1
Samanga tuen kon muriten maken ntamba ambat.long timbun asi bok dakamumutang lena tau Helenis mandi ira Ibrani aslien. ulena kon baluna ira bea ibare bok ikaan na ansak asoen.
2
kon Rasul manajo muridta long loloak mandi ira; "bea maam mandikam pasua kareja nam malambak ang Dongo Kunyanyik ule' na manawak manawak bok ikaan.
3
na tuen kon insama iken itajo lenam ala mailek tau tujuh teen {yang) totong maam dana dapano'i Sampeayu dana hikmat { patauang }, ira na isuro' en mangare ja bo' en tu' u.
4
na ikam long pande totong-totong maopatang dana mandalanang Dongo Kunyanyik.
5
Bo' da ansanang ira tu manyuro' sasau nyawa tau ambat. long ira maile' pa Stephanus ten panok Sampeayu dana iman Dan Filipus,
6
Prokorus, Nikanor, Timon, Parmenas dana Nikanor tau Proselit dai Antiokhia. Ira tuju en tu u iawa mandi kon Rasul en. long iopatang dana pabalangang tangan di bo ulu na ira tuju en.
7
Dongo Kunyanyik maken dao' tadongo, maken bom uluanan (umat) sang (makin) ambat. labi dai tu jien kon Imam maolak mandi iman tu en.
8
Long, Stephanus panok' kamayangan (anugerah) dana pangule' Kunyanyik. Amin mamola bo' panyuru dana beok-beok ajaib pa tau ambaten.
9
long jien tau dai Sinagoge (langko doa) ten dansan tau Libertin, tau Kirene dan tau Alexandria dai kilikia dan Asia kadeng long si padu dana i Stephanus.
10
Kapimo' ira bea mangule' manaloang kapandean na i Stephanus loloa' ulek na dasarung Sampeayu.
11
ira munying-munying maajo'-ajo' tau laen loloak maken: "ikam mandalinga tauen ni i maobo'-obo' pa Musa dan Kunyanyik."
12
Ira manyuro' tau ambat dan tau baka, kon Ahli-Ahli Taurat mandatangi long maningkam i Stephanus long mawa paddia mandi Sanhedrin.
13
mawa saksi-saksi pamujuk ten loloa' : "tauen ni i bea barenti maobo'-obo-n langko doa en ni i dan Hukum Taurat.
14
amin bom mandalinga ia tu u mansanang : "Yesus dai Nasreth kae' marurunang pada en ni i dan manyule' adat istiadat ten dabare Musa pa diki'".
15
ira manyali' lindo' na Stephanus, tau ten duduk pa Sanhedrin manginta loindo' naa tungan lindo' Malaikat.