¹ Saulus gasak pamase'-masek dan mambuno' murid-murid Kunyanyik, lamba' mangadap imam ra. ² mamita surat dai ira datujuang mandi sinagoge (langko doa Yahudi) ala paningkam pa ira yang pacaya pa dalan tu en, buene dan burane iawa mandi panjara pa Yerusalem. ³ Pa tanga' dalanen , samanga maken damping mandi Damsyik, sinar dai suanen mamancar mangulilingi dia. ⁴ jien aling loloa'," Saulus, Saulus, mai ko manjaum-jaum Diak?" ⁵ Saulus long makutawan: " Ine Ko tuu tuan?" Ia loloa': "Iak ka yang ijaum-jaum ule' nu, ⁶ ko, lamba' mandi kota en, bo' ai yang ipolaen ule' nu mona' iansang mandi ko". ⁷ tau saiyo' dana Paulus kadeng bea loloa' , amin na mananatalinga aling bo'en tuu, tapi bea manginta bo' ai. ⁸ Saulus kadeng, tapi bea manginta bo', Saulus mambuka mata na tapi bea manginta, danenden ma le' tau tama mandi Damsyik, ⁹ Talung aso launa, Saulus bea manginta bo', bea bom ka an bea mainum. ¹⁰ Samanga tuen jien murid dai Damsyik ansana Ananias. ¹¹ loloa' mandia lam panginta an. "Ananias, long loloa', inyen iak Sampulo" kadeng long lamba' ko mandi dalan yang dansan tau dalan bujur, pa langkona Yudas. takapan tau Tarsus yang ansana Saulus, sali' ma ia tu u lagi badoa . ¹² tuu jien ule' pangintaan jien tau ansana Ananias datang manyamboang tangan na, makena pande manginta lagi. ¹³ Ananias manyauti, "Kunyanyik, talalo ambat bo' jaaten dapola lena tauen nii mandi uluan suci Nu pa Yerusalem. ¹⁴ Dan ia tuu jien kuasa maningkam samua tau yang manajo AnsanNu." ¹⁵ Kunyanyik loloa' mandia, "Tangkat ko bah, tauen nii Kuile' mawa AnsanKu' mandi banua-banua dan Samagat-Samagat dan banua Israel, ¹⁶ Iak kae' payoang mandia, sampai mase'-mase'na ia tuu moko ule'na AnsanKu'" ¹⁷ Ananias pun tangkat long tama mandi langkoen tuu, manyamboang tangan dibona Saulus long loloa', "Insamaku Saulus, Kunyanyik Yesus Krisrtus payoang diriNa mandiak samanga iko pa dalanen mandi nii, manyuro' diak, makena mona' iko pande manginta lagi dan pano' Sampeayu". ¹⁸ samanga tuen bom bo' tungan sisik-sisik ikan malao' dai matana, long ia pun pande asi manginta, ia kadeng long ipamandi' (dibaptis). Saulus long mulai mambarereang (memberitakan) Yesus. ¹⁹ amin ka an, Saulus long makaya asi. Ia ondo'-ondo' pa Damsyik duangtalung aso. ²⁰ Ia long mambarereang Yesus pa Sinagoge-Sinagoge bahwa " Yesus tuu Anak ka Sampulo" ²¹ tau yang manadalingaen takjub dan loloa', "bokan te' ia nii yang pa Yerusalem mamuno' tau yang maansanang Ansanen tuu, dan yang datang mandi nii long kae mawa paira tajarat dana talien mandi dapan na ulu imam-imam . ²² Tapi Saulus makin makaya, dan mambingungkan tau Yahudi pa Damsyik, dan membuktikan Yesus tuen adalah Kunyanyik, Saulus lapas dari kon tau Yahudi. ²³ Amin insang aso kon Yahudien pokat kae mamuno' Saulus, ²⁴ Tapi niata kumpulan na ira tuu, dakauang ule'na Saulus, Kon tambangan kota en dajegai lena ira, lo' pande mambuno Saulus. ²⁵ murid-murid ta Salus mawa dia pa malamen, mainturunan dai tembok ken maurorang pa dia lam raga ' en. ²⁶ datang pa Yerusalem ia kae sikapulung da na kon muriten. Tapi samua na ira matakut pa dia , karena ira bea pacaya' ia tuu murid bom. ²⁷ Barnabas manjaput tangana Saulus, mawa dia mandi kon Rasulen, long mangisah pa ira kaungka ia amin manginta pa Yesus pa dalanen, Sampulo amin loloa' mandia, dan kaungka iri'na tuu masiak loloa' alam ansanNa Yesus pa Damsyik. ²⁸ Ira pun saio'-io' karuar tama dai Yerusalem, sambil loloa' dana siaka lam ansaNa Sampulo. ²⁹ loloa' dan sipadu dana tau Helenis, tapi ira malilisi kae mambuno' dia. ³⁰ kon sinsama saiman mangatauang bo'entuu, ira mawa dia mainturun mandi Kaisarea long mangutus pa dia mandi Tarsus. ³¹ Uleknatuen na samua uluan (umat) pa Galilkea , Samaria dan Samaria damai dan tio' . Ira pun dupan takut mandi Sampulo dapano' i kasinyawa Sampeayu. Ira maken tamba ambat. ³² tuen Petrus mangulilingi padaen tuu, ia malambai kon uluan sucien yang ondo'ondo pa lida. ³³ Teang ia sidua'ang dana tau ansana Eneas, tindo' dibona pada tindo' na lapan taun ule'na pais lumpuhs. ³⁴ loloa' mandia' Enea, Kunyanyi Yesus Kritu mamole'i diko, manyadingko, kamusi pada tindo' nu," Eneas long manyading, tuen na manyuro' ³⁵ kon tau pa Lida dan Saron manginta tuen jadi pacaya. ³⁶ Pa Yope jien murid ansana Tabita , kalo diterjemahkan ansana Dorkas. ia tuu maam bo' dapolaen ambat manguluki tau laen. ³⁷ samanga tuen ia tuu apais long mate. kon tau en pamandi' long dawa le na ira mandi ruang idibo' ³⁸ Ule' na Linda damping dai Yope, ira murid ta, amin mandalinga jien ka i petrus iteang, mautus tau dua mandi Petrus dan sabuli-buli mandia, "dae moko ka moko datang mandikam!" ³⁹ Petrus kat ungka laloang lamba' dana ira. Dan, Ya tuu datang, ira mawa Petrus mandi i ruang dibo en. samua buine balu en kadeng biringa Petrus manangis, dan pasalikkang tunik-tunik, dan pakaian-pakaian na yang laen nen yang dapola en Dorkas launna iya tu dupan nen dana ira