¹ lalu, Yesus ngomong ka orak banyak wan murid-murid ya, ² "rombong ahli Taurat wan orak-orak Farisi duduk ka atas bangku Musa. ³ oleh kaena ntu, segala hal, sebanyak nang mpuya madah ka kao, gawelah wan perhatikanlah. Akan tapi, usah muat perbuatan-perbuatannya kaena mpuya madah , tapi angin ngelakukannya. ⁴ mpuya ngikatkan beban-beban nang barat wan naroh ya ka atas pundak orak lain. akan tapi, mpuya sorak angin mao mindahkan ya ngan jari mpuya. ⁵ mpuya ngawe babis perbuatan mpuya biar di tele orak. mpuya ngelebar tali-tali sembayang mpuya. ⁶ mpuya suka tempat terhormat dalap perjamuan, tempat duduk kadepan dalap sinagoge-sinagoge, ⁷ salam penghormatan ka tempat-tempat umum, wan li nyabut Rabi oleh orak-orak. ⁸ akan tapi, kao usah li nyabut rabi kaena hanya sote Guru kao, wan kao babis bersaudara. ⁹ usah nyabut siape jak sebage bapa kao ka dunia ntu kaena sote nyan Bapa kao, ya'na Ia nang ka Surga. ¹⁰ usah pula kao li nyabut pemimpin kaena sote nyan pemimpin kao, ialah Kristus Namun, nang terbesar ka ntara kao, hendaklah ia njadi pelayan kao. ¹² siape nang meninggikan diri ya akan di rendahkan wan siape nang merendahkan diri ya akan li tinggikan. ¹³ celakalah kao, ahli-ahli Taurat wan orak-orak Farisi, orak-orak munafik! kao nutup pintu kerajaan Surga ka depan orak kaena kao surak angin menamaiya wan ugak angin ngijin mpuya nang gik tama ntuk namakiya. ¹⁴ Celakalah kao, hai ahli-ahli Taurat wan orak-orak Farisi, orak-orak munafik! kao melahap rumah para janda wan ntuk kepura-puraan kao muat doa-doa nang panjak. kaena ntu, kao akan narima hukuman nang lebih barat. ¹⁵ Celakalah kao, hai ahli-ahli Taurat wan orak-orak Farisi, orak-orak munafik! kao menjelajah lautan wan daratan ntuk maba seorak tama ka dalap agama kao. wan, wa'tu ia udah njadi salah soteya, kao njadikanya anak neraka, dua kali lipat dari pada kao sorak. ¹⁶ Celakalah kao, hai rombong pemimpin buta, nang madah, 'siape nang bersumpah demi Bait Allah, hal ntu angin ada arti ya. tapi, siape nang basumpah demi emas Bait Allah, ia ngampak oleh sumpah ya na.' ¹⁷ kao, nang bodoh wan nang buta! mane nang aya, emas ato Bait Allah nang menguduskan emas ntu? ¹⁸ wan, 'siape nang basumpah demi altar, sumpah ntu angin ada arti ya. akan tapi, siape nang basumpah demi persembahan ka atas altar na, ia terikat ka sumpah ya na.' ¹⁹ Hai kao orak-orak buta! mane nang asa aya, persembahan ato altar nang menguduskan persembahan na? ²⁰ kaena na, siape nang basumpah demi altar wan babis nang ada ka atas ya. ²¹ wan, siape nang basumpah demi Bait Allah wan demi Ia nang diap ka dalap ya. ²² wan, siape nang basumpah demi takhta Allah, wan demi Ia nang duduk ka atas ya. ²³ celakalah kao, hai ahli-ahli Taurat wan orak-orak Farisi, orak-orak munafik! kao mere kasepuluhan kao dari selasih, adas manis, wan jintan, tapi telah ngabaikan hal-hal nang barat dari Hukum Taurat, ialah keadilan, belas kasihan, wan iman. Hal-hal ntulah nang seharus ya udah kao lakukan tanpa mengabaikan hal-hal nang lain. ²⁴ kao pemimpin-pemimpin buta, nang menyaring ²⁵ Celakalah kao, hai ahli-ahli Taurat wan orak-orak Farisi, orak-orak munafik! sebab, kao bersihkan bagian luar cawan wan pingir kao, tapi bagian dalap ya panuh rampasan wan keserakahan. ²⁶ kao, orak-orak Farisi nang buta! Bersihkan dulu bagian dalap cawan wan pingat, maka bagian luar ya ugak bisa njadi bersih. ²⁷ Celakalah kao, ahli-ahli Taurat wan orak-orak Farisi, orak-orak munafik! sebab, kao sama bage kubur nang li cat putih, pada bagian luar ya ketele baik, tapi bagian dalap ya panuh ngan tulak-tulak orak mati wan babis kenajisan. ²⁸ bagesana pula ngan kao, pada bagian luar kao ketele banar bagi manusia. akan tapi, wa'tu bagian dalap kao panuh kemunafikan wan kejahatan. ²⁹ Celakalah kao, ahli-ahli Taurat wan orak-orak Farisi, orak-orak munafik! sebab, kao m'bangun kubur-kubur para nabi wan merintah nisan-nisan orak-orak saleh, ³⁰ wan madah, 'jika wakitu udah hidup pada masa apek puyak wakitu, wakitu angin mao ngalap bagian ngan mpuya dalap darah para nabi.' ³¹ ngan bagesana, kao bersaksi tahadap diri kao sorak bahwa kao inalah anak-anak mpuya nang munuh para nabi. ³² jadi, ganapilah ukuran rombong apek puyak kao. ³³ kao, ular-ular, keturunan ular-ular beludak, bagemane kao mao melapas diri dari hukuman neraka? ³⁴ kaena na, telelah, aku ngutus nabi-nabi, orak-orak bijaksana, wan ahli-ahli Taurat ka kao. berape dari mpuya mao munuh wan li nyalib, berape mao kao pangkong ka sinagoge-sinagoge kao, wan kao aniaya dari kota ka kota, ³⁵ biar babis daerah orak-orak banar nang li numpahkan ka bumi mao atak ka kadap kao, mule dari darah Habel, ³⁶ sesungguh ya, aku ngatakan ka kao bahwa babis hal-hal ntu mao atak atas generasi ntu." ³⁷ "oh Yerusalem, Yerusalem, nang munuh para nabi wan nabak ngan batu mpuya nang li utus ka ia. asa pancah aku mao ngumpulkan anak-anak kao basama, bagekan induk mando ngumpulkan anak-anak ya ka bawah sayap ya, tapi kao angin mao. ³⁸ tele lah, rumah kao li napuk bagi kao wan njadi sunyi. ³⁹ sebab, aku madahkan ka kao bahwa mule sekarak, kao angin mao nele aku agik sampe madah, 'liberkatilah Ia nang atak dalap nama Tuhan."'