¹ Quiropaaro hui'nin Apimiricoso', Siquimoquë pa'nin. A'shin quëmopinënpitataquë pa'sahuaton itapon: ² "Pa'a canta', ya'huërënamëhuë Siquimo hua'ano'sa natanco': '¿Ma'ta canpita marë' noya noya, 70 Jerobaal hui'ninpita hua'anëntinquëmaso nica? ¿A'naichin hua'anëntiinquëmaso nica?' itoco'. Caso canpita quëmopinëmaco ni'ton, nicatahuahua'," itërin. ³ A'shin quëmopinënpitariso', Siquimo hua'ano'sa nontopi. Nontohuachinara, Inapitaso nohuantopi Apimiricori hua'anëntacaso'."Inaso quëmopinënpoa," ta'tona nohuantopi. ⁴ Inapoatona, mamanshinëna Paaro Pirito pëinën quëran a'na quiro pochin prata quë'ninso quëtopi. Ina coriquiquë inaso', no'huitërayaro'sa, matararoro'sa, inapita pahuërërin imacaiso marë' ⁵ Apimiricoso', Opra ninanoquë pa'nin. Pa'pinco ya'huërinquë pa'sahuaton, 70 iinpita a'na na'pi aipi tëparin. Cotamoichin na'pitahuaton, cha'ërin. Inaso Quiropaaro huinshoin ninin. ⁶ Siquimoquë, Piti Miroquë, inaquëpita hua'ano'sa ya'huëpiso', niyontonpi. Pa'sahuatona Apimirico acopi copirnonëna nicacaso marë'. ⁷ Inaporapiso', Cotamo sha'huitopi. Inaso pa'sahuaton, Quirisimo motopia'huaquë nanpërahuaton, Siquimoro'sa chiniquën nontërin: "Natanco Siquimo hua'ano'sanquëma. Sinioronta inachachin natainquëma'. ⁸ A'na tahuëri nararo'sa copirno nohuantatona, oripo nara copirnonëna nicacaso marë' natanpi: 'Quëma hua'anëntocoi ta'a,' itopi. ⁹ Inari'so napoaponahuë itapon: "Co nanitërahuë. Copirnonëma nicahuaso marë' ya'conpatoso', co huachi ca quëran toma ocoiyapihuë'. Ina tomaso', Yosë payatatona quëtopi. Piyapi'santa pa'yatatona pashitopi,' itërin. ¹⁰ Ina quëran nararo'saso', ico nara ya'huërë nataantapi: 'Huëquë, quëma hua'anëntocoi,' Itopi. ¹¹ Napotohuachinara, inarinta itapon: 'Co nanitërahuë. Copirnonëma nicahuaso marë' ya'conpatoso', co huachi cashi cashin nitërahuësopita nitapohuë',' itërin. ¹² Ina quëran nararo'saso', opa nara ya'huërë nataantapi: 'Huëquë, quëma hua'anëntocoi,' itopi. ¹³ Napotohuachinara inarinta itapon: 'Co nanitërahuë. Copirnonëma nicahuaso marë' ya'conpatoso', co huachi ca quëran nasha huino ocoiyapihuë'. Inaso o'opachinara yosëro'santa noya cancantopi. Piyapiro'santa noya cancantopi,' itërin. ¹⁴ Ina quëran sarsa nara ya'huërë nataantapi: 'Huëquë, quëma hua'anëntocoi,' itopi. ^{15 16} Itohuachinara sarsari itapon: 'Tëhuënchachin canpita copirnonëma nica'huaso nohuantohuatamaso', huëcatoma tashinantërahuëso anaquë noya ya'huëco'. Co'so napohuatamahuë', tananpitoco caquëran pën pipiin. Pipirahuaton Nipano tananquë nonararo'sa ya'huërinso ahuiquichin. Iporaso canpitanta copirnonëma nicacaso marë' Apimirico acorama