¹ Aminten Yesus maintama lagi mandi Sinagoge dan tuang jiean tau yang lumpuh tangan na. ² manya-nyaik Yesus dan kae' manyalik lo' pen kae' Ia mamole' i tau em tuu pa aso Sabat en, maken mo ira kule' alasan ala pa salak pa Dia. ³ Yesus long loloa' mandi tau lumpuh tangan na tuu, "Angkat dan kadeng mandi tangak tauen in jiang." ⁴ Ia long loloa' mandi kon tau en tuu, "Pande te' mamola bo mam pa aso Sabat en atau mamola yang jaat en, manyalamatkan nyawa tau atau mamuno' tau? Tapi ira ta ondo' maa. ⁵ Ia manyalik mandi sakukililinga ira dana jari Na, dan ate mangasaang ule'na karas aten na ira. Aminten Ia loloa' mandi tau en tuu, "Urorang tangan nu." Ia maurorang tangan na, long sambu asi tau en tuu. ⁶ Aminten kon Farisi tangkat lambak sihaum basama dana kon pandukung nga Herodes malawan Yesus kae mamuno' Dia. ⁷ Aminten Yesus basama murid-murid Ta abalik mandi dano en, dan sa kapulungan tau ambat dai Galilea dan Yudea malola' Dia, ⁸ Yeurusalem boom, dai Idumea, dan dai suali na sunge Yordan, dan dai daerah Tirus dan Sidon datang boom samanga ira mandalinga kon bo' yang dapola ule' Na. ⁹ Ia long manyuro' murid Ta manyadia parau ule'na tau ambaten tuu, maken dae mo' ira manatari Dia. Ule' na Ia amin mamole'i ambat tau, ¹⁰ na ira yang tangan na apais en kae' damping dana niat ta ala manontong Dia. ¹¹ Ansa' kali pangkaruap manginta pa Dia ira tasungkur pa dapan Na dan manyarawang, " Iko tuu Anak Bakas Kunyanyik." ¹² Tapi Ia mamatinta pa ira iyo' na bea mansanang tau ine ma tegal Ia ¹³ Aminten Yesus manyangke mandi bukit dan manajo ira yang Da pangae'i en, long ira datang man Dia. ¹⁴ Ia manako'ang dua belas murid (yang iasan rasul), iyo' na ira malola' Dia dan kule' bom mangutus pa ira ala mambaritakan Dongo Maam., ¹⁵ ira Da bare kuasa ala manyabeang pangkaruap. ¹⁶ Long Ia manako'ang dua belas murid ten tuu: Simon yang Da bare ansan Petrus. ¹⁷ Yakobus anak burane na Zebedeus, dan Yohanes insama na Yakobus (ira dua en ibare ansan Boanerges, yang retina anak-anak guntur); ¹⁸ Anmdreas, Filipus, Bartolomeus, Mateus , Tomas, Yakobus anak burane na Alfeus, Tadeus, Simon tau Zelot, ¹⁹ dan Yudas Iskariot yang mangapiayoi Dia. ²⁰ Aminten Yesus molek mandi langko en, dan tau ambat sikapulumg boom saule' maken ira bea sompat kaan. ²¹ Samanga kaum keluarga mandalinga dongo en tuu. Ira datang kae' mariar mawa Dia mole' ule' na ira loloa' , Ia amin bea na maam." ²² ahli Taurat yang daatang dai Yerusalem loloa' , Ia datamai Beelzebul," dan "Ia manyabeang ²³ Yesus long manajo pa ira dan loloa' mandi ira lam parumpamaanen, "Kaungka bait pande na setan manyabeang setan" . ²⁴ Banua tabagi-bagi, banua en tuu mustahil ngule' bataan. ²⁵ langko tabagi-bagi, langkoen tuu bea bom ngule' bataan. ²⁶ Maken bom ti' setan bangkit lawan kale na, dan tabbagi , ia maken pasti bea ngule' taan kalena, tapi akhira mo ta sarak bom. ²⁷ abo tau serapun yang dapat tama mandi lam langko tau makaya en mangule' marampas kon bo harta na, bea ia itinjak jolo tau makaya en tuu. Aminten barulah ia ngule' marampok samua bo' yang jienen pa lam langko en tuu. ²⁸ Totong-totong Iak loloa' mandi ken, samua dosa dan samua hujat yang dansan ule' tillinoen kule' iampuni. ²⁹ Tapi ine yang maobo'-obo' Sampe Ayu bea bo' ampun na. Ule' na salak na tuu kekal. ³⁰ mansanang kituu ule'na ira mansan, "Ia datami pangkaarup". ³¹ Long datanga anduNa dan kon insamaNa, ira kadeng isaulan. Ira manyuro' tau manajo Dia. ³² Tau ambat en tuu duduk ,mangulilingi Dia. Dan mansanang man Dia, "AnduNu dan kon sinsamaNu jien isaulan dan ira manakap diKo." ³³ Ia manyauti pa ira, "Ine anduKu dan ine kon insamaKu?" ³⁴ Ia manyalik sakulilingnga mandi ira yang tangana duduk mangulilingi Dia ungka, "Saik, inyenna anduKu dan kon insamaKu! ³⁵ na ine yang mangare pangae'na Kunyanyik, ia na insamaKu burane, dan insamaKu buine, dan anduKu."