¹ Imam Ra loloa', "Tuen totong te'?" ² Stefanus long manyauti : "Kon tau baka dan insamaku, tantalinga loloa'ku : Sampulo yang dakitaen lena kon tau baka jolo ta', Abraham, waktuna tuen yatuu pa Mesopotamia apa pa apada pa Haran ³ dan loloa' ndia : " tangkat lah ko de tana' nu, de kombongan nu, ndi tana' yang kae' kupayoangngen ndiko.' ⁴ Amin na tuen, Abraham long manantang tana' Kasdim dan apada pa Haran. Amin na ama na mate, Sampulo manyuro' ndia apalin ndini, tana' yang ipadain lenin sokit ten. ⁵ Kituupun, Sampulo' bea mamare ai ai ndia, sajangkan tana'pun bea, tapi bapokat mamareang tuen dari kon bo' na Abraham dan kanturunna, masaen tuu Abraham abo' pa anak ka. ⁸ Tapi Sampulo' loloa' kinii, kanturun na mona dari tamoe pa tana' yang dao'en, ira mona' dari ulun tau dan dapamase'mase le' tau empat ratus taun launnya. ⁷ Tapi Iakpun mona' ma adat bansa yang yang pamase'mase ndi ira" kola' na Sampulo. Amin na tuen ira karuar de itee long mamapattang ndiak pa padaen nii. ⁸ Sampulo' mamare Abraham pokat sunat, Abraham dari amana Ishak dan manyunat ndia pas aso ka lapan na yatuu, Ishak dari amana Yakub, Yakub dari amana dua belas tau baka ta'. ⁹ lena buluanna atena ira, kon tau baka en tuu mamet Yusuf ndi Mesir. Tapi Sampulo ma iringi Yusuf, ¹⁰ mandao' ang nga de kon bo' malin , mamare anugrah panampu pa aroan na Firaun Raja Mesir, tuen yang mamola ndia dari Toa Banua Pa Mesir dan Istanaen. ¹¹ waktuna tuen, pa Mesir dan Kanaan jien sampar karaparan, yang manyuro' mase'-mase' dan kon tau baka jolota' abo ule' bui' kan. ¹² Yakub mandalinga jien gandum pa Mesir, ia manyuro' kon tau baka joloen tuu nditee. ¹³ Kaduangkalina ira tuu ndi Mesir, Yusuf maansanang kalena ndi insama na, Firaun ngatauang asi kombongan na Yusuf. ¹⁴ Amin na tuen, Yusuf maawa dan mamasan ndi Yakub, kon insama na , 75 uluan ambatta ira tuu. ¹⁵ Yakub apalin ndi Mesir mate iteang, yatuu dana kon tau baka jolo ta'. ¹⁶ De itee ira ipalinang ndi Sikhem i unjurang pa kulambu yang dabali lena Abraham de kanturunannya Hemor pa Sikhem. ¹⁷ Pas damping masa pokat ta Sampulo ndi Abraham, bansa en tuu maken maraa dan maken ambat pa Mesir, ¹⁸ sampai jien Raja na Mesir yang bea ngatauang ndi Yusuf. ¹⁹ Raja en tuu pauno unoi ndi bansa ta' mamaola mase' mase ndi kon tau baka jolo ta' mamaksa ira manyabeang kon anak keke' na sampai mate. ²⁰ Musa saulan masaen tuu, yatuu bakamam dasaliken lena Sampulo. Talung bulan Musa palangkona tau bakana. ²¹ Aminna yatu isabeang. Anak buinena Firaun maala dan mangarinti ndia kena anak diri'na. ²² Musa i piara lam pangatuanga tau Mesir. Yatuu makaya lam loloa dan kon bo' yang dapolaen. ²³ Masa na Musa ampat pulo' tahun manyanyawa yatuu lam atena kae' malamba'i ndi kon insama na, kanturun Israel. ²⁴ Pas yatuu manyalik kon insamana dapauno unoi lena tau Mesir, Musa malawanang tau yang da pamase' mase' en tuu mamalas dan mamuno' tau Mesir en tuu. ²⁵ Musa mangira kon insama na tuu ngatauang Sampulo mamare keselamatan malaloi ndia, kon tau en tuu bea mangatauang. ²⁶ Maina' na Musa malamba'i ndi tau Israel yang lagi sikalae, yatuu pamam ndi ira, dan loloa' : " Bokan ken te' insama, buai ken laka' sikapaisan nen?" ²⁷ Tau yang manjaum jaum insamana tuu manulak kang ndi Musa dan loloa' :" "Inye yang manyuro' ndiko dari Toa Banua nam? ²⁸ Iko kae' mamuno' ndiak ken nu mamuno' tau Mesiren dimam te e tae'? ²⁹ Mandalinga loloa' na tauen tuu, Musa marari long apada ndi Midian. Iteang yatuu dari tau baka de dua anak burane. ³⁰ Amin na yatuu empat pulo' taun, jien Malaikat Sampulo payoang kalena ndi Musa pa rimba gunung Sinai, lam lila' api pa rangas en. ³¹ Musa takajut manyalik bo' en tuu. Yatuu ndi biringa boen tuu kae' manyalik, jien aling Sampulo. ³² Iak ni na Sampulo tau baka jolo nin, Sampulo na Abraham, Sampulo na Ishak, Sampulo na Yakub. Musapun kakar bea barani manyalik ³³ Amin na tuen Sampulo loloa' ndia : "Porak kang solop nu de kaki nu, pada kadengnu tuu suci. ³⁴ Amin na ka manyalik mase' mase' na umat Ku' pa Mesir dan mandalinga ira mararaing. Amin na ka maenturun manguluki ndi ira. Sokit ten Iak manyuro' ndiko ndi Mesir. ³⁵ Musa yang amin datulak ira tuu loloa' :" inye yang manyuro' ndiko dari toa banua nam? Tau en tuu yang dasuro' Sampulo dari penguasa dan tau yang mangulukien, malaloi tanganna Malaikat yang payoang kalena ndia pa karangasen. ³⁶ Tauen nii maawa ndi ira ndi saulan sambil mamola mukjizat dan beo' beo' mam pa tana' na Mesir, Laut Dadara, pa Rimba' en empat pulo' tahun. ³⁷ Musa en ni yang loloa' ndi bansa Israel : Sampulo limokoen mona mangaidup nabi ken ku' de antara insa ma nin. ³⁸ Yaniilah tau yang jien pa antara nin pa Rimba dana Malaikat yang siloloan dan na pa gunung Sinai dana tau baka jolota' yatuu amin na mandalinga loloa'na Sampulo yang dupan nen yang ibareqangen ndiki. ³⁹ Tau baka jolota manulak misit dana Musa, ira mangoe' ang ndia dan lam ate na kae' mole' ndi Mesir ⁴⁰ long loloa' ndi Harun "Polang kam Dewa Dewa yang lamba' i depan nam lena Musa nii, yang maului ndikan saulan de tana Mesir, ikam bea ngatauang buai yang dakita dakatauangen. ⁴¹ Masaen tuu ira mamola tambang anak sapi dan mamariang ndi bo' en tuu sambil makas nyarawang dana kareja tanganna. ⁴² Le' na tuenn Sampulo bea kae' nyalik ndi ira dan pasua ndi ira tuu mamola pamariang ndi bala suanen, kena yang daansanangen lena kon Nabi, Buai ko maawang ndiak binatang yang amin i buno' dan pamariang sa masa ampat pulo' taun launnya pa Rimba' en, ken kon umat Israel? ⁴³ Iko maawa bantirung nga Molokh. dan bintang Dewanu Refan, tambang yang ipolaen lenin untuk ken bare pamariang. Iak mona' kae' nyabeang ndiken ndi tareara Babel. Am 5 : 25-27 ⁴⁴ Kon tau baka jolota' jien Bantirung Kesaksian pa Rimba, kena yang Sampulo suro' en ndi Musa mamola sama dana yang dasalik ken lena. ⁴⁵ Amin ule' bantirungen tuu, tau baka jolota' maawa bo' en yatuu dana Yosua, masa ira maala tana' de bansa laenen, yang amin dakoe'ang lena Sampulo de aro anna tau baka jolota' ndi masa na Daud. ⁴⁶ Daud dakamase'i lena Sampuloi dan yatuu mamita untuk ule pada untukka Sampulo na Yakub. ⁴⁷ Tapi Salomo yang mamolaang langkoen untuk Ka. ⁴⁸ Le'na tuen yang i diboen bea apada pa langko yang dapola le' tilinoen, kena yang daansanang lena Nabi. ⁴⁹ Suan padaku, dan tana' tumpuan kaki ku' Langkoi ai yang kae' i polaen lenu untuk ku'? Sampulo loloa " Ai padaku balopaen? ⁵⁰ Bea te' tangan ku bom yang mamolaen nii sakala? Yes 66:1-2 ⁵¹ Hai ken kon tau karas utak, dana ate dan talinga yang beaen basunat iken malawan Sampiayu kena tau baka jolonin! ⁵² Nabi nabi inten yang beaen i siksa lena tau baka jolonin? Dan ira tuu amin mamuno tau yang maansanangen sebeluma tuen. Datanga Yang Totongen sokit ten mamola ndiken dari pengkianat dan mamuno'. ⁵³ Iken amin na ule' Hukum Taurat kena yang daansanangen lena kon Malaikat, tapi iken bea manjaga na!" ⁵⁴ Atena ira madara' dara mandalingaen nii dan iraebok raya ndi Stefanus. ⁵⁵ Stefanus yang dapano' i Sampiayu manyalik ndi suanen dan manyalik kemuliaan Sampulo dana Yesus kadeng atap katona Sampulo. ⁵⁶ Stefanus loloa' : "Dalinga ! Iak manyalik suan tabuka dan Anak TYilino duduk tain katona Sampulo." ⁵⁷ Ira tuu makas nyarawang, manutupi talingana long manguluk ndi Stefanus. ⁵⁸ Long ira maruit ndi saulan na kotaen dan mamantiuk yatuu dan batu. Amin na tuen kon saksi malapasang jubah na pa jaunga kaki anak bakas yang ansan na Saulus. ⁵⁹ Dan ira mamantiki lulu ndi Stefanus yang lagi mangangkalong dan loloa, " Tuhan Yesus ala sumangatku." ⁶⁰ Amin na tuen yatuu malingkutut ia loloa mara mara :"Doa dae lao'ang dosa en nii ndi ira! dan amin na tuen yatuu pun mate.