¹ wa'tu nele orak banyak, Yesus naek ka atas bukit. wan, laka ia duduk, murid-murid-ya atak ka kadap iya. ² wan, ia buka mulut-ya wan ngajar mpuya, kata-ya, ³ "liberkatilah orak nang miskin dalap roh sabab mpuya nang mpuk Kerajaan Surga. ⁴ liberkatilah mpuya nang berdukacita sabab mpuya mao li ngibur. ⁶ liberkatilah mpuya nang lapar wan haus kebanaran sabab mpuya li nganyang. ⁷ liberkatilah mpuya nang bebalas kasih sabab mpuya namu balas kasih. ⁸ liberkatilah mpuya nang bersih ka dalap hati sabab mpuya akan nele Allah. ⁹ liberkatilah mpuya nang maba damai sabab mpuya akan li nyabut anak-anak Allah. ¹⁰ liberkatilah mpuya nang li aniaya demi kebanaran sabab mpuya nang mpuk Kerajaan Surga. ¹¹ liberkatilah kao apebila orak mencela kao wan menganiaya kao, wan madah segala macam kata jahat tahadap kao ngan fitnah kaena aku. ¹² besukacitalah wan begembiralah kaena aya upah kao li surga kaena demikianlah mpuya menganiaya rombong nabi wa'tu gik angin kao." ¹³ "kao inalah garap dunia, tapi kalo garap na njadi tawar, ngan ape ia li nyuruh masit? ia angin beguna sama sekali selain ntuk li buak wan li tinjak manusia." ¹⁴ "kao inalah terang dunia. kota nang ada ka atas bukit angin li bunyikan. ¹⁵ orak-orak ugak angin ngidup pelita, melainkan ka atas batis pelita, wan ia narang babis nang ada ka dalap rumah. ¹⁶ biarlah terang kao ugak besinar ngan cara nang sama supaya mpuya bisa nele pebuatan-pebuatan kao nang baik wan memuliakan Bapa kao nang ka Surga." ¹⁷ usah bepikir bahwa aku atak ntuk ngilangkan Hukum Taurat ato kitab para nabi. aku atak bukat ntuk ngilang ya melainkan ntuk ngenap ya. ¹⁸ aku madah nang sebanar ya ka kao, sampe langit wan bumi belalu, angin ada sote iota ato sote coretan pun nang akan ilang dari Hukum Taurat sampe babis ya li ngenap. ¹⁹ kaena na, siape nang atak ngilangkan salah sote dari perintah-perintah amuk ntu wan ngajar orak lain ntuk muat hal nang sama, ia akan li nyabut nang amuk dalap Kerajaan Surga. namun, siape nang muat perintah-perintah na wan ngajar ya akan nyabut aya dalap Kerajaan Surga. ²⁰ sabab, aku madah ka kao bahwa jika kebanaran kao angin labih baik dari pada kebanaran ahli-ahli Taurat wan orak Farisi, kao asa sama angin akan tama ka dalap Kerajaan Surga. ²¹ kao telah ndangar nang li madah ka apek kuyak diri, 'usah nang membunuh pantas li maba ka pengadilan.' ²² akan tetapi, aku madah ka kao bahwa siape pun nang mbila ka dua nyadi ya pantas li ngukum dalap hukuman, wan siape pun nang bekata ka dua nyadi ya, 'kao tolol,' pantas berada ka kadap Mahkamah Agama, wan siape pun nang bekata, 'kao bodoh, 'pantas berada dalap neraka api. ²³ kaena na, jika kao mempersembahkan persembahan kao ka atas altar, ²⁴ badiaplah persembahan kao na ka depan altar wan ampuslah ntuk lebih dulu li damaikan ngan dua nyadi kao, laka na ataklah wan persembahkan persembahan kao. ²⁵ secapat mungkin, bedamai ngan orak nang nuduh kao selagi kao dalap pejalanan besama ya supaya usah penuduhan kao na li nyerah ka hakim, wan kao li tama ka dalap penjara. ²⁶ aku madah nang sebanar ya ka kao, kao angin pernah keluar dari sana sampe kao udah mayar sen nang terakhir." ²⁷ "kao udah ndangar bahwa li katakan, 'usah berzinah'. ²⁸ akan tapi, aku madah ka kao bahwa setiap orak nang nele seorak mbini wan mirit ka ia, ia udah berzinah ngan mbini na ka dalap hati ya. ²⁹ kalo mata kanan kao muat kao bedosa, coleklah mata kao na wan buaklah. sabab, labih baik kao kehilangan salah sote anggota tubuh kao daripada babis tubuh kao li muak ka dalap neraka. ³⁰ wan, jika langan kanan kao muat kao bedosa, tatak wan buaklah langan kao na kaena labih baik kao kehilangan salah sote anggota tubuh kao daripada babis tubuh kao li buak ka dalap neraka. ³¹ udah limadahkan: siapepun nang nyarai mbini ya harus mere surat cerai ka mbini ya na. ³² akan tapi, aku madah ka kao bahwa siape nang nyarai mbini ya, kecuali kaena zina, ia muat mbini ya berzina. wan, siape nang kawen ngan mbini nang li nyarai na, ia ugak berzina. ³³ sekali agik, kao telah ndangar nang li madah ka apek kuyak diri, 'usah bersumpah palsu, tapi panuhilah sumpah kao na ka kadap Tuhan'. ³⁴ namun, aku madah ka kao: usah sekali-kali kao besumpah, baik demi surga kaena surga inalah takhta Allah, ³⁵ atopun demi bumi kaena bumi inalah tumpuan batis-ya, atopun demi Yerusalem kaena inalah kota Sang Raja Aya. ³⁶ usah ugak kao bersumpah demi ulu kao kaena kao angin bisa muat sehelai buhu, putih ato hitap. ³⁷ namun, hendaklah kata kao, ao jika ao, angin jika angin, kaena nang selabih ya dari na berasal dari nang jahat. ³⁸ kao telah ndangar ape nang telah lai madah, 'mata ganti mata wan gigi ganti gigi'. ³⁹ namun, aku ngatakan ka kao usah melawan nang jahat, melainkan siape nang nampar kao ka muha kanan, sodorlah ka ia muha kao nang lain ugak. ⁴⁰ wan, jika seorak mao nuntut kao wan ngalap baju kao, merelah ugak jubah kao ka iya. ⁴¹ wan, siape nang maksa bejalat 1 mil, bejalatlah besama ya sejauh 2 mil. ⁴² merelah ka orak nang minta ka kao wan usah nolak orak nang mao minjam dari kao". ⁴³ "kao telah ndangar nang li firmankan, 'kasihilah sesama kao', ⁴⁴ namun, aku bekata ka kao, kasihilah munsuh-munsuh kao wan bedoalah ntuk orak-orak nang ngolok kao, ⁴⁵ ngan demikian kao bisa njadi anak-anak Bapa kao ka surga kaena ia nerabit matahari ntuk orak nang jahat wan nang baik, wan nurut hujat ntuk nang banar wan nang angin banar. ⁴⁶ sabab, kalo kao hanya ngasih orak-orak nang ngasih kao, upah ape nang kao namu? bukatkah pengumpul pajak ugak muat hal nang sama? ⁴⁷ wan, jika kao mere salam cuman ka dua nyadi kao, ape labih ya pebuatan kao? bukatkah orak-orak nang angin kenal Allah ugak bebuat bage ntu? ⁴⁸ kaena na, kao harus njadi sempurna, bage Bapa kao nang ka surga inalah sempurna."