¹ "waspadalah dalap muat kewajiban agama kao kadap manusi, usah ngan maksud ntuk li nele oleh mpuya. jika demikian, kao angin akan nerima upah dari Bapa kao nang ka surga. ² kaena na, wa'tu kao munyi terompet ka kadap kao bage nang orak-orak munafik muat ka sinagoge-sinagoge wan ka jalat-jalat supaya mpuya li puji orak lain. aku madahkan nang sebanar ya ka kao bahwa mpuya udah nerima upah ya. ³ akan tapi, wa'tu kao mere sedekah usah mbiar langan kiri kao nao ape nang langan kanan kao muat, ⁴ supaya sedekah kao na li munyi wa Bapa kao nang nele nang li munyi na akan li mere upah ka kao. ⁵ "wan, wa'tu kao bedoa, usah bage orak-orak munafik kaena mpuya suka bediri biar li tele orak lain. aku madah nang sesungguh ya ka kao, mpuya udah nerima upah ya. ⁶ akan tapi, wa'tu kao bedoa, tamalah ka dalap kamar kao wan tutuplah pintu ya, wan bedoalah ka Bapa kao nang ada ka tempat tesembunyi, maka Bapa kao nang ada ka tempat tesembunyi, maka Bapa kao nang nele nang tesembunyi na akan li mere upah ka kao. ⁷ wan, wa'tu kao bedoa, usah guna kata-kata nang angin artiya, bage nang li muat orak-orak nang angin nganal Allah, sabab mpuya ngira ngan banyak kata-kata, mpuya akan li ndangar. ⁸ kaena na, usah bage mpuya kaena Bapa kao nao ape nang kao peralu wa'tu kao gik angin minta ka-iya. ⁹ vbedoalah demikian, 'Bapa kami nang ka surga, likuduskanlah nama-kao. ¹⁰ ataklah kerajaan-kao, jadilah kehendak-kao ka bumi bage ka surga. ¹¹ merelah ka wakitu, ka hari ntu nyan, makat wakitu nang secukup ya. ¹² wan, ngampun kesalahan-kesalahan wakitu, bage wakitu ugak ngampun orak-orak nang besalah ka wakitu. ¹³ wan, usah maba wakitu ka dalap pecobaan, tapi lapas wakitu dari nang jahat. kaena kaolah Sang mpuk kerajaan, wan kuasa, wan kemulian sampe selama-lama ya. amin.' ¹⁴ kaena jika kao ngampun kesalahan-kesalahan orak lain, Bapa surgawi kao. ¹⁵ akan tapi, jika kao angin ngampun kesalahan-kesalahan orak lain, Bapa kao ugak angin akan ngampun kesalahan-kesalahan kao." ¹⁶ "wan, wa'tu kao bepuasa, usah murung bage orak munafik kaena mpuya ngubah muha ya bage nele sadak bepuasa ka orak lain. aku madahkan nang sebanar yakao bahwa mpuya telah nerima upah ya. ¹⁷ akan tapi, kao, wa'tu bepuasa li bubuh minyak ka ulu wan muha kao. ¹⁸ biar puasa kao angin li tele orak, tapi oleh Bapa kao berada ka tempat nang sembuyi. wan, Bapakao nang nele pebuatan kao nang tesembunyi na akan li malas ya ka kao." ¹⁹ "usah nimbun ntuk diri kao surak harta ka bumi, tempat ngengat wan karat merusak, wan tempat malik bongkar serate malik. ²⁰ akan tapi, ngumpul ntuk diri kao surak harta ka surga, tawak ngengat wan karat angin merusak tawak malik angin bongkar serate malik. ²¹ kaena li tawak harta kao barada, ka sana ugak hati kao barada." ²² "mata ²³ akan tapi, jika mata kao jahat, babis tubuh kao akan panuh kegalapan. jadi, jika terang nang babis ya ka kao inalah kegalapan, asa pekat ya kegapan na." ²⁴ "angin ada orak nang bisa melayani dua tuan kaena ia garik tuan nang sote wan ngasih nang lain, ato ia setia ka tuan nang sote wan meremeh nang lain. kao angin bisa melayani Allah wan mamon." ²⁵ "sabab ntulah aku bekata ka kao, usah khawater tentang hidup kao, ape nang akan kao makat ato ape nang kao minum. demikian ugak tentang tubuh kao, ape nang kao pake. bukatlah hidup labih penting dari pada makat, wan tubuh dari pada pakaian? ²⁶ telelah buruk-buruk ka langit nang angin nabur, angin menuai, wan angin angin ngumpul ka dalap lumbung, tapi Bapa Surgawi kao mere mpuya makat. bukatkah kao labih beraga daripada mpuya? ²⁷ siapekah ntara kao nang kaena khawater bisa namah sehasta ka umur ya? ²⁸ wan, tentang pakaian, ngape kao khawater? telelah bunga bakung ka padang, bage mpuya tumuh, mpuya angin begawe wan ugak angin mintal, ²⁹ tapi aku madah ka kao bahwa Salomo dalap segala kemulian ya pun angin salah sote dari bunga-bunga ntu. ³⁰ jadi, jika rumput bka padang, nang ada hari ntu wan nalap li nabak ka dalap api, Allah nande sedemikian rupa, bukatkah labih agik kao, hai kao nang kurang iman? ³¹ kaena ntu, usah kao khawater ngan bekata, 'ape nang li makat?' ato 'ape nang wakitu minum?' ato ape nang kami make?' ³² sabab, bangsa lain ngagok-ngagok babis ntu wan Bapa surgawi kao nao bahwa kao peralu babis ntu. ³³ akan tapi, gagoklah dulu kerajaan wan kebanaran-ya, wan babis ntu akan li namah ka kao. ³⁴ jadi, usah khawater tentang hari nalap kaena hari nalap akan nyuruh khawater diri ya surak. cukuplah bila hari ngan kesusahan ya surak."