ngan bedo'o panyakng amat sok di pantau urakng.Kabatn urakng yakng macam ituk am agih nerimoh ukom yakng borat,"