¹ Amina ikam situlak dana ira pun tangkat kam mamarau mandi Kos, saso maina' mandi Rodos, ² mamin tuen mandi Patara, amin tuu kam manyangkei kapal manarear mandi Fenisia . ³ waktu kam dah menginta Siprus, kam lamba'malaloi katoo dan mamarau mandi Siria dan manturun pa Tirus, karna kaek painturun ai yang diawaen. ⁴ mamin kam sidua'ang dana para murid, kam ondo' ondo' tuang tu salama tuju' aso. Sampe Ayu loloa' supaya i Paulus dae mandi Yerusalem. ⁵ awis na waktu kam ondo'ondo, ikam pun tangkat mayuyungang lamba'nam. ira sakala baik buine maupun kon anak-anak maantat pa dikam mandi saulan kotaen. Amin tu dikampun berlutut dan Badoa pa panteen, ⁶ ikam siansanan karna kaek mayunyungang lamba'nam ira yang laenpun mole' mandi' langkoen. ⁷ Mamin na kam lamba' dai Tirus ikam datang pa Ptolemais, ikam loloa' mandi insama seiman dan tantang tuang tu selama sa aso. ⁸ Saso mainak' ikampun tangkat mandi Kaisarea, ikampun tama mandi langko' na Penginjil Filipus, dan tindo' pa langko na. ⁹ Filipus jien ampat anak buine yang ber nubuat. ¹⁰ Ikam tantang pa langko na Filipus dalam beberapa aso, jien sera Nabi Agabus ansan na mainturun dari Yudea. ¹¹ Mamin tuen Nabi Agabus datang mandi kam dan langsung mala sasawak pa awaknya Paulus maninjak tangan dan kaki na kakaleen dan loloa' inyen yang Sampe ayu loloa, maken inyen tau Yahudi pa Yerusalem maninjak tau yang ampu naen sasawak dan mamare mandi tangan bangsa laen." ¹² Waktu ikam mandalingga ai yang di Nubuatkan Nabi Agabus, ikam maminta Paulus agar bea dari mandi Yerusalem. ¹³ Paulus loloa daeken manoron mandi iyak apais mona' ate ku, iyak pun dah siap ai yang ira pola mandia yak daekan i tinja' mate pun pa Yerusalem pun iyak siap demi asan na Tuhan Yesus. ¹⁴ Karena i Paulus bea kaek mandalinga ai yang ira loloa, irapun tanonong dan loloa, "Biarlah ai yang Tuhan kaek pola terjadilah." ¹⁵ Mamin asoen tuu ikam pun siap-siap tangkat mandi Yerusalem. ¹⁶ Murid-murid dai Kaisarea pun tangkat sama-sama dikam, ikam mandi langko na Manason tau dai Siprus, Murid yang dah malaun na tantang pa dikam. Paulus Mandaik Mandi Yakobus ¹⁷ Waktu ikam datang pa Yerusalem insama seiman menerima kami dana ate yang asa sau. ¹⁸ Saso mainak Paulus tangkat dana ikam mandaik mandi langko na Yakobus misit boom tonbanuanin. ¹⁹ Mamin loloa Pauluspun mandongoan ai yang Sampulo mamin pola en mandi tau laen pa Banua tau. ²⁰ Waktu ira mandalingga ai yang Sampulo pola pa Banua laen, ira pun mamuji-muji Sampulo. Irapun loloa mandi i Paulus," Saliklah, kon insama ribuan tau yang okan tau Yahudi pacayak pa Sampulo, ira taat sakala mandi Hukum taurat, ²¹ irapun dah mamin loloa bahwa iko i Paulus maajar samua Talino pa Banua laen dan taat mandi hukum Musa, long loloa bea perlu ken mayunat kon anak-anak dana aturan adat na kon kaum Yahudi. ²² ai yang harus ikam pola? ira dah mandalinga bahwa ingko pasti datang mandi nii. ²³ Iko harus kae'k mamola, jien ira ampat injiang yang dah mamin na bajanji (nazar), ²⁴ awa ira ampat tuu iken mayucikan ate dan dupan, jien duit nu suro' ira ampat tuu mangunting uuk. supaya irapun mangatuaang ine yang dah loloa tentang iko, bahwa memang tau maam mandi kon adat istiadat ta'. ²⁵ ira yang dari Banua laen pacayak mandi Sampulo Kunyanyi, ikam mamin na loloa, bahwa ira bea pande kaan yang mamin na di bare mandi kon antu, dara'k binatang dana tau yang dusa'k. Paulus i tingkam ²⁶ Mamin tuen, Paulus mawa kon Tilino, saso mainak mamin na ira menyucikan ate dan dupan, ira pun tama mandi Langko Sampulo, dan loloa, ai yang i pantangen dah awis na ²⁷ da kae'k tuju' aso na kon Tau Yahudi pa Banua Asia, amin na manyalik i Paulus pa Langko Sampulo, kon tau Yahudi pun ma ajo - ajo kon tilino, agar i Paulus pun di tangkam. ²⁸ ira manyarawang," hei kon Israel i Paulus yen dah ambat na maajar tau, supaya ia malawan ikik dana adat istiadat ta bahkan ira tuen dah mawa kon kaum Yunani mayangke pa langko Sampulo yang menurut adat ta bea pande. ²⁹ ira manyalik i Paulus mawa Trofimus tau dai Efesus, pa kotaen ira mangira Paulus mawa ia tuu tama mandi Langko Sampulo. ³⁰ Tau pa kota en pun pambar ambat tau sikapulung i Paulus pun itingkam dan mawa ia tuu karuar dai Langko Sampulo dan langsung ira tuu mangaputang Langko Sampulo. ³¹ Tau Yahudi kae mamuno'k i Paulus, untung jien tau yang malapor mandi uluan na pasukan Roma bahwa tau Yerusalem jien aru - aru. ³² Uluan na pasukan Roma pun langsung mainturun mayalik ira yang kaek mamaban i Paulus. tau ambat yang manyalik ambat pasukan Roma ira pun barenti mamaban i Paulus. ³³ amin na tuu, uluan na pasukan mamarintah maningkam dan magikat dana dua rantai uluan na pasukan batanya ai yang iko pola sehingga ambat tau yang kae mamaban. ³⁴ Karna ambat tau yang saling manyarawang sera dan yang lain, uluan na pasukan bea mangatauang jaji ai yang sebenarnya terjadi uluan na pasukan pun memerintahkan supaya mawa i Paulus mandi markas. ³⁵ Pa tanga en Paulus be na ngule, sampai ia pun i amben dana prajurit karna ambat tau yang majari dan sikapulung, ³⁶ tau ambat tu manyarawang,"dao'dao ko!" ³⁷ Waktu Paulus i awa tama mandi markas paulus pun loloa mandi uluan na pasukan ," boleh te iyak tanya mandi ko? uluan na pasukan pun loloa pande te ko loloa rapan Yunani? ³⁸ bea te iko yang mawa tau ambat sekitar ampat ribu tau mamunok pa padang gurun?" ³⁹ i Paulus loloa i yak asli suku Yahudi dai Tarsus, Kilikia, i yak ni tau yang tapandang pa kotaen. i yak maminta supaya iyak bisa loloa mandi tau ambat." ⁴⁰ Uluan na pasukan loloa, pande, Pauluspun kadeng pa tangaen dan mangangkat tangan na mandi tau ambat, tau ambat pun mandalinga Paulus loloa dana bahasa Ibrani.