¹ Yesus madah agik ka mpuya dalap perumpamaan-perumpamaan, kata-ya, ² "kerajaan Surga bisa liumpamakan bage seorak raja nang ngadakan pesta pernikahan ntuk anak laki-laki ya. ³ wan, ia nyuruh rombong hamba ya ntuk nyaru orak-orak nang udah li undang ka pesta na, tapi mpuya angin mau atak. ⁴ lalu, raja nyuruh agik hamba-hamba nang lain, kata ya, "madah lah ka orak-orak nang li undang, tele, aku udah nyiapkan hidangan ku. lembu-lembu laki wan binatang peliharaan nang mono babis ya udah di sembaleh, wan babis ya udah siap. atak lah ka perjamuan kawen na. ⁵ akan tapi, mpuya ngabaikan wan ampus, nang sote ka uma ya, nang lain ka usaha ya, ⁶ wan nang lain ya nagkap hamba-hamba raja na, menyiksa wan munuh mpuya. ⁷ maka, sang raja bila, wan ngirim tentara-tentara ya, membinasakan pemunuh-pemunuhan na, wan nunu kota mpuya. ⁸ lalu, ia madah ka hamba-hamba ya, 'pesta pernikahan udah siap, tapi orak-orak nang li undang na angin layak. ⁹ oleh kaena na, ampuslah ka jalat-jalat raya wan undanglah berape banyak orak nang bisa kao namu ka pesta pernikahan na.' ¹⁰ maka, hamba-hamba na ampus ka jalat-jalat wan ngumpulkan babis orak nang mpuya tamu, orak nang baik wan nang jahat. wan, tempat perkawenan na li panuhkan ngan rombong tamu. ¹¹ akan tapi, wa'tu raja tama ntuk batamu ngan rombong tamu ya, ia nele seorak ka sana, nang angin make baju ntuk pesta kawen. ¹² ia madah ka iya, 'dua nyadi, bagemane kao bisa tama ka sana tanpa make baju ntuk pesta kawen?' wan, orak na badiap. ¹³ lalu raja na madah ka hamba-hamba ya, 'kubatlah langan wan batis ya, wan tabak lah ia ka dalap patak nang paling luar. lisana, akan ada tangis wan kertak gigi.' ¹⁴ sebab, banyak nang li manggel, tapi sedamuk nang li pilih." ¹⁵ lalu, orak-orak farisi ampus wan bakomplot biar mpuya bisa menjerat Yesus ngan kata ya. ¹⁶ wan, mpuya ngutus murid-murid mpuya ka Yesus, basama ngan orak-orak Herodian. mpuya madah, "Guru, wakitu tahu bahwa kao jujur wan ngajarkan jalat Allah dalap kebanaran. kao angin gali ka siape pun kaena kao angin nele rupa. ¹⁷ kalo bagesana, padahlah pendapat-kao ka wakitu. apekah libanarkan ntuk mayar pajak ka kaisar ato angin?" ¹⁸ akan tapi, Yesus nao kejahatan mpuya wan madah, "ngape kao nyoba aku, hai munafik? ¹⁹ bere tahu lah ka-aku duit ntuk pajak na." lalu, mpuya nyerahkan sekaping dinar ka iya. ²⁰ wan, ia madah ka mpuya, "gambar wan tulisan sape kah ntu?" ²¹ mpuya njawab "kaisar".lalu, Yesus madah ka mpuya, "oleh kaena na, bayar lah ka kaisar hal-hal mpuk kaisar, wan ka Allah hal-hal nang ntulah mpuk Allah." ²² wa'tu ndangarya, mpuya taheran-heran, wan napuk ya lalu ampus. ²³ wa'tu hari nang sama, orak-orak saduki, nang madah bahwa angin ada kebangkitan, atak ka Yesus wan batanya ka iya. ²⁴ mpuya madah, "Guru, Musa madah bahwa jika seorak laki-laki mati wan angin mpuk anak, duanyadi nang laki harus ngawen bini ya wan neruskan ketununan bagi duanyadi nang napuk ia. ²⁵ sekarak, ada tujuh dua nyadi ka ntara wakitu. nang pertama kawen, wan mati tanpa mpuk anak, wan napuk bini ya bagi duanyadi. ²⁶ bagesana ugak ngan nang kedua, nang ketiga, sampe nang ketujuh. ²⁷ akhir dari babis ya, mbini na ugak mati. ²⁸ wa'tu hari kebangkitan, mbini na njadi bini siape dari ketujuh duanyadi? sebab, mpuya babis udah ngawen ya." ²⁹ tapi, Yesus njawab wan madah ka mpuya, "kao li nyasat, angin ngerati KItab Suci ato kuasa Allah. ³⁰ sebab, wa'tu hari kebangkitan, mpuya angin kawen atopun li ngawen, tapi bage malaikat-malaikat ka surga. ³¹ namun, mengenai kebangkitan orak-orak mati, angin kah kao maca ape nang li madah ka kao oleh Allah, ³² 'akulah Allah Abraham, Allah Ishak, wan Allah Yakub'? Ia bukat Allah orak mati, melainkan Allah orak nang hidup." ³³ wa'tu orak banyak ndangar hal ntu, mpuya taheran-heran ka hadap pengajaran- ya. ³⁴ namun, wa'tu orak-orak Farisi ndangar bahwa Yesus telah muat orak-orak Saduki tadiap, bakumpullah mpuya. ³⁵ lalu, sote dari mpuya seorak ahli Hukum Taurat, batanya ka Yesus ntuk nguji-ya, ³⁶ "Guru, merintah manekah nang penting dalap Hukum Taurat?" ³⁷ wan, Yesus madah ka iya, "kao harus mengasihi Tuhan Allah kao ngan segenap hati kao, wan ngan segenap jiwa kao, wan ngan segenap pikiran kao. ³⁸ ntulah perintah nang aya wan nang pertama. ³⁹ nang kedua ialah bagesana, 'kao harus mengasihi sesama kao bage diri kao sorak.' ⁴⁰ dalap kedua perintah ntu, tergantung babis Hukum Taurat wan kitab para nabi." ⁴¹ sekarak, sementara orak-orak Farisi bakumpul basama, Yesus batanya ka mpuya, ⁴² "bagemane pendapat kao tentang Kristus? anak siapekah Ia?" mpuya bakata ka iya, "Anak Duad." ⁴³ Ia madah ka mpuya, "kalo bagesana, bagemanekah Daud, dalap Roh, nyaru ya 'Tuan', kata ya, ⁴⁴ 'Tuhan bafirman ka Tuanku, "Duduklah ka sebelah kanan-ku, sampe Aku nempatkan munsuh-munsuh kao ka bawah batis kao.'? ⁴⁵ jika Daud mangel Kristus sebage 'Tuan', bagemane mungkin Ia ntulah anak Daud?" ⁴⁶ angin seorak pun nang bisa njawab sote kata pun ka Ia. wan, sejak hari ntu, angin ada orak nang berani nanyakan pertanyaan-pertanyaan agik ka Ia.