¹ wa'tu Yesus turut ka bukit, orak rami nuna iya. ² wan, tele, orak nang sakit kusta atak ka iya, wan bekata," Tuan, kalo kao mao, kao bisa melaherkan aku." ³ wan, Yesus ngulur langan ya serate jamah ya, kata-ya, "aku mao, tahirlah." saat ntu, li tahirkanlah kusta orak na. ⁴ wan, Yesus bekata ka iya, "tele lah, usah kao nyerita ape-ape ka sape pun, tapi ampuslah, telelah diri kao ka imam," ⁵ wa'tu Yesus tama ka kapernaum, seorak pewira atak ka-iya, mohon ka iya, ⁶ wan bekata, "Tuan, hambaku gik gurik lumpuh ka rumah, asa nderita." ⁷ wan, Yesus bekata ka iya, "aku atak wan nyembuh ia." ⁸ akan tapi, pewira na njaut wan bekata, "Tuan, aku angin layak ntuk tama ka babah atapku, tapi madahlah sepatah kata jak wan hambaku akan li nyambuh. ⁹ sabab, aku ntulah orak nang ka babah kekuasaan, ngan tentara-tentara ka babahku. wan, aku bekata ka nang sote, 'ampuslah,' ia pun ampus, wan ka nang lain, 'ataklah,' wan ia pun atak, wan ka hamba ku, 'muat ya." ¹⁰ wa'tu Yesus ndangar hal ntu, ia kagum wan bekata ka orak-orak nang nuna-ya, "aku madah nang sebanar ya ka kao, aku gik angin namu imam aya na ka ntara orak Israel. ¹¹ aku madahkan ka kao bahwa banyak nang atak dari timur wan barat, wan duduk makat ngan Abraham, Ishak, wan Yakub dalap Kerajaan Surga, ¹² tapi anak-anak kerajaan na idak li buak ka dalap patak nang asa patak. ka sana idak ada ratapan wan kertak gigi." ¹³ wan, Yesus bekata ka perwira na, "ampus, ampuslah njadi ka kao bage nang pecaya." wan, wa'tu kini ntu ugak, hamba ya li nyambuh. ¹⁴ wa'tu Yesus atak ka rumah Petrus, ia nele umak mertua Petrus gik bebarik wan tabit. ¹⁵ lalu, Yesus njamah langan umak na wan tabit ya pun hilang. lalu, ia lumpat wan melayan Yesus. ¹⁶ wa'tu mau malam, mpuya maba ka-iya banyak orak nang kerasukan roh-roh na ngan sote kata, wan nyambuh ya babis ka orak sakit, ¹⁷ supaya li genap ape nang li madah oleh Nabi Yesaya: "ialah nang ngalap nang lamah-lamah diri wan nangong oenyakit diri." ¹⁸ ntunya, wa'tu Yesus nele orak banyak ka keliling ya, ia mere perintah ntuk nolak ka sebarang. ¹⁹ lalu, seorak ahli Taurat atak wan bekata ka-iya, "Guru, aku idak nuna kao kemane jak kao ampus." ²⁰ wan, Yesus bekata ka iya, "rombong rubah mpuk liang wan buruk-buruk ka langit mpuk sarak-sarak. akan tapi, anak manusia angin mpuk tempat ntuk ngelatak ulu-ya." ²¹ sote dari para murid bekata ka-iya, "Tuhan, ngizinkan aku ntuk labih dulu ampus wan ngubur apak ku." ²² akan tapi, Yesus bekata ka-iya, "nunalah aku, wan mbiar orak mate ngubur orak mati mpuya surak." ²³ wan, wa'tu Yesus naek ka perahu, murid-murid-ya nuna iya. ²⁴ wan, telelah, tejadi badai aya ka danau sehingga perahu na tetutup ombak. akan tapi, Yesus tidur. ²⁵ wan, murid-murid notok Yesus wan mbangunkan-ya, kata ya, "Tuhan, selamatkan wakitu! wakitu gik binasa!" ²⁶ wan, ia bekata kampuya, " ngape kao gali, hai kao nang kurang beriman?" lalu, ia bediri wan menghardik angin serate danau na, wan njadi asa tanang. ²⁷ maka, orak-orak na teharan-heran wan bekata, "orak macam apekah ia na, bahkan angin wan danau pun nurut ka iya?" ²⁸ wa'tu Yesus tiba ka sebarang danau, ka daerah orak Gadara, dua orak nang kerasukan roh jahat batamu-iya. mpuya kaluar dari kubur ngan asa ganas sehingga angin ada orak nang bisa ngelalu jalat na. ²⁹ wan, telelah, mpuya ngampak, kataya, "ape urusan ntara kao ngan wakitu, hai Anak Allah? apekah kao atak ntuk nyiksa wakitu waktu nana? ³⁰ wan, agakjauh dari mpuya dari mpuya ada serombong babi aya nang gik ngagok makat. ³¹ setan-setan na minta ka iya wan bekata, "jika kao mao nguser wakitu, suruhlah wakitu pindah ka dalap rombongan babi na." ³² wan, Yesus bekata ka mpuya, "ampuslah!" lalu, mpuya keluar wan tamak ka dalap babi-babi na, lalu, babis rombongan babi na pun terajut dari bukit danau wan mati ka dalap ae. ³³ orak-orak nang menggembala rombongan babi na melarikan diri, wan tama ka dalap kota, wan nyeritakan babis, temasok ape nang tejadi ngan orak-orak nang kerasukan setan na. ³⁴ wanm telelah, wa'tu nele Yesus, mpuya minta-ya ntuk napuk wilayah mpuya.