¹ lalu, Yesus li pimpin oleh Roh ka padang belantara ntuk li nyoba oleh Iblis. ² wan, ia bepuasa empat puluh ari wan empat puluh malam, udah na ia njadi lapar. ³ lalu, ataklah ia, wan madah ka Yesus, "jika kao ntulah Anak Allah, perintahlah nyuruh batu-batu na njadi roti." ⁴ namun, ia njawab wan madah, "ada tetulis, 'Bukat oleh roti jak manusia hidup, tapi oleh firman nang keluar ngelalu mulut Allah." ⁵ lalu, Iblis maba ya ka kota suci wan naroh ya ka puncak Bait Allah, ⁶ wan bekata ka iya, "jika kao Anak Allah, labuhlah diri kao ka bawah kaena ada tetulis: 'kao, Allah akan merintah malaikat-malaikat ya wan ngangkat kao ka atas langan mpuya supaya batis kao angin nyandung batu." ⁷ Yesus bekata ka iya, "sekali agik, ada li nulis, "kao usah nyoba Tuhan Allah kao." ⁸ sekali agik, Iblis maba Yesus ka atas gunung nang asa tinggi wan nyuruh nele ka ia babis kerajaan dunia serate kemegahan ya,v 9wan bekata ka ya, "babisya ntu akan li mere ka kao, jika kao nyungkur wan nyembah aku." ¹⁰ lalu, Yesus bekata ka iya, "kao harus nyembah Tuhan Allah kao wan ka iya jak kao sembayang." ¹¹ laka na, Iblis napuk ya, wan telelah, malaikat-malaikat atak ntuk melayan ia. ¹² lalu, wa'tu Yesus ndangar bahwa Yohanes telah li nangkap, ia ampus ka Galilea. ¹³ ia napuk Nazaret wan serate badiap ka Kapernaum Zebulon wan Naftali, ¹⁴ supaya li genap ape nang li madah ngelalu Nabi Yesaya: ¹⁵ 'Tanah Zebulon wan tanah Naftali, jalat danau, ka seberang Yordan, Galilea, wilayah orak-orak bukat Yahudi, ¹⁶ bagsa nang diap dalap patak nele terang nang aya, wan bagi mpuya nang diap ka negeri wan dalap bayang-bayang kematian, terang na labih terabit. ¹⁷ wa'tu na, Yesus mule bekotbah wan madah, "Bertobatlah kaena Kerajaan Surga udah samak!" ¹⁸ wa'tu Yesus bejalat ka tapi danau Galilea, ia nele dua nyadi, SImon nang li madah Petrus, wan Andreas, nyadiya, gik nabak jala ka danau sabab mpuya inalah penjala ikat. ¹⁹ wan, ia bekata ka mpuya, "telelah mpuya nuna aku wan aku mao njadi kao penjala manusia." ²⁰ mpuya langsong napuk jala-jala ya wan nuna ia. ²¹ wan, wa'tu ampus dari sana, ia nele dua nyadi nang lain, Yakobus anak Zebedeus, apak mpuya, gik mbaik jal-jala ya. wan, ia nyaru mpuya. ²² wan, mpuya langsong napuk perahu wan apak mpuya langsong nuna Yesus. ²³ lalu, Yesus ngelilik ka babis daerah Galilea, ngajar ka sinagoge-sinagoge, wan nyembuh segala macam penyakit, wan segala macam kesakitan ka ntara orak banyak. ²⁴ wan, mbrita tentang ya lalu nyebar sampe ka babis Siria. wan, mpuya maba ka iya babis orak sakit nang menderita kana macam penyakit wan rasa sakit, wan nang kerasukan setan, nang sakit ayan, wan nang sakit lumpuh, wan ia nyembuh mpuya. ²⁵ nang asa banyak atak orak dari Galilea, Dekapolis, Yerusalem, Yudea, wan dari seberang Yordan nuna ia.