¹ Aminten Ia mulai mangajar pa biring dano en. long datang ngasi kontau ambat en sikapulung mangulilingin Dia. Ia long naik mandi lam parau yang jien nen pa dano en tuu. Ia duduk, tangana kon tau ambat en pa biring pante danoen. ² Ia mangajar ambat bo' pa ira dana parumpamaan-parumpamaan sambil loloa' mandi ira, ³ Tantalinga, jioen tau mawa banyia', kae mamborang banyia'na. ⁴ Samanga ia mamborang, sen banyia' en tuu malao' pa biring dalan en, long datang bom kontampulu' en manga an banyia' en tuu. ⁵ laen nen malao' pa tana' abaatu-batu en, yan bea ambaat tana' na. Mariar banyia' en tuu, tapotek ule' na tana' na be dalam. ⁶ Tapi samanga mata aso timbun, banyia' en tuu kana panas matatan long malayu dan toya, ule'na urat a be a bea dalam. ⁷ Sen banyia' laen nen malao' pa rimput lambawas en. rimput en tuu tio sang malangke maapit pa banyia' en tuu sampai mate, long bea na asi banyia' en tuu ambua'. ⁸ Banyia' laen en malao' pa tana' yang subur en dan banyia' en tuu tio dan ambua' jien yang tiga pulo' kali lipat, jien yang anam pulo', jioen yang saratus en. ⁹ Long Ia loloa' ungka, "Ine jien nen talinga, tantalingga na." ¹⁰ Samanga Yesus tangan kakalena, ira ten damping danna dan Ira duabelas Murid Ta, mangatoanang kon perumpamaan-perumpamaan nen tu. ¹¹ mandi ira: "Mandi ken iansanang rahasia Kerajaan Kunyayik. tapi mandi ira isaulan. Samua bo iansanang malaloi perumpamaan, ¹² tuu samanga ira manginta, ira manginta tapi bea mangareti., dan samanga ira mandalinga, totong ira mandalinga tapi be paham, supaya ira dae baabalik dan daampuni lena Kunyanyik." ¹³ Long Ia loloak mandi ira, "Bea te ken mangareti parumpaanen nii? Kaun gka ken pande mamahi parumpamaan-parumpamaan yang laenen? ¹⁴ yang yang daamborang lena palok banyiak en tuu adalah Firman. ¹⁵ yang malaok pa biring dalanen adalah sen kon tauen samanga firman ianborang. Ira mandalinga firmnan tapi setan datang mala firman yang baru iamborangen mandi ira. ¹⁶ "Yang iamborang idibona tanak yang babatuen. iatuu ira yang mandalinga firman dan mariar manarima dana sasau nyawa. ¹⁷ bea maurat lam tio' na ira malainkan hanya bataan sikadang . Aminten samnga masek-masek dan panjaum-jauman datang lena firman men tuu, ira long undur. ¹⁸ Banyiak laenen malaok pa lambawasen iatuu ira yang mandalinga firman ¹⁹ ulena kanoronan duniaen nii dan pujuk ka kakayaan en sarta kon pangaek mandi bok laenen tama mandadati firman long bea na ambuak. ²⁰ Amina ten banyiak yang malaok pa tanak yang maam men iatuu ira yang mendalinga firman nen tuu sarta manarima long ambuak jien yang tigapulok, jien yang anampulok kali lipat dan saratus kali lipat." ²¹ Yesus long loloak mandi ira, "Ai bait iken mawa palita mandi lam langkoen itarok pa jaung takinen atau pa jaung pada tindok en? Iken mawa palita long ipabalang pa dibona tot palita en. ²² bea bo yang ilamun nen yang bea en ipayoang dan abok rahasia yang bea ibuka ang. ²³ yang batalinga ala mandalinga maam ma ia mandalinga." ²⁴ Amin ten Ia loloak mandi ira, "Sasalik ai yang idalingaen ulek nin, ukuran yang ipakaien lenin ala pangukur, moko ikurang mandi ken, dan tuen moko itambaang mandi ken. ²⁵ ine yang boan nen, mandi ia moko ibare lagi dan yang bea en boan, boai yang jien pada na moko i ala dai ia. ²⁶ Yesus along loloak, "Karajaan Kunyanyik saumpama tau yang malao'ang banyiak mandi tanak en. ²⁷ na tindok malam men dan manyading sonaen. Banyiiak en tuu tapotek manyorong. katipamo bea dakatau'ang kaungka dari kena tuu. ²⁸ Bumi en nii kakalena mangaruarang tolang gandum ma. Mola-mola tangke na amin ten tolang nga.amin ten tolang-tolamg yang kasuangan panok en. ²⁹ amin tasak ka iya tolang gandumen tuu, ia manyaabitnya sobab musim mangatam datang nga. ³⁰ Loloak lagi na Ia. "Dana ai tee Karajaan Kunyanyik ikulek ibanding atau parumpamaan ai te yang pande ipakai alla manjelaskan na? ³¹ Hal en tuu sama dana tolang sasawi, samanga iamborang tolang nga paling makekek dai samua banyiak pa dunia en nii. ³² laen iamborang iya tolang ngen tuu tapotek manyorong labi mara dai samu tanaman yang laenen, long madaan maraa, long maken kion tampuluk pande mamola sang nga lam samboan na. ³³ Lam ambat parumpamaan maken na inyen Ia mandongoang firman mandi ira maken na pangulek na ira mamahami na. ³⁴ Ia bea mansanang bo' ai mandi ira bea dan na parumppamaan. Tapi samanga Ia kakalena , Ia manjelaskan sagala bo'en mandi kon murid Ta kakale en. ³⁵ Samanga aso en tuu, malam ma mata asoen, Ia loloak mandi ira, "Ambak ki tangkat mandi suali." ³⁶ Long ira tangkat manantang tau ambat ten tuu, long tangkat mawa pa Yesus ba sama da na ira karana Yesus amin pa lam parau en. Parau-parau laenen pun malolak basama dan Na. ³⁷ Long asi riut topan batiup madaras lalo galombang manyimbur tama mandi lalam parau en long parau en kaek panok ulek aek. ³⁸ Tapi Yesus jien andan kamundi na parau en dan tangan talap tindok mamakai kalangulu. Ira long manadun Dia sambil manyengka, "Guru be tek Ko paduli mandi ikam yang kae tingkalam men nii? ³⁹ Yesus long manyading long mangangkasi riut ten tuu dan loloak mandi dano en tuu, "Ondok ken lakok," Long riut ten tu pun lakok dan kaadaan tenang sakali. ⁴⁰ Ia long loloa' mandi ira, "Maibet iken matakut aji en?" ai lanyap pa te' iman nin? ⁴¹ takuta ira long si loloa' an, "Ine satotonga tauen nii, ulenna riut dan dano pun taat mandi Ia?