¹ Insang aso ami na tuen samnaga Yesus abalik mandi Kapernaum idalinga dongo bahwa Ia jien pa sa langkoen. ² dantang kon tau ambaten bakarumun sampai langkoen tuu pano' sidadat, sampai pa dapan tambanganen pun abo na lagi pada. ³ insang tau datang mawa man Dia sa tau yang lumpuh. Jien ampat tau en mawa tau en tuu. ⁴ Samanga ira bea ngule' damping ule' na ambat ta tauen tuang, ira mambuka ato topat dibo na Yesus tangan kadenga. Ira long mamola loang pa ato en tuu long mainturunang pada tindok tau lumpuh en tuu pa tangan tindok na ⁵ Manginta iman na ira, Yesus loloa' mandi tau lumpuh en tuu, "Anak, dosa-dosa nu amin iampuni." ⁶ jien insang tau ahli Taurat yang tangan na duduk tuang bapikir dalam ate na. ⁷ "Kaungka pande na tauen nii loloa' maken ?" Ia manghujat Kunyanyik!. Ine pande mangampu ni dosa-dosa bokan ia Kunyanyik." ⁸ Tapi Yesus along mangatauang ai patanga na dapikir ule' na ira. Ia long loloa' mandi ira. "Mai ken bapikir maken na tuen alam ate nin?" ⁹ en yang munda en mansanang mandin tau nlumpuh en nii, "Dosa nu amin iampuni, atau mansanang, Manyading, angkat ta pada tindok nu dan lamba' na ko?" ¹⁰ Tapi iyokna iken mangatau'ang ba Anak Tilino jien ampuna kakuasaan pa Bumi en nii mangampuni dosa," Ia long loloa' mandi tau lumpuh en tuu, ¹¹ loloa' mandi ko, kadeng, angkat ta pada tindo' nu dan mole' ko mandi langko nu." ¹² Amin tuen pa dapan samua tauen ia kadeng long mangangkat pada tindo' na, long mole' mandi langko na.Tuen na manyuro' samua tau kagum dan mamuliakan Kunyanyik, sambil loloa' "Ikam bea kala' manginta bo' kena iyen." ¹³ Amin tuen Yesus tangkat lagi mandi dano en dan tau ambat malola' Dia sakala, dan Ia mangajar pa ira . ¹⁴ Ia malaloi dalanen tuu Ia manyalit pa Lewi anakka Alfeus, tangan na duduk pa pada pamungutan cukai long Ia loloa' mandia, "Malola' ko pa Diak." long ia kadeng dan malola' pa Dia. ¹⁵ Samanga Yesus tangan na kaan pa langko na Lewi. Ambat Pamungut cukai dan tau badosa tangana kaan dana Yesus dan murid-murid Ta, sobab, ambat dai ira yang malola' Yesus. ¹⁶ ahli-ahli Taurat dan kon tau Farisi manginta Yesus kaan danna tau badosa dan kon Pemungut cukai, ira loloa' mandi murid-murid Ta, "Mai bet Ia kaan danna pemungut cukai dan kon tau badosa? ¹⁷ Samanga Yesus mandalinga dia, Ia loloa' mandi ira. "Tau sehat bea parolu tabib, malainkan hanya tau apais. Iak datang bokan manajo kon tau mamen, malainkan kon tau badosa. ¹⁸ Samanga murid-murid Yohanes dan kon tau Farisi tangana puasa, datanga tauen long loloa' man Dia, "Mai murid-murid ta Yohanes dan murid-murid kon Farisi en puasa tapi murid-murid Nu bea?" ¹⁹ Yesus mandi ira, "Kule' te kon pangabang baru-baru en bapuasa tangan na panganten burane en jien sama-sama dana ira?. Laun na panganten burane en jien sama-sama dana ira, ira bea parolu puasa". ²⁰ Tapi monak jien ma deesa, ti' panganten burane en iala dai ira dan pa dees en tu na ira bapuasa. ²¹ Bea bo' tau mandaitang kain baruen mandi bulang jolo. Ule' na kain panampangi en tuu manyirak kain jolo en. Dan sirak ka makin sule'-ule' mara. ²² Maken bom bea bo' tau mambolongan anggur baruen mandi lam kirbat jolo en. Sobab maken ia, anggur yang baru en manyirak kirbat ten tuu , long matumbang asi anggur en dan kirbaten tu rusak bom. Maken ia bolongang nga anggur barunen mandi lam kirbat baru en bom." ²³ Pa aso Sabat en, Yesus lambak malaloi uma gandum, murid-murid Ta long mamoto' gandumen tuu. ²⁴ kon Farisi en loloa' man Dia. "Salik, mai ira mamola bo' yang bea en pande ipola pa aso Sabat en ? ²⁵ Long Ia loloa' mandi ira, "Bea te' ken mambaca ai bo' dapola lena Daud dana kon tau sama-sama dana, samanga ira kakurangan dan karaparan? ²⁶ ia tama mandi lam Sao Kunyanyik samanga Abiyatar manjabat dari imam raa, long ia mangaan roti sajian, yang bea en pande ikaan kacuali le'na imam, bahkan ia mamareang mandi kon tau sama-sama dana. ²⁷ Yesus mansanang, "Aso Sabat ipadari ala tilino, bokan tilino ala aso Sabat. ²⁸ Maken na Anak Tilino totong Sampulo na aso Sabat en.