¹ "usah ngakim supaya kao angin li ngakim. ² kaena ngan penghakiman nang kao guna ntuk ngakim, kao akan li hakimi, wan ngan ukuran nang kao nguna ntuk ngukur akan li ngukurkan ka kao. ³ wan, ngape kao nele balahan kayu ka mata dua naydi kao, tapi angin nao balok nang ada ka mata kao surak? ⁴ ato, bagemane bisa ko bekata ka dua nyadi kao, 'bair aku ngeluar balahan kayu ntu dari mata kao,' tapi tele, ada balok ka mata kao surak? ⁵ hai orak munafik, ngeluarlah dulu balok ntu dari mata kao, wan lalu kao akan nele ngan jelas ntuk ngeluar balahan kayu dari mata duanyadi kao. ⁶ usah mere barang nang kudus ka asu-asu, usah pula nabak mutiara kao ka kadap babi supaya mpuya angin ninyak-ninyak ntu ngan batis ya wan bebalek ngojet-ngojet kao." ⁷ "mintalah, wan hal ntu akan li mere ka kao. gagoklah, wan kao akan namu. ngatoklah, wan hal ntu akan li bukakan ntuk kau. ⁸ sabab, setiap orak nang minta, ia nerima, wan orak nang ngagok bisa li namu, wan ntuk ia nang ngatok akan li bukakan. ⁹ ato, siapekah dari ntara kao, nang jika anak ya minta roti akan mere batu ka anak ya ntu? ¹⁰ ato, jika anak ya minta ikat, ia angin akan mare ular ka anak ya ntu, bukat? ¹¹ jadi, jika kao nang jahat tahu bagemane mere anak-anak kao pemare-pemare nang baik, terlabih agik Bapa kao nang ka surga, ia akan mere nang baik ka mpuya nang minta ka-iya." ¹² "kaena ntu, segala jukut nang kao mao orak muat ka kao, demikian ugak kao muat ka mpuya kaena ntulah isi Hukum Taurat wan kitab para nabi." ¹³ "tamaklah, lalu gerbang nang sampit kaena lebarlah gerbang wan luaslah jalat nang nuju ka kebiasaan, wan ada banyak nang tama melalu iya. ¹⁴ sabab, sampitlah gerbang wan sasaklah jalat nang nuju ka kehidupan, wan damuk nang namu ya." ¹⁵ "namun, waspadalah tahadap nabi-nabi palsu, tapi sebanar ya mpuya inalah serigala-serigala nang buas. ¹⁶ dari buah ya lah kao akan nganal mpuya. namulah orak ngumpul buah-buah anggur dari semak-semak duri wan buah-buah ara tumbuhan-tumbuhan baduri? ¹⁷ demikian ugak, setiap pohot nang baik ngasel buah nang baik, tapi pohot nang angin baik ngasel buah nang angin baik. ¹⁸ pohot nang baik angin mungkin ngasel buah nang angin baik, wan pohot nang angin baik angin mungkin ngasel buah nang baik. ¹⁹ setiap pohot nang angin baik akan li nabak wan li muak ka dalap api. ²⁰ jadi, duri buah-buah ya kao akan nganal mpuya. ²¹ angin babis orak nang bekata ka aku, 'Tuhan, Tihan,' akan tama ka dalap kerajaan Surga, melainkan ia nang muat kehendak Bapaku nang ka surga. ²² wa'tu hari ntu, banyak orak akan bekata ka-aku, Tuhan, Tuhan, bukatkah wakitu bernubuat dalap nama-kao, wan nguser roh-roh jahat dalap nama-kao wan muat banyak mukjizat dalap nama-kao?' ²³ lalu, aku akan nyatakan ka mpuya, 'aku angin pernah nganal kao! menjauhlah dari-ku, kao nang ngawe kesalahan!" ²⁴ "kanea ntu, babis orak nang ndangar pekataan-pekataan-ku ntu wan melakukan ya akan njadi bage orak bijaksana nang mbangun rumah ya ka atas batu. ²⁵ lalu, turutlah hujat wan ataklah banjir, wan angin betiup nerajang rumah ntu, wan rumah ntu angin roboh kaena li dirikan ka atas batu. ²⁶ wan, setiap orak nang ndangar pekataan-ku ntu wan angin melaku ya akan njadi bage orak bodoh nang mbangun rumah ya ka atas pasir. ²⁷ lalu, turutlah hujat wan ataklah banjir, wan angin batiup nerajang rumah na, wan rumah na roboh, wan asa aya kerusakan ya." ²⁸ wa'tu Yesus laka madakan hal-hal na, orak banyak terheran-heran ka pengajaran-ya, ²⁹ kaena ia ngajar mpuya bage orak nang bekuasa, wan angin bage ahli-ahli Taurat mpuya.