¹ Paulus maroi Sanhedrin long loloa': kon insama, iak ni amin manadalani dupan ku totong-totong dana ate nyawaku yang ma amen mandi Sampulo sampai aso ni ² ra Ananias manyuro' pa kon tau yang kadengengen biringa i paulus manampar babak na i paulus. ³ Makena tuen Paulus loloa' mandi a : "Sampulo monak manampar diko, kulambu cat taute'! Mai bait iko tu u duduk maukum diak dana hukum Taurat, tapi malanggar ukumen tu u, lena iko manyuro' iak itampar?" ⁴ Kon tau yang kadeng ibiringa i Paulus loloa' : "Ai bet iko maobok-obok Imam ra Sampulo?" ⁵ Paulus loloa', Iak be mangatauk ang kon insama, ia tu u Imam ra, sobab jien tatulis . "Dae ko loloa' jaat mandi tau pamimpin banuanu" ⁶ Tapi, lena i Paulus mangatau'ang iora tu u sabagian tau urang Saduki dan yang laenen urang Farisi. Paulus manyanyarawan lam Sanhedrin nen tuu: "Kon insama , iak nii urang Farisi, anak urang Farisi. iak tangku iadili ulena pangarapan ku dan kabangkitan tau mate!". ⁷ Samanga i Paulus mansanang bo en nii long timbun na si pasalisihan antara kon urang Farisi en dan na kon urang Sadukien. long kontauen tuu pu tabagi-bagi. ⁸ urang Saduki mansanang beabo kabangkitan, abo Malaikat dan abo bom roh. Tapi urang Farisi mangakui samuana tuen. ⁹ Iong aru aji asi, dan jien kon ahli Taurat dai kelompok Farisi kadeng dan manaloang totong-totong : "Ikam bea mandua ang bo sala' dai tauen nii. Kaungka kalau roh atau Malaikat amaina loloa' mandi a?" ¹⁰ aru na ira itu maken maraa, uluanna pasukanen takut i Paulus moinak da sirak-sirak lena tau ambaten tuu, long mamarintah paqrajurit-prajuriten tainturun mala paksa pa i Paulus dai tanga'--tanga' na ira dan mawa pa dia mandi markas en ¹¹ Pa malam amina tuen Kunyanyik kadeng sabala'na i Paulus dan loloa' : " Karasang ate nu, lena iko amina basaksi totong-totong tegal Iak pa Yerusalem. ulena maken iko harus basaksi bom pa Roma." ¹² Samanga aso malangke, kon tau Yahudi em basakongkol manjarat kale na ira dana sumpa' , bea kaana dan bea mainum ai-ai sampai ira mamuno' pa i Paulus. ¹³ labi dai ampat puloh ira yang mamola pasangkongkolan nen tuu. ¹⁴ Ia datang mandi imam-imam kepala, long lloloa' : "ikam amina manjarat diri'nam dana sumpa' beakam manyanyami ai pun, apa iya nkamu mamuno' pa iPaulus. ¹⁵ lena iko saiyo' dana Sanhedrin, ansanang mandi uluan na pasukan, mawa dia mainturun mandi ko, saola-ola iko nkae mamutus pakara na labi taliti lagi dan ikam siap mamuno' dia sa apana damping mandi nii." ¹⁶ Tapi anak burane insama na i Paulus yg buine en, mandalainga rancana tegal panyaregapan nen tuu, long ia pun tangkat mandi markas, dan mansani pa iPaulus. ¹⁷ manajo sera Perwira long loloa' : "aawa na anak bakasen nii mandi uluanna pasukan nen karana jien bo' kae' ilapoirang mandi ia." ¹⁸ Long Perwira en tuu mawa pa dia mandi uluanna pasukan nen long loloa' : " Paulus tahanan nen tu manajo dan mamita diak mawa anak bakasen nii mandi ko karana ia jien boo' kae' iansanang mandi ko." ¹⁹ na pasukanen manjaput tangan anak bakasen tuu, manarik mandi sabala' long mulai makutawan mandi anak bakasen tuu kakalena, "Buai yang kae' ilaporangen mandi iak?" ²⁰ Long ia manyauti, " kon tau Yahudi amina sapakat mamita pa di ko mawa pa iPaulus mainturun mandi Sanhedrin maina' . Saola-ola ira kae mangatoanang boo' labi taliti mandi ia. ²¹ na dae manantalinga pa ira, karana labi dai ampat pulo' ira yang kae manghadang pa iPaulus, yang basumpa' bea kaan dan bea mainum sampai ira mamuno' pa iPaulus,dan sokite en ira amina siap-siap tangana ira maenangi pasatujuan nu." ²² Maken na, uluan na pasukan manyuro' anak bakasen tuu tangkaat sambil bapasan mandia, "Dae mansanang mandi ine-ine ti' iko amina mansanang pa diak tegal kon bo' en nii." ²³ tuen uluana pasukan en tuu manajo tau dua perwira long loloa': "Siapkan duaratus tantara dan tuju pulo' panunggang kuda dan dua ratus prajurit basanjata, ala tangkat mandi Kaisarea, jam tiga malamen nii. ²⁴ boom hewan ala panumpangkan iPaulus dan mawa dia sa amanna mandi Feliks, gubernur en tuu." ²⁵ ia manulis sarambar surat, kena inyen: ²⁶ Klaudius Lisias. Mandi Gubernur Feliks yang mulia. Salam, ²⁷ en nii datingkam urang Yahudi dan ampir da buno' lena ira' samanga iak datang sarata dana parajurit-prajurit long manyalamat pa dia, lena amin ikatauang asi ia tuu warga Banua Roma. ²⁸ Iak kae managatuang ai alasana ira manuduh dia, maken na iak mawa dia mandi Sanhedrin na ira. ²⁹ mandua'ang pa dia i tuduh tegal pasoalan-pasoalan tegal hukum Taurat ta ira, tapi bea bo' alasan ai pun pantas ala iukum mate atau ipanjara. ³⁰ iansanang mandi iak bahawa jien pasangkokolan kae malawan tauen nii, iak riar-riar mamarintahkan kon panuduh na mamola tuntutan na ira mandi ia pa dapan nu ³¹ Maken na kon prajurit en, sasuai da na parinta mandi ira, mal paiPaulus long mawa dia malam asoen mandi Antipatris. ³² aso seraen ira pa sua kon panunggang kuda tangakat sirata dan na, long ira mole' mandi markas en. ³³ ira amina datang pa Kaisarea dan mamareang surat en tuu mandi Gubernur ira mangadapkan iPaulus mandi ia. ³⁴ Amin na gubernur mambaca suraten tuu. ia mangatoanang dai wilayah ai iPaulus tuu asala la. Dan samanga ia mangatau'ang iPaulus barasal dari daerah Kilikia, ia loloa' ³⁵ mona' kae manantalinga diko amina ia panuduh nu datang boom." Amin tuen ia mamarintahkan ala mangawal pa iPaulus pa lalam ma markas ra na Herodes .