¹ "lalu, kerajaan Surga li umpamakan ngan sepuluh mbini nang dara nang maba pelita-pelita ya ampus ntuk batamu mempelai laki-laki. ² Lima ka ntara mpuya na bodoh, wan lima nang lain na lah bijaksana. ³ wa'tu nang bodoh na maba pelita-pelitaya, mpuya angin maba minya'k basama ya. ⁴ Nmaun, nang bijaksana maba minya'k dalam guci amuk basama ngan pelita-pelita mpuya. ⁵ sekarak, wa'tu mempelai laki-laki na nunda kedatagan ya, mpuya babis tinuk wan tidur. ⁶ Namun, wa'tu tengah malam ada suara ngampak, 'mempelai laki-laki atak! keluarlah ntuk nyambut ya!' ⁷ lalu, babis mbini na lumpat wan merapikan pelita-pelita mpuya. ⁸ wan, nang bodoh madah nang bijaksana, 'merelah ka wakitu sedamuk minyak kao kaena pelita-pelita wakitu hampir padap.' ⁹ tapi, nang bijaksana nyaut, 'angin, angin akan cukup ntuk wakitu wan kao. lebih baik, ampuslah ka nang njual minyak wan balilah ntuk kao surak.' ¹⁰ sementara mpuya ampus ntuk mali, mempelai laki-laki na atak, wan mpuya nang siap, tama basama-sama ngan Ia ka perjamuan kawen, wan pintu li nutup. ¹¹ laka na, ataklah mbini-mbini nang lain ya wan madah, 'Tuan, tuan! bukatlah bagi wakitu.' ¹² tapi, ia mjawab, 'sesungguh ya, aku madah ka kau, aku angin nganal kau.' ¹³ oleh kaena na, bajaga-jagalah kaena angin tahu hari ato waktu ya." ¹⁴ "sebab, kerajaan surga sama bage seorak nang akan ampus ka luar negeri, nang manggel hamba-hamba ya wan nyerahkan milik ya ka mpuya. ¹⁵ ka nang seorak, ia mere 5 talenta. ka nang lain ya, 2 talenta, wan ulu nang lain agik, 1 talenta. masing-masing sesuai kemampuan ya. lalu, ia ampus. ¹⁶ orak nang nerima 5 talenta na langsong ampus, wan njalankan talenta na, wan ia menhaselkan 5 talenta agi. ¹⁷ demikian uga nang nerima 2 talenta, ia menghaselkan 2 talenta 2 talenta agi. ¹⁸ akan tapi, orak nang nerima 1 talenta na ampus, menggali lubak ka tanah, wan munyi duit tuan ya. ¹⁹ lama udah na, tuan dari hamba-hamba na atak wan ngadakan pengitungan ngan mpuya. ²⁰ orak nang telah nerima 5 talenta na ngadap wan maba 5 talenta agi, kata ya, 'Tuan, kau nyerahkan 5 talenta ka aku, telelah, aku udah menghasilkan 5 talenta agik.' ²¹ tuan ya madah ka ia, 'baik banar, hamba nang baik wan setia ngan hal-hal amuk, aku akan ngangkat kao atas banyak hal, tama lah ka dalap suka cita tuan kau.' ²² wan, orak nang narima 2 talenta ugak ngadap wan madah, 'Tuan, kau nyerahkan 2 talenta ka aku. tele, aku laka menghaselkan dua talenta agi.' ²³ Tuan ya nyaut, 'asa baik, hamba nang baik wan setia. kau setia ngan hal-hal amuk, aku akan ngangkat kau atas banyak hal, tamalah ka dalap suka cita tuan kau.' ²⁴ lalu, orak nang nerima 1 talenta uga ngadap wan madah, 'Tuan, aku tahu kau orak kejam, menuai ka tempat nang kau angin nabur, wan ngumpulkan ka tempat nang kau angin nyebarkan banih. ²⁵ kaena na, aku gali, wan ampus wan m'bunyikan talenta kau ka dalap tanah. tele, kau mpuk ape nang njadi mikik kau.' ²⁶ Namun, tuan ya nyaut wan madah ka ia, 'kau hamba nang jahat wan malas! kau tahu bahwa aku menuai ka tempat nang aku angin nabur wan ngumpulkan ka tempat nang aku angin nyabar banih. ²⁷ kaena na, seharus ya kao naroh duitku ka bank wan wa'tu aku kembali, aku akan narima mpuk ku kembali ngan bunga ya. ²⁸ galaplah 1 talenta na dari ya wan bere lah ka ia, nang mpuk 10 talenta na, ²⁹ sebab, setiap orak nang mpuk akan li bere agi, wan ia akan berkelimpahan. akan tapi, dari orak nang angin mpuk, bahkan ape nang ia mpuk akan li galap. ³⁰ tabaklah hamba nang angin baguna na ka dalap kegelapan nang palin pekat. ka tempat na ada tangisan wan kertak gigi." ³¹ "wa'tu anak manusia atak dalap kemulian ya, wan para malaikat basama ya, lalu Ia duduk ka takhta kemuliaan ya. ³² babis bangsa li ngumpulkan ka kadap ya, wan Ia akan misahkan mpuya sote dari nang lain, bage gembala nang memisahkan domba dari kambing-kambing. ³³ wan, Ia akan nempatkan domba-domba ka sebelah ya, wan kambing-kambing ka sebalah kiri. ³⁴ lalu Raja bakata ka mpuya nang ka sebelah kanan ya, 'marilah, kao nang li berkati oleh Bapa ku, warisilah kerajaan nang li sediakan ntuk kau dari pemulaan dunia. ³⁵ kaena wa'tu aku lapar, kau makat. aku haus wan kau mere aku minum. aku orak asing, wan kau ngundang aku tama. ³⁶ aku telanjak wan kau memake kan aku baju. aku sakit wan kao nele aku. aku ka penjara wan kao atak ka aku.' ³⁷ lalu, orak-orak banar na njawab ya, 'Tuhan, bila wakitu nele kau lapar wan mere kau makat, ato haus wan mere kau minum? ³⁸ bila wakitu nele kau seorak asing wan ngundang kau tama, ato telanjak wan memakekan kau baju? ³⁹ bila wakitu nele kau sakit ato ka penjara wan kami atak ka kau? ⁴⁰ Raja nyaut, 'aku madah nang sabanar ya ka kau, sebage mane kau melakukan tahadap sote dari dua nyadi ku nang paling amuk ntu, wakitu melakukan ntuk ku.' ⁴¹ lalu, Ia madah uga ka mpuya nang ka sebelah kri ya, 'ampuslah dari hadapan ku, kau nang takutuk, ka dalap api abadi nang telah li nyiapkan ntuk Iblis wan malaikat-malaikat ya. ⁴² sebab, aku lapar wan kau angin mere ku makat. aku haus wan kau angin mere ku minum. ⁴³ aku orak asing wan kau angin ngundang ku tam; telanjak wan kau angin memake aku baju; sakit wan ka penjara, wan kau angin nele aku.' ⁴⁴ lalu, mpuya uga njawab, 'Tuhan, bila wakitu nele kau lapar ato haus, ato seorak asing, atao sakit, ato telajak, ato ka penjara, wan angin melayani kau? ⁴⁵ lalu, Ia akan nyaut mpuya, "aku madahkan nang sabanar ya ka kau, sebagemane kau angin melakukanya tahadap sote dari mpuya, nang paling alus, kau angin melakukan ya ka aku.' ⁴⁶ wan, mpuya ntu mau ka dalap pengukuman kekal, tapi orak-orak banar ka dalap kehidupan kekal,"