¹ لەبەر ئەوەی ئێوەش لەگەڵ مەسیحدا هەستاونەتەوە، بۆ ئەو شتانەی کە لە سەرەوەن تێبکۆشن، چونکە مەسیح لە ڕاستەی خودا دانیشتووە. ² گرنگی بدەن بەو شتانەی کە لە سەرەوەن ، نەک بە شتە زەمینیەکان. ³ چونکە ئێوە مردبوون، و ژیانتان لەگەڵ مەسیح لە خودادا شاراوەتەوە. ⁴ کاتێک مەسیح کە ژیانی ئێمەیە، کە دەرکەت، ئەوا ئێوەش لەگەڵیدا بە شکۆمەندی دەردەکەون. ⁵ کەواتە ئارەزووە زەمینیەکانتان بمرێنن: داوێنپیسی، گڵاوی، هەوەسبازی، ئارەزووی خراپ، چاوبرسیێتی کە بتپەرستیە. ⁶ بەهۆی ئەم گوناهانەوە تووڕەیی خودا دادەبەزێت، ⁷ ئێوە پێشتر بەم رێگەدا ڕۆیشتوون، کاتێک تێیدا ژیابوون. ⁸ بەڵام ئێستا، هەموو ئەم گوناهانە لە خۆتان داماڵن: تووڕەیی، قین، ئارەزووی خراپەکاری، کوفر، و قسەی نەشیاو کە لە دەمتان دێتە دەرەوە. ⁹ درۆ لەگەڵ یەکتر مەکەن، چونکە مرۆڤی کۆن و کردەوەکانیتان داکەندووە و ¹⁰ مرۆڤێکی نوێتان لەبەر کردووە ئەوەی نوێ بۆتەوە بۆ پێگەیشتن لە زانیاری تەواو بە پێی وێنەی بەدیهێنەرەکەی. ¹¹ لەوێشدا جیاوازی نییە لە نێوان یۆنانی و یەهودی، یان خەتەنەکراو و خەتەنەنەکراو، یان شارستانی و دواکەوتوویی، یان کۆیلە و ئازاد، بەڵکوو مەسیح هەموو شتێکە و لە هەموو شتێکدا. ¹² بۆیە، ئێوە کە گەلی پیرۆزی خۆشەویست و هەڵبژێردراوی خودان، میهرەبانی و نیانی و بێفیزی و دڵنەرمی و پشوو درێژی لەبەر بکەن، ¹³ بەرگەی یەکتر بگرن و لە یەکتر خۆش بن. ئەگەر هەریەکێک لە ئێوە سکاڵای لە ئەوەی دیکە هەبێت، وەک چۆن پەروەردگار لێتان خۆش بوو، ئێوەش هەروا. ¹⁴ وە لە سەرووی هەمووشیانەوە خۆشەویستی لەبەر بکە کە پەیوەستە بە کامڵ بوونەوە. ¹⁵ با ئاشتی مەسیح فەرمان لەسەر دڵتان بکات، کە بە یەک جەستە بۆ ئەو بانگکرابوون؛ سوپاسگوزار بن! ¹⁶ با وشەی مەسیح بە دەوڵەمەندی لە ئێوەدا نیشتەجێ بێت، بەوپەڕی داناییەوە، ئامۆژگاری یەکتر بکەن و یەکتر فێر بکەن، زەبور و سروودی گیانی لە دڵتاندا بۆ خودا بڵێن، ستایشەکانتان بۆ ئەو بەرز بکەنەوە. ¹⁷ گرینگە هەرچییەک دەکەن، بە قسە یان بە کردار، با هەمووی بە ناوی یەشوای پەروەردگارەوە ئەنجام بدرێت، سوپاسگوزاریتان بەو بەزری بکەنەوە بۆ خودای باوک. ¹⁸ ئەی ژنان ملکەچی مێردەکانتان بن وەک چۆن لە پەروەردگاردا گونجاوە ( بۆژیان). ¹⁹ ئەی مێردەکان، ژنەکانتان خۆش بوێت، و دڵ ڕەقانە مامەڵەیان لەگەڵ مەکەن. ²⁰ ئەی منداڵان، لە هەموو شتێکدا گوێڕایەڵی دایک و باوکتان بن، چونکە ئەمە لە پەروەردگاردا مایەی ڕەزامەندیە. ²¹ ئەی باوکان، لە مناڵەکانتان توڕە مەبەن، نەک شکست بهێنن. ²² ئەی کۆیلە لەهەموو فەرمانێکدا گوێڕایەڵی گەورەکانتان بن، نەک تەنها ئەو کاتەی کە چاودێریتان دەکەن بۆ ئەوەی دڵی خەڵکی ڕازی بکەن، بەڵکوو بە دڵێکی ڕاستگۆیانە، لە پەروەردگار بترسن. ²³ هەرچییەک دەکەن، بە هەموو دڵتانەوە کۆششی بۆ بدەن، وەک بۆ پەروەردگاری بکەن نەک بۆ خەڵکی، ²⁴ دەزانن کە پاداشت دەدرێنەوە بە میراتێک لە پەروەردگارەوە. چونکە ئێوە خزمەتکاری مەسیحی پەروەردگارن ²⁵ بەڵام هەریەکێک خراپەکاری بکات پاداشتی کارە خراپەکەی وەردەگرێت، و خودا لایەنگری لێ ناکات.