¹ Waktuen tuu, kon Rasul dana kombongan yang pacaya' en pa Yudea mandalinga tau bokan Yahudi amin bom mangule' loloa' na Sampulo. ² Lena tuen, samanga Petrus manyangke mandi Yerusalem, kon tau en yang bersunat si sapa' baba' mandia, ³ long loloa', "iko lamba' mandi tauen yang bea basunat dan misit kaan dana ira". ⁴ Le' na tuen, Petrus mansanang sera-sera mandi ira, kola' na, ⁵ "Iyak tanga' ba mapatang pa kota Yope, dana tanga' lalam bea sadar, ia' manyalik bangon-bangon bo', lakena sa rambar kain malao' dai diboo, tungan ampat panjuru dai suan nen, bo' en tuu damping mandia'. ⁶ Waktuku' manyaliken, iak manonongi dan manyalik binatang-binatang ba kaki ampat pa tana' en, binatang-binatang liar, binatang-binatang marandar, dan kon tampulu' pa suan nen. ⁷ Iak jien bom mandalinga aling tau loloa' mandia', Manyading, Petrus, i' sambelih dan kaan!' ⁸ Tapi ia' loloa', Bea, Sampulo, Sebab abo' yang haram atau najis tama mandi lalam baba' ku'. ⁹ Bokan kituu, alingentu loloa' kaduang kalina dai suan nen, 'Ai yang amin Sampulo tahirkan, dae sakali-kali ken mansan haram!' ¹⁰ Bo'en ni amin dari talung kali, long samuana tuen dawa mole' mandi suan nen. ¹¹ Saliklah, sokiteen bom, jien ira talu da suro' datang ndi padaku, dai Kaisarea. ¹² Amina tuen, Sampeayu loloa' mandiak da suro' lamba' sirata dana ira bea pande ragu-ragu. Ira anam pari seiman misit bom danku' dan ikam tama mandi langko tauen tu. ¹³ Long, diri' na, mansanang mandikam kaungka diri' na amin manyalik Malaikat kadeng pa langkona dan loloa', suro' lah tau en mandi Yope dan mamita Simon yang ansanna Petrus datang mandi nii, ¹⁴ dan mona' maansanang pasanna mandiko yang ole' na pasan nen tu iken mona' diselamatkan, iko dana tau laennen yang ondo'-ondo' pa langkonu. ¹⁵ Tanga'ku loloa'-loloa', Sampiayu mainturun mandi dibona ira, lakena joloen dari mandiki', ¹⁶ Lena tuen ia' manyanyawa loloa' na Sampulo, samanga ia loloa', 'Yohanes pamandi' dana ae'en, tapi iken mona' ipamandi' dana Sampiayu. ¹⁷ Kituu, Tii' Sampulo mamareang karunia yang sama mandi ira lakena yang di'na bareang bom mandiki' yang amin pacaya' en mandi Kunyanyi', ine bait iak ni yang pande mamai'ang Sampolu?" ¹⁸ Samanga ira mandalinga bo'entu, ira long sasau nyawa na dana mamudi Sampulo dana loloa' Ti'i kitu'u, Sampolu pun amin mengaruniakan mandi tau bokan Yahudi pertobatan yang mawa mandi idupan. Injil mandi pa Antiokhia. ¹⁹ Aminnatuen, tau yang tercerai-berai lena penganiayaan yang kana mandi Stefanus, menyebar datang mandi Fenisia, Siprus dan Anthiokia, bea mamare Firman Sampulo mandi ine pun kecuali mandi tau-tau Yahudi. ²⁰ Tapi, jien insa dai ira tu, Kon tau-tau Siprus dan Kirene, yang datangen mandi Anthiokia dan loloa' bom mandi tau-tau Helenis, mansanang tentang Kunyanyi'. ²¹ Tangan Sampulo malola' mandira, ambat kon tauen tu long dari pacaya mandi Sampulo. ²² Kabara ira tu dadalinga sampai mandi talingana Jemaat pa Yerusalem, dan irapun manyuro' pa Barnabas mandi Antiokhia. ²³ Waktuna tuen Barnabas dan manyalik kasih karunia Sampulo. Diri'na sasau nyawana dan ma loloa'i pa ira manyuro' tetap setia mandi Sampulo dana ate yang ma kokon. ²⁴ Lena tuen Barnabas tu tau yang mam men, sa ambat-ambat tau en tu dawa le Sampulo. ²⁵ Aminatuen, Barnabas tangkat Tarsus manakap pa Saulus, ²⁶ Dan amin diri'na manduaang, dawa mandi Antiokhia. Salama' sataun, ira sdiduaang dana kon Jemaat dan majar tau amabat. Dan, pa Antiokhia murid-murid yang joloen iansan "Tau Kristen". ²⁷ Pa asoen-asoen tu, kon Nabi mainturun dai Yerusalem mandi Antiokhia. ²⁸ Sera dai ira ansan na Agabus, kadeng dan matanung mita kuluki Sampiayu, mona' jien karaparan maraa pa duniaen. Karaparan nen tu pas masa pemerintahanna Klaudius. ²⁹ Lena tuen, kon murid pokat mamare sumbangan, sesuai dana pangule' na ira, mandi kon ira pari seiman yang ondo'-ondo' pa Yudea. ³⁰ Dan, yang dapolaen bom lena ira, magirim sumbangan nen tu mandi kon Panatua malaloi tanganna Barnabas dana Saulus.