¹ Paulus Mangesah Batobat ta diri na Kon insama dana kon ama, tanta linga jo pambelaan ku' ² mandiken sokiteen." samanga ira mandalinga i Paulus manajo pa ira alam rapan Ibrani, ira maken tanonong i Paulus long loloa, ³ " i yak nii tau Yahudi Saulan pa Tarsus, Kilikia, tapi maraa pa kotaen nii i didik lena Gamaliel dana totong-totong kenaa hukum apu' ane ta dan apoot mangareja parintah Sampulo, kena iken samana aso nii. ⁴ i yak manjaum-jaum dalan na Kunyanyi sampai mate, na ira manjarat dan mapis pa ira burane dan buine mandi lam panjara en, ⁵ kena da pola lena Imam Besar dana samua Majelis Panatua mamare kesaksian mandi yak. dai ira na iyak manarima surat-surat ala paninjak kon sinsama ta pa Damsyik ia i awa mandi Yerusalem sebagai tahanan yang kaek i hukum men. ⁶ Samanga palambaan ku' kae datang na pa Damsyik, tanga asoen, long jien bo marangan dai suanen mangulilingi diyak. ⁷ i yak tasungkur mandi tana'en dan mandalinga aling loloa' mandi yak, " Saulus, Saulus, bua i ko man jaum-jaum diyak? ⁸ Dan iyak mayauti, " ine iko Kunyanyi ? Ia long loloa' mandi yak, i yak lah Yesus dai Nazaret, yang i jaum-jaum ulek nu. ⁹ Kon tau en yang sama sama dan ku' manginta bo' marangan tuu, tapi bea mangareti aling tau yang loloa' en mandi yak. ¹⁰ Long iyak pun loloa,' buai yang harus ku polaen, Kuyanyi ? long Kunyanyi manyuti diak, kadeng ko lamba' ko mandi Damsyik, teang ko mona' ian sani samua boo' yang amin ditetapkan ala ipola ulek nu' ¹¹ Samang nga iyak bea na pande manginta lena bomarangan nen tuu iyak da nenden ulek kon tau yang sama-sama dan ku' tama mandi Damsyik. ¹² Long jien tau ansan na Ananias tau yang maam dupan na kena lam hukum taurat ten dan daki lala maam lena samua tau Yahudi yang ondo ondo en teang, ¹³ Datang mandi yak long kadeng ibiring ku' ia loloa' mandi yak," insama Saulus, mangintalah!' saat ten tuu boom iyak pande maginta lagi dan manyalik pa dia. ¹⁴ Ia long Loloa, Sampulo apu ane ta' manetapkan diko ala mangatua ang pangae' na dan manginta book kanaan, serta mandalinga aling dai baba' Nu, ¹⁵ karena iko mona' padari saksi Na mandi samua tau en, book yang amin dikita dan dalinga ulek Nu. ¹⁶ Sokiteen mai ko maenang-enang ? tangkat dan bareang kalenu i baptis dan bareseh ang kale nu sambil manajo ansan Na. ¹⁷ Samang nga iyak molek mandi Yerusalem tanga' ku' badoa pa Langko Sampulo en, iyak dipano'i Sampe ayu. ¹⁸ Long iyak manyalik pa Dia Kunyanyi loloa' mandi yak,"ariar sokitieen boom karuar ko dai Yerusalem, ule na ira bea manarima kesaksiksiannu tentang Iyak.' ¹⁹ Long iya loloa' "Kunyanyi, ira mangatauang bahwa iyak kala' mamanjara, manjarat ira yang pacayak mandi ko, dai Sinagoge mandi yang laen nen. ²⁰ Maken boom dara' na saksi Nu Stefanus i bolong ngang, i yak kakale ku' yang kadeng teang, mayatujui dan manjegai Kamusan na ira yang mamuno' en dia. ²¹ Amin na tuen Yesus loloa' mandi iyak lamba' ko I yak mangutus diko mandi Banua laen. ²² Tau ambaten tuu mandalinga pa i Paulus sampai loloa' " sabeang tau kena tuen dai boo na tana' en karna bea pantas dupan!" ²³ Tanga' na ira manyayarawang dan mamborang debu mandi boo!" ²⁴ Uluan na pasukan mamarintah supaya ia iawa mandi Markas, sambil mansanang bahwa I Paulus harus dipariksa dana cara ibaban sampai i tuu mandau ang alasan ai ira manyarawang melawan dia kena tueen. ²⁵ Tapi tanga' na ira kae' maban iatuen dana tali tali kulitan Paulus pun loloa' mandi uluan na perwira yang kadeng pa biring na,"sah te' mandi ko maban tau warga negara Banua Roma bea maloloi ipakara Jolo?" ²⁶ Samang nga Perwira en tuu mandalinga pa dia, ia lamba' mandi uluan na pasukan dan mansanang, kola' na," buai yang pula en ule' nu? sebab tauen nii warga banua Roma." ²⁷ Uluan na pasukan nen tuu long loloa' mandi Paulus," mansanang mandi iyak, totong te iko nii warga Banua Roma?" long Paulus pun loloa' " yok" ²⁸ Uluan na pasukan nen tuu manyauti iyak kule' warga negaraan nen nii dana duit Mara a en." long Paulus loloa' tapi iyak padari warga negara ule' na saulanan ku' ²⁹ long tau yang kae' mamariksa i Paulus langsung manantang pa dia maken boom uluan na pasukan matakut samanga ia mangatau ang bahwa I Paulus tuu tau warga Banua Roma dan ia mamin manjarat ia. Paulus loloa' mandi Uluan na Yahudi ³⁰ Tapi pa aso sera en, karna uluan na pasukan kae' mangatau ang alasan totong totongen ai I Paulus ituduh ole' na tau Yahudi en tuu, ia malapasang I Paulus dan maminta uluan na Imam Imam dana samua Sanhedrin sikapulung, long ia mawa pai Paulus main Turun long paro ang pa dia pa tanga' tanga' na ira.